ამინდის ცვალებადობა კორონავირუსზე ძლიერ ზემოქმედებას ახდენს
ჩინელმა მეცნიერებმა გამოავლინეს, რომ მომატებული სიკვდილიანობა დაკავშირებული იყო ტენიანობის დაბალ დონესა და დღისა და ღამის ტემპერატურის მნიშვნელოვან სხვაობასთან. ამ მონაცემს აგროვებდნენ 2020 წლის 20 იანვრიდან 29 თებერვლამდე, როდესაც ეპიდემიამ პიკს მიაღწია. ამ პერიოდში დაიღუპა უჰანის 2300 მცხოვრები.
ექსპერტებმა შეაჯერეს ყოველდღიურად გარდაცვლილთა რიცხვი ტემპერატურისა და ტენიანობის ცვლილებებთან. სიკვდილიანობასა და ამინდს შორის კავშირი დადსტურდა. ამით კორონავირუსის ახალი შტამი თავის ახლო წინამორბედებს - ახლო აღმოსავლეთის რესპირატორული სინდრომის MERS და ატიპური პნევმონიის SARS-CoV-1 ასევე რესპირატორული დაავადებების სხვა გამომწვევების მსგავსია. როგორც გამოთვალეს დღისა და ღამის ტემპერატორული სხვაობის გაზრდა სიკვდილიანობის დონეს 2,9%-ით ზრდიდა, ხოლო ჰაერის ტენიანობის 1გ/სმ3 ზრდა ამ მაჩვენებელს დაახლოებით 11%-ით ამცირებდა.
აღნიშნული დასკვნები შესაძლებელს ხდის ვივარაუდოთ როგორი იქნება ვირუსის ქცევა მომავალ თვეებსა და წლის სეზონებზე.