გაღიზიანებული ნაწლავის სინდრომის მაპროვოცირებელი ფაქტორები
დამახასიათებელია პერიოდული დიარეა ან ყაბზობა და მუცლის ტკივილი.
სინდრომის გამომწვევი ზუსტი მიზეზი უცნობია. დარღვევა ფუნქციური ხასიათისაა და სიმპტომები საკმაოდ შემაწუხებელია.
არსებობს მოსაზრება, რომ გაღიზიანებული ნაწლავის სინდრომის განვითარებაში დიდ როლს ასრულებს ნაწლავის კუნთების პათოლოგია.
ნაწლავის კედელში არსებული კუნთოვანი შრის შეკუმშვა საკვების გადაადგილებას უწყობს ხელს. თუ შეკუმშვა ჩვეულებრივზე ძლიერი და ხანგრძლივია, ეს აირების დაგროვებას, მუცლის შებერვას ან დიარეას იწვევს. კუნთების სისუსტე კი პირიქით, საკვების გადაადგილების შენელებას უწყობს ხელს.
სინდრომის განვითარებაში მონაწილე სხვა ფაქტორებია:
- ტვინსა და ნაწლავებს შორის ნერვული სიგნალების კოორდინაციის მოშლა;
- მიკროფლორის ბალანსის დარღვევა;
- ინფექციები
სიმპტომები
ყველაზე გავრცელებული ნიშნებია:
- დიარეა ან შეკრულობა (რომლებიც, ხშირად ერთმანეთს ენაცვლება);
- მუცლის ტკივილი;
- შებერილობა
დროდადრო შესაძლოა სიმპტომები გამწვავდეს ან მდგომარეობა გაუმჯობესდეს.
ექიმს უნდა მიმართოთ, თუ ნაწლავთა მოქმედების მუდმივი დარღვევა აღინიშნება. ასევე, ექიმთან კონსულტაცია აუცილებელია თუ აღინიშნება:
- დიარეა ღამით;
- წონის კლება;
- ღებინება;
- ყლაპვის გაძნელება;
- რექტალური სისხლდენა;
- მუდმივი ტკივილი
მაპროვოცირებელ ფაქტორებს მიეკუთვნება:
- სტრესი;
- ზოგიერთი საკვები( ციტრუსები, ლობიო, გაზიანი სასმელები, რძის ნაწარმი, ლობიო);
- ჰორმონული დარღვევები
გაღიზიანებული ნაწლავის სინდრომის მკურნალობა დამოკიდებულია სიმპტომების სიმძიმეზე. პირველ რიგში ხდება გამომწვევი ფაქტორების ამოცნობა, ხოლო შემდეგ იწყება მკურნალობა. მედიკამენტები ინიშნება დაავადების სიმპტომების შესაბამისად.