რატომ აღიზიანებს ყავა კუჭს
გულძმარვა, მჟავა რეფლუქსი და შებერილობა.
კოფეინირებული ყავის დალევა ზრდის მჟავის რაოდენობას, რაც აადვილებს მჟავას რეფლუქსისა და გულძმარვის განვითარებას, მაგრამ არსებობს უამრავი დაბალი მჟავიანობის ვარიანტი, რომელიც შეგიძლიათ სცადოთ სიმპტომების საწინააღმდეგოდ.
კოფეინი ბუნებრივი სტიმულატორია, მაგრამ ის ასევე აძლიერებს საჭმლის მომნელებელი ტრაქტის შეკუმშვას, ასევე კუჭის მჟავას გამომუშავებას. ყავის სახეობიდან გამომდინარე, ის ასევე შეიძლება შეიცავდეს დიდი რაოდენობით მჟავებს, რამაც შეიძლება დააჩქაროს საჭმლის მონელება.
ყავა, რომელიც მდიდარია მჟავით მოიცავს: არაბიკას მარცვლებისგან დამზადებულ ყავასა და მსუბუქად მოხალულ ყავას.
დაბალი მჟავიანობის ყავის ვარიანტები:
კარგად მოხალული, მუქი ყავის მარცვლებისგან დამზადებული ყავა - ამ ტიპის ყავას ნაკლები მჟავიანობა აქვს, რადგან ისინი შეიცავენ ნაკლებ ნაერთებს, რომლებიც კუჭის მჟავას წარმოქმნას აძლიერებს.
ესპრესოს მარცვლები - დუღილის პროცესი უფრო ხანმოკლეა ესპრესოსთვის, რაც ამცირებს მჟავას შემცველობას.
ცივი სასმელი - ცივი მოხარშული ყავა, არის ყავის წყალში გრილ ტემპერატურაზე ხანგრძლივი პერიოდის განმავლობაში ჩაყრის პროცესი. მსხვილად დაფქულ მარცვლებს წყალში აჩერებენ დაახლოებით 12-24 საათის განმავლობაში. წყალი ჩვეულებრივ ოთახის ტემპერატურის არის, მაგრამ შეიძლება უფრო ცივი წყლის გამოყენებაც. დაბალი ტემპერატურა ხელს უწყობს ყავის სიმწარის და მჟავიანობის შემცირებას.
აირჩიეთ ყავის ბრენდები, რომელთაც დაბალი მჟავიანობა აქვთ.
იმისათვის,რომ თავიდან აიცილოთ კუჭ-ნაწლავის ტრაქტის გაღიზიანება:
არ დალიოთ ყავა უზმოზე.
შეზღუდეთ ყავის რაოდენობა 3-დან 4 ჭიქამდე.
ნაღები ჩაანაცვლეთ უცხიმო რძით. ან გამოიყენეთ ნუშის, სოიოს ან შვრიის რძე, როგორც კრემი.
გამოიყენეთ ქაღალდის ფილტრი ლითონის ფილტრის ნაცვლად, რადგან ქაღალდი აკავებს მეტ მჟავას.
თუ გულძმარვა, მჟავა რეფლუქსი და შებერილობა კვლავ პრობლემად რჩება, მიმართეთ ექიმს.