კორონავირუსით დასნებოვნებული პაციენტები შეიძლება რამოდენიმე კვირის განმავლობაში იყვნენ ინფექციის გადამდები
დაავადების პირველი ნიშნების გამოვლენიდან 5 კვირის განმავლობაში შეიძლება გადამდები აღმოჩნდნენ. ვირუსი რესპირატორულ ტრაქტში 37 დღემდე ცოცხლობს. ეს გაცილებით მეტია, ვიდრე 2 კვირიანი კარანტინის ვადა.
აღნიშნული დასკვნა გაკეთდა უჰანის ორი საავადმყოფოს 191 პაციენტის კვლევის შედეგად. ვირუსის რნმ პაციენტების სასუნთქი გზების ნიმუშებში, დაავადების პირველი ნიშნების გამოვლენიდან საშუალოდ 20 დღის განმავლობაში რჩებოდა. ყველაზე მოკლე პერიოდი შეადგენდა 8, ხოლო ყველაზე დიდი 37 დღეს.
თავის მხრივ ამერიკელმა მეცნიერებმა დაადგინეს, რომ ვირუსი ჰაერში შეიძლება ცოცხლობდეს სამი საათის განმავლობაში, ზედაპირებზე კი სამ დღემდე. სპილენძზე ვირუსი ცოცხლობს 4 საათამდე, მუყაოზე - ერთი დღე, ფოლადზე და პლასტმასტზე- 72 საათამდე.
გერმანულმა კვლევამ აჩვენა, რომ დასნებოვნებული პაციენტები დიდი რაოდენობით ვირუსს ჯერ კიდევ გამოხატული სიმპტომების გამოვლენამდე გამოყოფენ.