როგორ აუმჯობესებს ომეგა 3 ღვიძლის მდგომარეობას
მეცნიერებმა გამოიყენეს ტექნიკა, რომელიც ცნობილია როგორც მულტი-ომიური ქსელის ანალიზი, რათა დაედგინათ მექანიზმი, რომლის მეშვეობითაც დიეტური ომეგა 3 ამსუბუქებს არაალკოჰოლურ სტეატოჰეპატიტს.
მექანიზმი მოიცავდა ბეტაცელულინს, ცილის ზრდის ფაქტორს, რომელიც ასრულებს მრავალ დადებით როლს სხეულში, მაგრამ ასევე ხელს უწყობს ღვიძლის ფიბროზის, ან ნაწიბურების წარმოქმნის შემცირებას და აფერხებს მათ პროგრესირებას ციროზამდე ან ღვიძლის კიბომდე.
მეტა-ანალიზის საშუალებით აღმოაჩინეს, რომ ბეტაცელულინი კიბოს მქონე პაციენტების ღვიძლში იმაზე მეტია, ვიდრე უნდა იყოს. ომეგა 3 აქვეითებს ან არეგულირებს ბეტაცელულინს არაალკოჰოლური სტეატოჰეპატიტის მქონე პირებში.
არაალკოჰოლური სტეატოჰეპატიტი ასოცირდება დარღვევასთან, რომელიც ცნობილია როგორც მეტაბოლური სინდრომი. ის ვითარდება, როდესაც ღვიძლში არსებული ცხიმი ხდება ტოქსიკური, კლავს ღვიძლის უჯრედებს, აჩენს ანთებას და ხელს უწყობს ფიბროზს. დაავადებამ შეიძლება გამოიწვიოს მუდმივი ნაწიბურები (ციროზი), ღვიძლის უკმარისობა.
ადამიანებს შეიძლება ჰქონდეთ მეტაბოლური სინდრომი, თუ მათ აქვთ შემდეგი მდგომარეობებიდან რამდენიმე: მაღალი წნევა, სისხლში შაქრის მაღალი დონე, სისხლში "კარგი" ქოლესტერინის დაბალი დონე, ცუდი ქოლესტერინის და ტრიგლიცერიდების მაღალი დონე.
გაჯერებული ცხიმებითა და რაფინირებული შაქრებით მდიდარი დიეტა იწვევს ქრონიკულ ანთებას, რაც ხელს უწყობს მეტაბოლური სინდრომის განვითარებას. მეტაბოლური სინდრომი ასევე არის გულ-სისხლძარღვთა დაავადებების, ტიპი 2 დიაბეტის ძირითადი რისკ- ფაქტორი.
დიეტური დანამატების გარდა, ომეგა 3, როგორიცაა დოკოზაჰექსაენოინის მჟავა, გვხვდება ცხიმოვან თევზში, როგორიცაა ორაგული და სკუმბრია და ზოგიერთ თხილში, თესლში და მცენარეულ ზეთებში.
ომეგა 3 არ იწარმოება ორგანიზმის მიერ, მაგრამ ეს არის აუცილებელი ცხიმოვანი მჟავა, რომელიც უნდა მიიღოთ საკვებიდან ან დანამატებიდან.
ცხიმოვანი მჟავები მონაწილეობენ ორგანიზმში მიმდინარე პროცესების ფართო სპექტრში, მათ შორის შემეცნებითი ფუნქციის, მხედველობის, უჯრედების ზრდის, მრავალი მეტაბოლური პროცესის რეგულირებისა და გულ-სისხლძარღვთა ფუნქციის ჩათვლით.