A ჰეპატიტი - მკურნალი.გე

რუბრიკები

ოჯახის მკურნალის ანონსი

მარტი 2020

კითხვა-პასუხი

A ჰეპატიტი

A ჰეპატიტი

 A ჰეპატიტი ღვიძლის ვირუსული ანთების ყველაზე გავრცელებული ფორმაა. ის მთელ მსოფლიოში გვხვდება და ხშირად ეპიდემიური ხასიათი აქვს. A ჰეპატიტი სხვადასხვა დროს ცნობილი იყო ინფექციური ჰეპატიტის, ეპიდემიური ჰეპატიტის, ბოტკინის დაავადების, სიყვითლის სახელწოდებით. ლიტერატურაში იგი ჭუჭყიანი ხელების დაავადებადაც კი მოიხსენიება.


A ჰეპატიტი უმეტესად შემოდგომაზე და ზამთარში აღინიშნება. ვრცელდება ფეკალურ-ორალური გზით, დაბინძურებული საკვების ან წყლის მეშვეობით. ეს ვირუსის გავრცელების კლასიკური გზაა. არსებობს სხვა გზებიც. წლამდე ასაკის პატარები არ ავადდებიან - მათ დედისეული ანტისხეულები იცავს. დაავადება უფრო ხშირად ხვდებათ უფროსი ასაკის ბავშვებს, რომლებიც მიირთმევენ გაურეცხავ

ხილს, ჭუჭყიანი ხელებით შეექცევიან კერძს, პირში იდებენ სათამაშოებს და თითებს. წინათ დაავადების პიკი 3-დან 10 წლამდე ასაკის ბავშვებზე მოდიოდა. დღეს უმთავრესად უმცროსი სასკოლო ასაკის ბავშვები და არასათანადო სანიტარულ პირობებში მცხოვრები მოზარდები ავადმყოფობენ. ნარკომანები რისკის ჯგუფში შედიან, რადგან უმთავრესად საერთო შპრიცს მოიხმარენ.
ინფექციის წყაროს, გარდა სიყვითლით
მიმდინარე დაავადების მქონე პირებისა, წარმოადგენენ ავადმყოფები A ჰეპატიტის უსიყვითლო და სუბკლინიკური ფორმით. ვირუსი გამოიყოფა ინფიცირებულის განავალში დაავადების კლინიკურ გამოვლენამდე დაახლოებით ორი კვირის განმავლობაში და გამოვლენის შემდეგ რამდენიმე დღის მანძილზე. დაავადება მაქსიმალურად გადამდებია უშუალოდ სიყვითლის განვითარების წინ. A ჰეპატიტის გადატანის შემდეგ ვირუსმატარებლობა არ აღინიშნება. დაავადება ტოვებს მყარ იმუნიტეტს. განმეორებითი შემთხვევები იშვიათია.
ვარაუდობენ, რომ ვირუსის გამრავლების პირველი ადგილია პირ-ხახა, შესაძლოა, სანერწყვე ჯირკვლები და მათ ახლოს მდებარე ლიმფური კვანძები. არაიმუნიზებულ ორგანიზმში ვირუსი აქტიურად მრავლდება ღვიძლის უჯრედებში, საიდანაც ლიმფური გზებისა და სისხლძარღვების გავლით ხვდება ნაღვლის სადინარსა და სანაღვლე გზებში, საბოლოოდ კი ნაწლავის სანათურში მკვიდრდება. დაავადება თითქმის არასდროს გადადის ქრონიკულ ფორმაში. სიკვდილიანობა 0,1%-ზე დაბალია და აღინიშნება ღვიძლის მწვავე უკმარისობის შემთხვევაში.
A ჰეპატიტის საინკუბაციო (ფარული) პერიოდი საშუალოდ 3-4 კვირას შეადგენს (ზოგჯერ უფრო ნაკლებ ან მეტ ხანს - 1-დან 7 კვირამდე გრძელდება). დაკვირვებამ აჩვენა, რომ საინკუბაციო პერიოდი ხანმოკლეა, როცა დაავადების წყარო წყალი და საკვებია, და ხანგრძლივი, როცა გადაცემა კონტაქტური გზით ხდება - ვირუსი ადამიანისგან უშუალოდ ადამიანს გადაედება.
პროდრომულ ანუ სიყვითლისწინა პერიოდში, რომელიც 5-7 დღე (შესაძლოა, 1-დან 14 დღემდეც) გრძელდება, ავადმყოფს აღენიშნება სისუსტე, დაღლილობა, თავის ტკივილი, კუნთებისა და სახსრების ტკივილი, გულისრევა, ღებინება, კანის ქავილი. ტემპერატურის ზომიერი (37-38,50ჩ-მდე) მომატება. მცირე ასაკის ბავშვებს აქვთ დიარეა (კუჭის აშლილობა), მოზარდებსა და მოზრდილებს აწუხებთ ტკივილი მარჯვენა ფერდქვეშა და კუჭის არეში. ავადმყოფის მდგომარეობა უმეტესად სიყვითლის გამოვლენისთანავე უმჯობესდება, ზოგადი სიმპტომები ქრება.
სიყვითლის პერიოდს ახასიათებს მუქი შარდი, უფერული განავალი, ლორწოვანის, თვალის სკლერისა და კანის სიყვითლე. სიყვითლემ შესაძლოა მოიმატოს პირველ, მეორე, მესამე დღეს, შენარჩუნდება 1-2 კვირას, შემდეგ კი ნელ-ნელა ცხრება. მდგომარეობა ნორმას საბოლოოდ რომ დაუბრუნდეს, კიდევ 1-2 კვირაა საჭირო.



ამ ავტორის სხვა სტატიები
გააკეთეთ კომენტარი
თარიღი : 05-12-2016
mari
10 წლის უკან მქონდა ბოტკინი, სისხლის ანალიზი აცჰვენებს ამას ? ჯანმრტელობის ცნობა მინდა სამსახურისტვის
თარიღი : 11-10-2016
ana
დაახლოებით სამი წლის ვიყავი როდესაც ბოტკინი შემხვდა,გავიარე მკურნალობის სრული კურსი და ასევე რეაბილიტაციაც.დავიცავი დიეტაც,მაინტერესებს შემიძლია თუ არა ვიყოო სისხლის დონორი???
დიეტოლოგია
ტვინისათვის სასარგებლო ბოსტნეულიდან დიეტოლოგები გამოყოფენ წითელ კომბოსტოს, ჭარხალსა და ისპანახს. წითელი კომბოსტო მეტად სასარგებლოა ტვინის
თუ შეკრულობა (ყაბზობა) გაწუხებთ, რეგულარულად უნდა მიირთვათ ბროკოლი, ვაშლი და ისპანახი.
შვრია აქვეითებს სისხლში ქოლესტერინის დონეს, ანთების მაჩვენებლებს, წონას და აუმჯობესებს საჭმლის მონელებას.
კატეგორიის სხვა სტატიები
1. Covid-19 და SARS-CoV-2 - არ არის ერთი და იგივე. Covid-19 - ახალი კორონავირუსით
უკვე მესამე დღეა, იტალიასა და ესპანეთში, ევროპის ამ ორ ქვეყანაში, რომლებიც ყველაზე მეტად დაზარალდნენ Covid-19-ის პანდემიის შედეგად, გარდაცვლილთა
თურქი მედიკოსები უკვე საუბრობენ კორონაფობიაზე - ინფიცირების მწვავე შიშზე.
ვირუსი აღმოჩენილი იქნა უჰანის ტერიტორიაზე, სადაც მეცნიერებმა შეკრიბეს 100 მაწანწალა
სამხრეთ ავსტრალიის უნივერსიტეტის მეცნიერების ჯგუფმა დაიწყო დრონის შემუშავება,
ადამიანის ხერხემალს ყოველდღიურად დიდი დატვირთვა ადგება, შესაბამისად,
კორონავირუსის პანდემიამ აქტუალური გახადა ყველგან და ყველაფერში სისუფთავის დაცვის საკითხი.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად