ვენური თრომბოემბოლიზმის სიმპტომები და რისკ-ფაქტორები
21.11.2022
ვენური თრომბოზი არის ვენის ანთებასთან დაკავშირებული სანათურის დათრომბვა.
ღრმა ვენების თრომბოზი საკმაოდ სერიოზული და საყურადღებო დაავადებაა. ის შეიძლება გახდეს ფილტვის არტერიული თრომბოემბოლიის გამომწვევი მიზეზი, რომლისთვისაც სერიოზული გართულებები და სიკვდილიანობის მაღალი მაჩვენებელია დამახასიათებელი.
ღრმა ვენების თრომბოზის სიმპტომები შესაძლოა იყოს:
- დაზიანებული ქვემო კიდურის(იშვიათად ორივე კიდურის) შესიება;
- სიმხურვალის შეგრძნება დაზიანებულ კიდურზე;
- ქვემო კიდურებზე კანის სიწითლე ან გაუფერულება;
თუმცა, შეიძლება დაავადება უსიმპტომოდაც განვითარდეს.
ვენური თრომბოემბოლიზმის განვითარების რისკ-ფაქტორებია:
- ასაკი;
- გულის ქრონიკული უკმარისობა;
- სიმსუქნე;
- თამბაქოს მოხმარება;
- ორთოპედიულ-ქირურგიული ჩარევა(განსაკურებით ქვემო კიდურები);
- ხანგრძლივი უმოძრაო მდგომარეობა;
- საწოლში წოლა;
- ფეხის, მენჯის ან ბარძაყის მოტეხილობა;
- ხანგრძლივი მგზავრობა ადეკვატური ფიზიკური აქტივობის გარეშე;
- ზურგის ტვინის ან კიდურის პარალიზი;
- ინსულტი;
- ვარიკოზული ვენები;
- ქირურგიული ჩარევა მენჯის ან მუცლის ღრუში
ღრმა ვენების თრომბოზის რომელიმე სიმპტომის აღმოჩენისას აუცილებელია ექიმთან კონსულტაცია.
მოძრაობა, ვარჯიში, ფიზიკური აქტივობა, ცხოვრების ჯანსაღი წესის მიყოლა ღრმა ვენების თრომბოზის კარგი პრევენციაა.
