რა არის ტიპი 2 დიაბეტის ადრეული ნიშნები?
ტიპი 2 დიაბეტის დაწყება შეიძლება იყოს თანდათანობითი და ადრეულ ეტაპზე სიმპტომები შეიძლება იყოს მსუბუქი ადრეულ ეტაპზე. შედეგად, ბევრმა შეიძლება ვერ გაიგოს, რომ მათ აქვთ ეს მდგომარეობა.
ადრეული ნიშნები და სიმპტომები
ტიპი 2 დიაბეტის ადრეული ნიშნები და სიმპტომები შეიძლება მოიცავდეს:
გახშირებულ შარდვას - როდესაც სისხლში შაქრის დონე მაღალია, თირკმელები ცდილობენ ჭარბი შაქრის გამოდევნას სისხლიდან მისი გაფილტვრით. ამან შეიძლება გამოიწვიოს ხშირი შარდვა, განსაკუთრებით ღამით.
მომატებულ წყურვილს - გახშირებულმა შარდვამ, რომელიც აუცილებელია სისხლიდან ზედმეტი შაქრის გამოსადევნად, შეიძლება გამოიწვიოს წყლის დაკარგვა. დროთა განმავლობაში ეს გაუწყლოებას იწვევს და ადამიანს ჩვეულებრივზე მეტად უჩნდება წყურვილის გრძნობა.
გაძლიერებული შიმშილის გრძნობა - დიაბეტით დაავადებული ადამიანები ხშირად არ იღებენ საკმარის ენერგიას საკვებიდან. საჭმლის მომნელებელი სისტემა შლის საკვებს მარტივ შაქრად, რომელსაც გლუკოზას უწოდებენ, მას სხეული საწვავად იყენებს. დიაბეტის მქონე ადამიანებში გლუკოზის არასაკმარისი რაოდენობის გამო სისხლის მიმოქცევიდან სხეულის უჯრედებში გადადის. შედეგად, ტიპი 2 დიაბეტის მქონე ადამიანები ხშირად გრძნობენ მუდმივ შიმშილს.
დაღლილობა - ტიპი 2 დიაბეტმა შეიძლება გავლენა მოახდინოს ადამიანის ენერგეტიკულ დონეზე და გამოიწვიოს დაღლილობა. დიაბეტის გამო დაღლილობა ვითარდება არასაკმარისი შაქრის გამო, რომელიც სისხლის მიმოქცევიდან სხეულის უჯრედებში გადადის.
ბუნდოვანი მხედველობა - სისხლში შაქრის ჭარბმა რაოდენობამ შეიძლება დააზიანოს თვალის სისხლძარღვები, რამაც შეიძლება გამოიწვიოს ბუნდოვანი ხედვა. ეს შეიძლება მოხდეს ერთ ან ორივე თვალში.
სისხლში შაქრის მაღალმა დონემ ასევე შეიძლება გამოიწვიოს თვალის შეშუპება. ამან შეიძლება გამოიწვიოს მხედველობის დაბინდვა, მაგრამ გაუმჯობესდება, როდესაც სისხლში შაქრის დონე შემცირდება. თუ დიაბეტის შესაბამისი მკურნალობა არ მოხდა სისხლძარღვების დაზიანება შეიძლება უფრო მძიმე გახდეს და საბოლოოდ შეიძლება მოხდეს მხედველობის მუდმივი დაკარგვა.
ჭრილობების ნელი შეხორცება - სისხლში შაქრის მაღალმა დონემ შეიძლება დააზიანოს ნერვები და სისხლძარღვები, რამაც შეიძლება შეაფერხოს სისხლის მიმოქცევა. შედეგად, მცირე ჭრილობების შეხორცებასაც კი შეიძლება კვირები ან თვეები დასჭირდეს. ჭრილობების ნელი შეხორცება ასევე ზრდის ინფექციის რისკს.
ჩხვლეტა, დაბუჟება ან ტკივილი ხელებსა და ტერფების არეში - სისხლში შაქრის მაღალმა დონემ შეიძლება გავლენა მოახდინოს სისხლის მიმოქცევაზე და დააზიანოს ნერვები. ტიპი 2 დიაბეტის მქონე ადამიანებში ამან შეიძლება გამოიწვიოს ტკივილი ან ჩხვლეტის ან დაბუჟების შეგრძნება ხელებსა და ფეხებში. ეს მდგომარეობა ცნობილია როგორც ნეიროპათია. ის შეიძლება გაუარესდეს დროთა განმავლობაში და გამოიწვიოს უფრო სერიოზული გართულებები, თუ ადამიანი არ მიიღებს დიაბეტის შესაბამის მკურნალობას.
ლაქები კანზე - კისრის, იღლიის არეში კანის მუქი ლაქები ასევე შეიძლება გამოწვეული იყოს დიაბეტით.
ქავილი და სოკოვანი ინფექციები - სოკოვანი ინფექციები ჩვეულებრივ ვითარდება კანის ტენიან ადგილებში. დაზიანებულ უბნებს, როგორც წესი, იგრნობა ქავილი, წვა, კანის ფერის შეცვლა და ტკივილი.
ადრეული დიაგნოზის მნიშვნელობა
ტიპი 2 დიაბეტის ადრეული ნიშნების ამოცნობა დიაგნოზის დასმისა და სათანადო მკურნალობის საშუალებას იძლევა.
ცხოვრების წესის შეცვლამ და სისხლში შაქრის დონის კონტროლმა შეიძლება მნიშვნელოვნად გააუმჯობესოს ადამიანის ჯანმრთელობა, ცხოვრების ხარისხი და შეამციროს გართულებების რისკები.
მკურნალობის გარეშე, სისხლში შაქრის მუდმივმა მაღალმა დონემ შეიძლება გამოიწვიოს მძიმე და ზოგჯერ სიცოცხლისათვის საშიში გართულებები, მათ შორის:
- გულის დაავადება;
- ინსულტი;
- ნერვის დაზიანება ან ნეიროპათია;
- ფეხის პრობლემები;
- თირკმლის დაავადება, რამაც შეიძლება გამოიწვიოს დიალიზის საჭიროება;
- თვალის დაავადება ან მხედველობის დაკარგვა
ტიპი 2 დიაბეტის რისკის ფაქტორები
ნებისმიერს შეიძლება განუვითარდეს ტიპი 2 დიაბეტი, მაგრამ ზოგიერთმა ფაქტორმა შეიძლება გაზარდოს რისკი. ეს რისკის ფაქტორები მოიცავს:
- ასაკს: 45 წელი ან მეტი;
- უმოძრაო ცხოვრების წესით ცხოვრება;
- ჭარბი წონა ან სიმსუქნე;
- დაუბალანსებელი დიეტა;
- დიაბეტის ოჯახური ისტორია;
- პოლიკისტოზური საკვერცხის სინდრომი;
- გესტაციური დიაბეტის, გულის დაავადების ან ინსულტის სამედიცინო ისტორია
რა არის ტიპი 2 დიაბეტის 10 გამაფრთხილებელი ნიშანი?
დიაბეტის 10 პოტენციური გამაფრთხილებელი ნიშანია:
- დაღლილობა;
- გაზრდილი შარდვა;
- წყურვილის გაძლიერება;
- შიმშილის გრძნობის გაძლიერება;
- ბუნდოვანი მხედველობა;
- ჭრილობის ნელი შეხორცება;
- დაბუჟება, ჩხვლეტა ტერფების ან ხელების არეში;
- სოკოვანი ინფექციები;
- ქავილი;
- კანის ლაქები
ტიპი 2 დიაბეტის მართვა შეიძლება მოიცავდეს რეგულარულ შემოწმებას, ცხოვრების წესის ცვლილებას, როგორიცაა:
რეგულარული ვარჯიში.
ბალანსირებული დიეტა.
ჯანსაღი წონის შენარჩუნება.
სტრესის შემცირება.
სისხლში შაქრის დონის მონიტორინგი.
