როგორ დავიამოთ კბილის ტკივილი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორ დავიამოთ კბილის ტკივილი

განასხვავებენ კატარულ, ჰიპერტროფიულ, წყლულოვან და ატროფიულ გინგივიტს. კატარული გინგივიტის დროს ღრძილის კიდეები ან მთელი ღრძილი შეწითლებული და შეშუპებულია, დაზიანებული ღრძილი მტკივნეულია და სისხლმდენი.

წყლულოვანი გინგივიტის დროს ღრძილის კიდეებზე შეინიშნება ჭუჭყიანი რუხი ნადები, რომლის მოშორების შემთხვევაში პირის ღრუდან ამოდის ჩირქის უსიამოვნო სუნი, ვითარდება ნერწყვდენა და იმატებს ტემპერატურა.

ჰიპერტროფიული გინგივიტი ღრძილებიდან სისხლდენით და ღრძილის გაფაშრებით მჟღავნდება. ატროფიული გინგივიტის დროს შიშვლდება კბილის ფესვები.

სტომატიტი პირის ღრუს ლორწოვანი გარსის ანთებაა. არსებობს ამ დაავადების რამდენიმე ფორმა: კატარული, ატროფიული (ბავშვთა დაავადება) და წყლულოვანი.

კატარული სტომატიტი ზედაპირული ანთებაა და მეტწილად ღრძილის კიდეში ლოკალიზდება. ღრძილი შუპდება და სისხლმდენი ხდება. ენა იფარება ჯერ ბაცი, მერე კი მოყავისფრო ნადებით. ღეჭვა მტკივნეული ხდება.

წყლულოვანი სტომატიტი პირის ღრუს ლორწოვან გარსს გაცილებით მეტ ზიანს აყენებს. თავდაპირველად ანთებითი პროცესი ერთ ან რამდენიმე კბილის ღრძილზე ვითარდება. დაზიანებული უბნის კიდეები მორუხო ელფერს იღებს. ყველაზე ხშირად წყლულები ენის ქვედა ზედაპირზე, კიდეებთან ჩნდება. დაავადებას ახასიათებს საერთო სისუსტე, ტემპერატურის მატება, შემცივნება, ძლიერდება ნერწყვის გამოყოფა, პირის ღრუში ჩნდება სიდამპლის სუნი.

გინგივიტისა და სტომატიტის შინ მკურნალობისას პირში გამოსავლებად გამოიყენეთ შემდეგი ნაყენები და ნახარშები:

  • დვალურას (Polygonum bistorta) ფესურების ნახარში (1:10 ) ან ნაყენი (1:5);
  • მუხის ქერქის ნაყენი (1:10);
  • გულყვითელას ნაყენი (1:10);
  • 1 სუფრის კოვზ გახეხილ პურშუშხას დაასხით 1 სუფრის კოვზი არაყი და 3 დღე გააჩერეთ, დროდადრო შეანჯღრიეთ და ბოლოს გაფილტრეთ. 1 სუფრის კოვზი ნაყენი ჩაასხით 1 ჭიქა თბილ წყალში და გამოივლეთ.

ხალხური მედიცინა კი გვირჩევს:

  • კბილის ტკივილი გაგივლით, თუ დაღეჭავთ ახალი თავშავას ყვავილებს და 5 წუთი გაიჩერებთ პირის ღრუში.
  • პირშუშხას ნაყენის (1:10) პირში გამოვლება პირის ღრუს წმენდს და კბილის ტკივილს აყუჩებს.
  • ფლუსის დროს შეგიძლიათ გამოიყენოთ ლეღვის ნაყოფის ნახარშის სათბურები.
  • კბილის ტკივილი გაგიყუჩდებათ, თუ ხახვის ფაფას დოლბანდში გაახვევთ და მიიდებთ ყურზე მტკივანი კბილის საწინააღმდეგო მხარეს.
  • კბილის ტკივილი გაგივლით, თუ მტკივანი კბილის ღრძილში შეიზელთ კოთხუჯის ფესვის სპირტხსნარს.