მარიამ ფოლადაშვილი

მიუხედავად იმისა, რომ ნებისმიერი სახის მოძრაობა შეიძლება სასარგებლო იყოს, არსებობს კვლევები, რომლებიც აჩვენებს, რომ იოგას ვარჯიში, თუნდაც დღეში რამდენიმე წუთის განმავლობაში, პოტენციურად დაგეხმარებათ სისხლში შაქრის ნორმალური დონის შენარჩუნებაში.

როდესაც საკვებს ვიღებთ, ამ საკვების ნაწილი გარდაიქმნება გლუკოზად, რომელიც შემდეგ გამოიყოფა სისხლში. როდესაც სისხლში შაქრის დონე იზრდება, პანკრეასი გამოყოფს ინსულინს, ჰორმონს, რომელიც საშუალებას აძლევს სხეულის უჯრედებს გამოიყენონ ეს შაქარი ენერგიისთვის.

მაგრამ, თუ ორგანიზმი მუდმივად გადატვირთულია ზედმეტად ბევრი შაქრით, შეიძლება განვითარდეს ინსულინის მიმართ რეზისტენტობა. ამ შემთხვევაში, უჯრედები წყვეტენ ინსულინზე რეაგირებას და სისხლში ჭარბი რაოდენობით შაქარი რჩება. დროთა განმავლობაში, ამან შეიძლება გამოიწვიოს ჯანმრთელობის პრობლემები, როგორიცაა ტიპი 2 დიაბეტი, გულის დაავადება, მხედველობის დაკარგვა, ნერვის დაზიანება და თირკმელების დაავადება.

დიაბეტით დაავადებულ ადამიანებში ჩატარებული კვლევების მიხედვით, არსებობს მონაცემები, რომ ვარჯიში აუმჯობესებს ინსულინის მიმართ მგრძნობელობას და სისხლში შაქრის კონტროლს.

დიაბეტით დაავადებული მოზრდილებისთვის, ამერიკის დიაბეტის ასოციაციის რეკომენდაციებია 150 წუთი ან მეტი ზომიერი და ენერგიული ინტენსივობის აერობული აქტივობა კვირაში მინიმუმ სამი დღეს. თუმცა ვარჯიშთან ერთად, აუცილებელია მედიკამეტური მკურნალობა და გლუკოზის კონტროლი ექიმის რეკომენდაციების მიხედვით.

იოგა გამოიყენება როგორც ინსტრუმენტი გონებასა და სხეულს შორის კავშირის გაუმჯობესებისათვის. იოგას პრაქტიკა ცნობილია, როგორც განსაკუთრებით სასარგებლო ჯანმრთელობის გარკვეული მდგომარეობების მართვისთვის.

იოგა უკავშირდება სისხლში შაქრის დონის შემცირებას, გამომდინარე იქიდან, რომ ის აუმჯობესებენ სხეულის უნარს გამოიყენოს შაქარი ენერგიისთვის კუნთების სიძლიერის, მოქნილობისა და გამძლეობის გაუმჯობესებით. მჯდომარე პოზები ასოცირდება პანკრეასის უკეთეს ფუნქციასთან. მკვლევარებმა დაასკვნეს, რომ ამ ტიპის პრაქტიკა ხელს უწყობს პანკრეასის მასაჟს და ასტიმულირებს ინსულინის სეკრეციას.

სტრესისა და განწყობის როლი

სტრესის მართვა კიდევ ერთი საკვანძო ფაქტორია, როდესაც საქმე ეხება სისხლში შაქრის დონის მართვას. ფსიქოლოგიური სტრესი ზრდის ტიპი 2 დიაბეტის რისკს.

იოგა არ არის მხოლოდ ფიზიკური მოძრაობა - ის ასევე მოიცავს სუნთქვის ვარჯიშებს და მედიტაციას. დადასტურებულია, რომ ეს პრაქტიკა ასტიმულირებს პარასიმპათიკურ ნერვულ სისტემას, რაც გვეხმარება გავუმკლავდეთ ფსიქოლოგიურ სტრესს.