ნინო ჩარგეიშვილი

გინგივიტი ღრძილების ანთებაა. ის უმეტესად შინაგანი ორგანოების მწვავე და ქრონიკული დაავადებების, ნივთიერებათა ცვლის დარღვევების, ნერვული სისტემის პათოლოგიების, მძიმე მეტალებით მოწამვლის, კბილის ქვების, არასწორად დამზადებული კბილის პროთეზის გამოყენების ფონზე ვითარდება.

გინგივიტისა და სტომატიტის შინ მკურნალობისას პირში გამოსავლებად გამოიყენეთ შემდეგი ნაყენები და ნახარშები:

• დვალურას (Polygonum bistorta) ფესურების ნახარში (1:10 ) ან ნაყენი (1:5);
• მუხის ქერქის ნაყენი (1:10);
• გულყვითელას ნაყენი (1:10);
• 1 სუფრის კოვზ გახეხილ პურშუშხას დაასხით 1 სუფრის კოვზი არაყი და 3 დღე გააჩერეთ, დროდადრო შეანჯღრიეთ და ბოლოს გაფილტრეთ. 1 სუფრის კოვზი ნაყენი ჩაასხით 1 ჭიქა თბილ წყალში და გამოივლეთ.

ხალხური მედიცინა კი გვირჩევს:

• კბილის ტკივილი გაგივლით, თუ დაღეჭავთ ახალი თავშავას ყვავილებს და 5 წუთი გაიჩერებთ პირის ღრუში.
• პირშუშხას ნაყენის (1:10) პირში გამოვლება პირის ღრუს წმენდს და კბილის ტკივილს აყუჩებს.
• ფლუსის დროს შეგიძლიათ გამოიყენოთ ლეღვის ნაყოფის ნახარშის სათბურები.
• კბილის ტკივილი გაგიყუჩდებათ, თუ ხახვის ფაფას დოლბანდში გაახვევთ და მიიდებთ ყურზე მტკივანი კბილის საწინააღმდეგო მხარეს.
• კბილის ტკივილი გაგივლით, თუ მტკივანი კბილის ღრძილში შეიზელთ კოთხუჯის ფესვის სპირტხსნარს.

წაიკითხეთ სრულად