შესაძლებელია თუ არა ასთმის მკურნალობა - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

შესაძლებელია თუ არა ასთმის მკურნალობა

ბრონქული ასთმა არის სასუნთქი გზების ქრონიკული ანთებითი დაავადება. ის ხასიათდება ხველის, ხიხინის, გულმკერდის შებოჭილობის, სუნთქვის გაძნელების ეპიზოდების განმეორებითი აღმოცენებით. ანთების შედეგად ბრონქები მგრძნობიარე ხდება ალერგენების, ქიმიური გამღიზიანებლების, თამბაქოს კვამლის, ცივი ჰაერის ან ფიზიკური დატვირთვისადმი. მათი ზემოქმედება იწვევს ბრონქების ლორწო-ვანის შეშუპებას, შევიწროებას, ლორწოს ჭარბ სეკრეციას. შედეგად ჰაერის მოძრაობა ბრონქებში ფერხდე-ბა, მაგრამ აღნიშნული შეფერხება შექცევადია თავისთავად ან მკურნალობის შედეგად. ბრონქული ასთმის ხანგრძლივი, სწორი მკურნალობისას დროთა განმავლობაში შესაძლებელია ანთების შესუსტება, დაავა-დების სიმპტომების კონტროლი და ამ პათოლოგიასთან დაკავშირებული პრობლემების თავიდან  აცი-ლება.

 

შერეული ასთმა

როგორც უკვე აღვნიშნეთ, ბრონქულ ასთმას ახასიათებს ბრონქების მგრძნობელობის ზრდა სხვადასხვა ფაქტორისადმი. ჩამოთვლილი ფაქტორები შეიძლება ორ ჯგუფად დავყოთ - ალერგენები და არაალერგიული სტიმულატორები. შესაბამისად გამოყოფენ ალერგიულ და არაალერგიულ ბრონქულ ასთმას. არსებობს შერეული ბრონქული ასთმაც. ის გამოწვეულია ალერგიული და არაალერგიული ფაქტორების შერწყმული ზემოქმედებით, მგრძნობელობაც მომატებულია როგორც სპეციფიკური (ალერგენები), ასევე არასპეციფიკური (მტვერი, საწარმოო ფაქტორები, ინფექცია, ფიზიკური დატვირთვა და ა.შ.) ზემოქმედებისადმი.

 

კარდიული ასთმა

კარდიული ასთმა არის არა დაავადება, არამედ სინდრომი, რომელიც გულის მარცხენა პარკუჭის მწვავე უკმარისობით არის გამოწვეული. იგი გულის სხვადასხვა დაავადების (ზოგიერთი მანკი, არტერიული ჰიპერტენზია, კარდიომიოპათია, მიოკარდიუმის ინფარქტი და ა.შ.) შედეგია. მარცხენა პარკუჭის შეკუმშვის უნარი მკვეთრად ქვეითდება, რის გამოც სისხლი ფილტვებში შეგუბდება და ფილტვების შეშუპება ვითარდება. თანამედროვე ლიტერატურაში ამ ორი მდგომარეობის თანაარსებობის გამო ტერმინ "კარდიულ ასთმას" სულ უფრო იშვიათად იყენებენ და ფილტვების შეშუპების შესახებ საუბრობენ.

 

...ისევ შერეული ასთმა

ფილტვებში სისხლის შეგუბება იწვევს ბრონქების ლორწოვანის შეშუპებას, რის გამოც ბრონქების განვლადობა მცირდება. ამ თავისებურებათა გამო კარდიული ასთმის ზოგიერთი ნიშანი ბრონქულ ასთმას მოგვაგონებს. ეს ნიშნებია:

  • სუნთქვის გაძნელება, რასაც ახლავს ხიხინი.
  • ხველა.
  • შებოჭვის შეგრძნება გულმკერდში.

მსგავს შემთხვევებშიც ზოგჯერ ამბობენ, რომ სახეზეა შერეული ასთმა, თუმცა რეალურად საქმე გვაქვს კარდიულ და არა ბრონქულ ასთმასთან.

 

როგორ მოვიქცეთ

იბადება ბუნებრივი შეკითხვა - შესაძლებელია თუ არა კარდიული და ბრონქული ასთმის ერთმანეთისგან განსხვავება? რასაკვირველია, ამ ორი მდგომარეობის დიფერენცირება შესაძლებელია დაავადების ისტორიის, პაციენტის გასინჯვისა და ინსტრუმენტული კვლევისას მიღებული მონაცემების გათვალისწინებით. გახსოვდეთ, რომ კარდიული ასთმა სიცოცხლისთვის საშიში მდგომარეობაა, რომელიც გადაუდებელ სამედიცინო დახმარებას მოითხოვს. ამიტომ თუ გულის დაავადება გაქვთ, უეცრად აღმოცენებული შეტევითი ქოშინისას დაუყოვნებლივ გამოიძახეთ სასწრაფო სამედიცინო დახმარების ბრიგადა, მის მოსვლამდე კი დაჯექით, ენის ქვეშ ჩაიდეთ ნიტროგლიცერინის ტაბლეტი, გაიზომეთ არტერიული წნევა და თუ ის მაღალია, თქვენი ექიმის მიერ რეკომენდებული სწრაფი მოქმედების წამალიც მიიღეთ. კარდიული ასთმის შეტევების თავიდან აცილების მიზნით აუცილებელია მისი გამომწვევი გულის დაავადების მკურნალობა. კერძოდ, შესაძლოა კარდიოქირურგიული ჩარევაც გახდეს საჭირო.