გრიპის საწინააღმდეგო რომელი საშუალება აღმოჩნდა ეფექტური კორონავირუსის მკურნალობისთვის
საუბარია ფავიპირავირზე- ვირუსსაწინააღმდეგო პრეპარატზე, რომელიც იაპონურმა კომპანიამ Toyama Chemical შეიმუშავა. მას გააჩნია მრავალი რნმ-ვირუსის საწინააღმდეგო აქტივობა და წარმატებით გამოსცადეს ჩინეთში პაციენტებზე.
აღნიშნული საშუალების მიღების შემდეგ პაციენტები უფრო სწრაფად გამოჯანმრთელდნენ და ფილტვების მხრივ გართულებებიც ნაკლებად აღინიშნებოდა. პრეპარატი ბლოკავს სხეულში ვირუსის გამრავლებას. მანამდე ფავიპირავირმა დაამტკიცა ეფექტურობა გრიპის შტამების, ყვითელი ცხელების და ზოგიერთი სხვა ვირუსული დაავადების წინააღმდეგ. აღსანიშნავია, რომ პრეპარატი არ იწვევს სერიოზულ გვერდით ეფექტებს.
რაც შეეხება კორონავირუსის ტესტირებას, პრეპარატის გამოყენება ვირუსის კვალისგან განთავისუფლების საშუალებას იძლეოდა დიაგნოზის დადგენიდან ოთხი დღის შემდეგ. საკონტროლო ჯგუფში მაჩვენებელი იყო 11 დღე.
ცნობილია, რომ ახლო მომავალში, გამოცდას გაივლის ფავიპირავირის პერორალიური სამკურნალო საშუალება კორონავირუსით დასნებოვნებულ 60 პაციენტში. თერაპია გაგრძელდება 10 დღე. უფრო მასშტაბური კვლევა მოსალოდნელია ექსპერიმენტის ამ ეტაპის დასრულების შემდეგ.
"მკურნალი" ყოველდღიურად გაწვდით ინფორმაციებს სხვადასხვა ქვეყნებში მიმდინარე კვლევებისა და დაკვირევებების შესახებ, რომლებიც გვაძლევს იმედს, რომ ახლო მომავალში მედიკოსებს მკურნალობსი ეფექტური საშუალება ექნებათ.