რატომ იწვევს ფარისებრი ჯირკვლის ჭარბი აქტივობა დაღლილობას
შეიძლება თუ არა ფარისებრი ჯირკვლის ზედმეტმა აქტივობამ დაღლილობა გამოიწვიოს? როგორც გაირკვა, დაღლილობა ამ ორი მდგომარეობის საერთო სიმპტომია.
რატომ იწვევს ფარისებრი ჯირკვლის ჭარბი აქტივობა დაღლილობას?
ფარისებრი ჯირკვალი არის პეპლის ფორმის ჯირკვალი, რომელიც მდებარეობს კისრის წინა მხარეს. იგი პასუხისმგებელია მეტაბოლურ პროცესებზე ანუ იმაზე, თუ როგორ იყენებს თქვენი სხეული ენერგიას.
ფარისებრი ჯირკვალი მონაწილეობს ტემპერატურის რეგულირებაში და ორგანოების გამართულ ფუნქციონირებაში, მათ შორის ტვინის, გულის, კუნთების და სხვა. აწარმოებს ფარისებრი ჯირკვლის ჰორმონებს, რომლებიც გამოიყოფა სისხლში და შემდეგ ტრანსპორტირდება სხეულის სხვადასხვა ორგანოებსა და ქსოვილებში.
მაგრამ ხანდახან, ფარისებრი ჯირკვლის ფუნქცია შეიძლება დაირღვეს, რაც იწვევს სისხლში ფარისებრი ჯირკვლის ჰორმონის ზედმეტად ან ძალიან მცირე რაოდენობით გამოყოფას.
იმის გამო, რომ ფარისებრი ჯირკვალი განსაზღვრავს ორგანიზმში ენერგიის დონეს, მისი ჭარბი აქტივობა აძლიერებს მეტაბოლიზმს - რაც არსებითად ამოწურავს თქვენი სხეულის ენერგიას, ეს კი დაღლილობას იწვევს. ასევე შეიძლება დაგერღვეთ ძილის რეჟიმი, რაც აუარესებს მდგომარეობას.
ფარისებრი ჯირკვლის დისფუნქციისგან გამოწვეული დაღლილობა გრძელდება მაშინაც კი, როცა საკმარისად გძინავთ. ამ ტიპის დაღლილობა, როგორც წესი, გახანგრძლივებული და მუდმივია.
შეიძლება გამოვლინდეს სხვა სიმპტომებიც:
- დეპრესია;
- მოტივაციის ნაკლებობა;
- კუნთების სისუსტე და ტკივილი;
- კონცენტრაციის გაძნელება