პიტნა, თბილი აბაზანა, მუცლის თვითმასაჟი და სხვ.- როგორ ავიცილოთ თავიდან შებერილობა - მკურნალი.გე

თათია მარტიაშვილი

ცხოვრების სტილის ცვლილება და პატარა აქტიობები, რომელთა დახმარებითაც მუცლის შებერილობას დაივიწყებთ.

საკვების მიღების შემდგომ აღმოჩენებული შებერილობა ხშირად მალევე და თავისთავად ქრება. მაშინ კი, როცა ჭარბი აირები საჭმლის მომნელებელ ტრაქტში დაგროვდება, უსიამოვნო სიმპტომები იჩენს ხოლმე თავს, როგორებიცაა: მუცლის ტკივილი, სიმძიმის შეგრძნება, შეშუპება და აშ. იმისათვის, რომ სიმპტომებს ეფექტურად ვუმკურნალოთ, აუცილებელია გამომწვევი მიზეზის დადგენა.ეს შეიძლება იყოს:

საჭმლის მომნელებლი სისტემის პრობლემები

• ყაბზობა;
• კვებითი ალერგია.

კვების რაციონი

• გაზიანი სასმელები;
• ჭარბი მარილი ან შაქარი;
• არასაკამარისი უჯრედისით მდიდარი საკვები.

ჰორმონალური ცვლილებები

მენსტრუაციის წინ ბევრ ქალბატონს აწუხებს შებერილობა, რაც ჰორმონთა დისბალანსით და ორგანიზმის მიერ წყლის შეკავებით არის გამოწვეული.

სწრაფი და მარტივი რჩევები, რომლებიც შებერილობის დისკომფორტს აგვაცილებს თავიდან

წადით სასეირნოდ

ფიზიკური აქტიობა ნაწლავების რეგულარულ მოძრაობას უწყობს ხელს, ზედმეტი აირებისგან გათავისუფლებაში გვეხმარება. ნაწლავთა მოძრაობა განსაკუთრებით მნიშვნელოვანია მაშინ, როდესაც შეკრულობა იჩენს ხოლმე თავს.

სცადეთ იოგას პოზები

იოგას ზოგიერთი პოზა მუცლის კუნთებს ადუნებს და ისე განალაგებს, რომ კუჭ-ნაწლავის ტრაქტიდან ზედმეტი აირების გამოდევნა მარტივად არის შესაძლებელი, რაც შებერილობისგან გვიხსნის. ერთ-ერთი ასეთი სასარგებლო პოზა არის „ბავშვის პოზა“, რომელსაც ფოტოზე ხედავთ.

პიტნის კაფსულები

პიტნის ზეთის კაფსულები საჭმლის მონელებას და მასთან დაკავშირებულ აირების დაგროვებას შველის. ის გაღიზიანებული ნაწლავის სინდრომისას (IBS) ინიშნება, თუმცა, მათი გამოყენება შებერილობის დისკომფორტის მოსახსნელადაც შეიძლება.

პიტნა ნაწლავის კუნთებს ადუნებს, რაც აირების ნაწლავებში გადაადგილებას ამარტივებს. გაითვალისწინეთ, მათ, ვისაც გულძმარვის პრობლემები გაქვთ, თავი შეიკავეთ პიტნისგან.

ამასთან, შეგიძლიათ ფარმაცევტთან ერთად, შეარჩიოთ ნაწლავის ფუნქციონალური მოშლილობის სამკურნალო პრეპარატები. მაგალითად, სიმეთიკონის შემცველი აბები ან წვეთები, რომლებიც განკუთვნილია მეტეორიზმის დროს მისაღებად. სცადეთ პრობიოტიკებიც, რომლებიც ყაბზობისა და მეტეორიზმის საპროფილაქტიკოდ შეუცვლელია.

სცადეთ მუცლის მასაჟი

მუცლის თვითმასაჟი ნამდვილად შეგიმსუბუქებთ მდგომარეობას , დაგეხმარებათ დისკომფორტისა და ტკივილის შეჩერებაში. მარტივი წრიული მოძრაობები ნაწლავებისთვის შვება იქნება. შეწყვიტეთ მასაჟი თუ ტკივილს იგრძნობთ.

გამოიყენეთ ეთერზეთები

2016 წელს ჩატარებულმა კვლევებმა აჩვენა, რომ კამისა და კურკუმინის შემცველი დანამატები გაღიზიანებული ნაწლავის სინდრომის IBS (საშუალო სიმძიმის), შებერილობისა და მუცლის ტკივილის დროს ეფექტურია. ეთერზეთების მოხმარება ექიმის კონსულტაციის გარეშე არ შეიძლება, ვინაიდან ზოგიერთი მათგანი ტოქსიკურია, სახიფათოა მათი დოზების დამოუკიდებლად განსაზღვრა.

თბილი აბაზანა

თბილი აბაზანა მუცლის ტკივილს შეგიმსუბუქებთ. სითბო სტრესსაც ამცირებს, რელაქსაცია ეფექტურად აისახება კუჭ-ნაწლავის მუშაობაზეც, შემცირდება შებერილობა და დისკომფორტის შერგძნება.

შებერილობის საპრევენციოდ მიიღეთ შემდეგი ზომები

უჯრედისი

შებერილობის საპროფილაქტიკოდ ყველაზე კარგი გადაწყვეტილება, კვების რაციონის ბოჭკოს შემცველი პროდუქტებით გამდიდრებაა. თუმცა, გახსოვდეთ, ერთბაშად დიდი რაოდენობის უჯრედისმა, შესაძლოა, შებერილობა და ნაწლავში აირების წარმოქმნა უფრო მეტად გამოიწვიოს, ამიტომ მათი მიღება თანდათანობით გაზარდეთ.

გაზიანი სასმელები

გაზიან სასმელებზე უარი თქვით და ჩაანაცვლეთ ისინი წყლით. გაზიანი სასმელები ნახშირორჟანგს შეიცავს, რაც კუჭ-ნაწლავის ტრაქტში აირების წარმოქმნას უწყობს ხელს და შებერილობის მაპროვოცირებელია. წყალი კი აღნიშნულ პრობლემას აქრობს და შეკრულობის სამკურნალოდაც ეფექტურია.

მოერიდეთ საღეჭ რეზინას

საღეჭი რეზინა ხელოვნურ დამატკბობლებს შეიცავს, რაც შებერილობის მიზეზი ხშირად ხდება. ამასთან, შებერილობა, შესაძლებელია, წარმოიშვას ღეჭვის დროს ჰაერის ნაკადის გადაყლაპვით.

ვარჯიში

როგორც სეირნობა, ასევე ვარჯიშიც ძალიან მნიშვნელოვანია ჯანსაღი კუჭ-ნაწლავისთვის. რეგულარული ფიზიკური აქტიობა მსხვილ ნაწლავს ათავისუფლებს და ნაწლავთა პერისტალტიკასაც აუმჯობესებს. ამასთან, ვარჯიშსას ოფლის მეშვეობით ზედმეტი ნატიურმი გამოიყოფა, რაც წყლის შეკავებას შველის.

აუცილებელია ვარჯიშის დაწყებამდე და შემდეგ საკმარისი რაოდენობის წყლის დალევა, რათა ორგანიზმი არ გამოშრეს და დეჰიდრატაციისგან დაიზღვიოთ თავი, რაც ყაბზობას შეუწყობს ხელს.

ჭამეთ ინტერვალებით

სჯობს, მცირე ულუფებით და რამდენჯერმე მიირთვათ საკვები, ასე უკეთესია საჭმლის მომნელებელი სისტემისთვის. მიირთვით ნელა და მშვიდად.