პაციენტების 40%-ზე მეტს არ აღენიშნება ხველება, მაღალი ტემპერატურა ან სუნთქვის გაძნელება. როგორც წესი, საუბარია ახალგაზრდა პაციენტებზე, ქალებსა და იმ პირებზე, რომელთაც არ აქვთ ქრონიკული დაავადებები.

ამერიკელმა სპეციალისტებმა გაანალიზეს კორონავირუსზე ტესტირების დადებითი შედეგის მქონე 78 პაციენტის მდგომარეობა (ინფექცია გამოვლინდა 2019 წლის 24 დეკემბრიდან 2020-ის 24 თებერვლამდე). აღმოჩნდა, რომ 45 პაციენტს ჰქონდა ინფექციის სიმპტომები-მშრალი ხველა, ცხელება, სისუსტე და ქოშინი. თუმცა 33 პაციენტში (42%-ზე მეტი) დაავადება უსიმპტომოდ მიმდინარეობდა, ანუ მათ არ უფიქსირდებოდათ არც ერთი ზემოთჩამოთვლილი სიმპტომი.

უსიმპტომო მიმდინარეობის მქონე პაციენტების ასაკი 20-დან 40 წლამდე იყო, ხოლო სიმპტომებით მიმდინარე ინფექცია აღინიშნებოდა 30-60 წლის პაციენტებში. ქალებს,  როგორც წესი ვირუსის სიმპტომები არ უვლინდებოდათ. ამასთან უსიმპტომო პაციენტები ვირუსს ავრცელებდნენ საშუალოდ 8 დღის განმავლობაში, ხოლო ინფექციის სიმპტომების მქონენი 19 დღის მანძილზე.

ასევე დაგაინტერესებთ:

რა საშიში დაავადებები შეიძლება გამოიწვიოს ნიღბებმა და ხელთათმანებმა

ჩინელმა მეცნიერებმა დაადგინეს, რომ კორონავირუსის წარმოშობა უჰანის ბაზარს არ უკავშირდება

აღდგება თუ არა სასწავლო პროცესი სექტემბერში