როგორ მოქმედებს ადამიანის ფისიქიკაზე კარანტინი
ექსპერტები დაინტერესდნენ შემთხვევებით, როდესაც ადამიანი სახლში იყო თვითიზოლაციაში ან იმყოფებოდა საავადმყოფოში. ისინი დაეყრდნენ 2003 წელს ატიპურ პნევმონიასთან და 2014 წელს ებოლას ცხელებასთან დაკავშირებული კარანტინის კვლევის მონაცემებს.
აღმოჩნდა, რომ დასაწყისში კარანტინი ადამიანებში იწვევს სრული დეზორიენტაციის, ქაოსის, გაღიზიანებისა და შფოთის მწვავე შეგრძნებას. შემდეგ წინა პლანზე გამოდის ცუდი განწყობა და ემოციური გამოფიტვა, შიში, გაღიზიანება, ნევროზულობა, უძილობა, დეპრესიის, შფოთისა და პოსტტრავმული სტრესული მდგომარეობის სიმპტომები. რაც უფრო ხანგრძლივი იყო კარანტინი, მით მეტად იყო გამოხატული მონატრების, მოწყენილობის, გამოუვალი მდგომარეობის, გაურკვევლობისა და სიტუაციის უკონტროლობის შეგრძნება. უარესდებოდა ადამინების ფსიქოლოგიური მდგომარეობა და იზრდებოდა სტრესის დონე.
განწყობა უარესდება მომხდარის ირგვლივ სანდო ინფორმაციის არარსებობის, საკვები პროდუქტების, წამლების დეფიციტის, ფინანსური დანაკარგების ფონზე.
ფსიქიკაზე ნეგატიურად აისახება მოწყენილობა და ადამიანებთან ურთიერთობის არარსებობა. ამიტომ ექსპერტები გვირჩევენ მუდმივად გვქონდეს სატელეფონო თუ ინტერნეტ კონტაქტი კარანტინის ზონასთან. ასევე მნიშვნელოვანია, რომ კარანტინში მყოფ პირებს მიეწოდოთ დეტალური ინფორმაცია კარანტინის მნიშვნელობასა და სარგებელზე.