რა არის ძვალ-სახსართა ტუბერკულოზი
15.11.2022
ტუბერკულოზი უძველესი დაავადებაა. მისი გამომწვევია ტუბერკულოზის მიკობაქტერია. დაავადება უპირატესად ფილტვებში ლოკალიზდება, თუმცა პროცესში შეიძლება ჩართული იყოს სხვა ორგანოები, მათ შორის ძვლები და სახსრები.
ტუბერკულოზის მიკობაქტერია შეიძლება გავრცელდეს ხერხემალშიც და ნებისმიერ მსხვილ სახსარში.
ძვალ-სახსართა ტუბერკულოზს ახასიათებს:
- ტკივილი დაზიანებულ სახსარში;
- საერთო სისუსტე;
- ადვილად დაღლა/მოთენთილობა;
- გაძლიერებული ოფლიანობა;
- მადის დაქვეითება, წონაში კლება;
- სახსარში მოძრაობის შეზღუდვა და ტკივილი;
- დაზიანებული ზონის ირგვლის მდებარე კუნთების ატროფია;
- სუბფებრილური ტემპერატურა;
- გვიანდელი სიმპტომებია წანაზარდების განვითარება და დაჩირქება.
ეპიდემიოლოგიური თვალსაზრისით ძვალ-სახსართა ტუბერკულოზით დაავადებული ადამიანი გადამდები არ არის.
დიაგნოსტიკა და მკურნალობა:
დიაგნოსტიკა ხდება რენტგენოლოგიური კვლევითა და ტომოგრაფიით, ასევე ჩირქოვანი შიგთავსის ბაქტერიოლოგიური კვლევით.
მკურნალობენ მედიკამენტოზურად და ქირურგიულად. მკურნალობა რთულდება, როდესაც დიდი რაოდენობით მალაა დაზიანებული, ძვლის სასახსრე ბოლოები დაშლილია და ხერხემალი მნიშვნელოვნად დეფორმირებულია.
