მითები ფარისებრი ჯირკვლის დაავადებების შესახებ
შეიძლება დაიყოს: ერთი ჰორმონების ჭარბად გამოყოფის შედეგია, მეორეს კი მათი სიმცირე განაპირობებს.
ჰიპერთირეოზის დროს ფარისებრი ჯირკვალი საჭიროზე მეტ ჰორმონს წარმოქმნის და სხეული ძალიან სწრაფად ხარჯავს ენერგიას.
ჰიპოთირეოზის დროს ფარისებრი ჯირკვალი ვერ წარმოქმნის საკმარისი რაოდენობის ჰორმონს.
არსებობს ფარისებრი ჯირკვლის არაჰორმონული მიზეზებით განპირობებული დარღვევებიც:
- ჩიყვი - ფარისებრი ჯირკვლის გადიდება, რომელიც მრავალმა ფაქტორმა შეიძლება გამოიწვიოს, თუმცა უმეტესად იოდის დეფიციტის ბრალია;
- თირეოიდიტი - ფარისებრი ჯირკვლის ანთება, შეშუპება;
- ჰაშიმოტოს თირეოიდიტი(ჰაშიმოტოს ჩიყვი) - ავტოიმუნური დაავადება;
- გრეივსის დაავადება(დიფუზურ-ტოქსიკური ჩიყვი) - ავტოიმუნური დაავადება, რომლის დროსაც ფარისებრი ჯირკვალი ჰიპერაქტიურია და ჭარბად გამოიმუშავებს ჰორმონებს;
- ფარისებრი ჯირკვლის კვანძები;
- ფარისებრი ჯირკვლის კიბო;
- იოდის სიჭარბე
მითები:
ფარისებრი ჯირკვლის ფუნქციონირების დარღვევა ნებისმიერ შემთხვევაში ჩიყვის განვითარებას ნიშნავს
სინამდვილეში - ფარისებრი ჯირკვლის პრობლემების მქონეთა უმრავლესობას ჩიყვი არ უვითარდება. შესაძლოა, ორგანოს ფუნქცია დარღვეული იყოს, მაგრამ მისი ზომა და სტრუქტურა ნორმას შეესაბამებოდეს.
თუ ფარისებრი ჯირკვლის ფუნქცია დარღვეულია, აუცილებლად ვლინდება შესაბამისი სიმპტომები
სინამდვილეში - დარღვევები შესაძლოა უსიმპტომოდაც მიმდინარეობდეს.მაგალითად, სუბკლინიკური ჰიპოთირეოზი უმეტეს შემთხვევაში უსიმპტომოდ მიმდინარეობს და პრობლემაზე მხოლოდ TSH-ის დონის მომატება მიუთითებს.
ფარისებრ ჯირკვალში წარმონაქმნების არსებობა კიბოს ნიშანია
სინამდვილეში - ფარისებრ ჯირკვალში არსებული წარმონაქმნების მხოლოდ 5%-ია ავთვისებიანი. წარმონაქმნების უმრავლესობა კეთილთვისებიანი კვანძი ან კოლოიდური ცისტაა.
ჰიპოთირეოზის მართვა მხოლოდ დიეტითაც შესაძლებელია
სინამდვილეში - საკმარისი რაოდენობის ვიტამინებისა და მინერალების შეცველი, დაბალანსებული დიეტა ნებისმიერი ადამიანის ჯანმრთელობისთვის მნიშვნელოვანია, მაგრამ ჩანაცვლებითი ჰორმონული თერაპიის გარეშე, მხოლოდ კვებით, ჰიპოთირეოზს ვერ დაარეგულირებთ.
