შვებულების შემდგომი სინდრომი - მკურნალი.გე

რუბრიკები

ოჯახის მკურნალის ანონსი

ივლისი 2020

შვებულების შემდგომი სინდრომი

შვებულების შემდგომი სინდრომი
ძნელი წარმოსადგენია ჯანსაღი და ბედნიერი ცხოვრება დროული დასვენების გარეშე. უწყვეტი შრომა ფიზიკურ და ემოციურ გადაღლას იწვევს. შვებულების დროს გარემოს შეცვლა აუცილებელია. ეს შეიძლება იყოს ზღვა, მთა, აგარაკი ქალაქის ახლოს...

თუმცა შვებულებიდან დაბრუნების შემდეგ სხვა პრობლემები იჩენს თავს. გგონია, დასვენებული, მზის, ზღვის, ბუნების ენერგიით აღვსილი, განტვირთული და გაკაჟებული, მთებს გადააბრუნებ, მაგრამ ასე არ ხდება. სამუშაოს თავს ვერ ართმევთ, ყურადღების კონცენტრაცია გიჭირთ... ნუ შეშინდებით - ეს ნორმალური რეაქციაა. მას შვებულების შემდგომი სინდრომი ეწოდება. ფსიქოლოგებს მიაჩნიათ, რომ ამ სინდრომს ვერავინ აუვლის გვერდს. შვებულების
შემდეგ ადრინდელ გარემოსთან ფიზიკურ და ფსიქოლოგიურ ადაპტაციას დაახლოებით 10 დღე სჭირდება. სპეციალისტთა რჩევები ამ პერიოდის გადალახვას გაგიადვილებთ.



დასვენებისას დაგროვილი ემოციების შეკავება პრაქტიკულად შეუძლებელია. ოფისში დაბრუნებულს, გსურთ თავი მოიწონოთ ფოტოსურათებით და შთაბეჭდილებებით, მაგრამ გახსოვდეთ, რომ თქვენი მოსმენით ყველა აღფრთოვანებული ვერ დარჩება. ყოველი ჩვენგანი სამსახურში გარშემორტყმულია სამი კატეგორიის ადამიანებით: ახლობლებით, ნეიტრალურებითა და შეუთავსებლებით. პირველ კატეგორიასთან ისეთი ახლო ურთიერთობა გვაქვს, რომ შვებულების შემდეგ მხურვალე ხვევნა-კოცნით ვხვდებით, ვესაუბრებით ბავშვებზე, ოჯახურ პრობლემებსა და პირად განცდებზეც კი. მეორე კატეგორიის ადამიანებთან ტაქტიანი და მეგობრული ურთიერთობა გვაქვს, თუმცა ამის იქით აღარ მივდივართ. მესამე კატეგორიის ადამიანები კი ჩვენში შფოთვასა და დისკომფორტს იწვევენ. არ აქვს მნიშვნელობა, რას ეფუძნება ეს შეუთავსებლობა - ბიოენერგეტიკას, იდეოლოგიას თუ რელიგიურ შეხედულებებს, ისინი ყოველთვის მწარედ და უმიზეზოდ იკბინებიან. გახსოვდეთ: დადებითი ემოციების გაზიარება მხოლოდ ახლობელ და ნეიტრალურ ადამიანებთან შეიძლება. “სისხლისმწოველზე” პოზიტივი ისევე მოქმედებს, როგორც ხარზე - წითელი მოსასხამი. შური და ეჭვიანობა მას თავდასხმისკენ უბიძგებს. როცა სასიამოვნო შთაბეჭდილებებს იხსენებთ, იხსნებით და მოწყვლადი ხდებით, თქვენი გულისტკენაც ადვილია.

რით დავიწყოთ?

“მეზარება, დიახ, ძნელია, განწყობა არ მაქვს, მაგრამ საჭიროა!” - გულში ამ სიტყვებს იმეორებს ყველა, ვინც ცდილობს, შვებულების შემდეგ სამუშაოდ განეწყოს, თუმცა მცდელობა ხშირად უშედეგოდ მთავრდება, ამიტომ უმჯობესია, თანამდებობრივი მოვალეობების შესრულება სასიამოვნო საქმით დაიწყოთ. სამუშაო, რომელიც სიამოვნებას განიჭებთ, დასვენებისას მოკრებილი ენერგიით იკვებება, საქმე პირდაპირ იწვის თქვენს ხელებში, მერე კი ეს “ცეცხლი” სხვა საქმეებსაც ედება. იმ სამუშაოს შესრულებას, რომელიც არ გიყვართ, უმჯობესია, კრიზისის ჩავლის შემდეგ, შვებულების დამთავრებიდან ასე ერთ კვირაში შეუდგეთ. არასასიამოვნო მოვალეობებს ფსიქოლოგები ბაყაყს ადარებენ, რომლის შეჭმაც აუცილებელია. რაც უფრო მეტხანს დაჰყურებთ და ფიქრობთ, რომელი მხრიდან ჩაკბიჩოთ, მით უფრო ძლიერ ზიზღს იწვევს ის, ამიტომ ჯობს, ერთბაშად გადაყლაპოთ. თუ ასეთი საქმე ორია ან მეტი, დაიწყეთ ყველაზე არასასიამოვნოთი და უმალვე გადადით მომდევნოზე. შვებულების შემდეგ რეაბილიტაციას მოითხოვს არა მხოლოდ გონება, ფსიქიკა, არამედ სხეულიც. ისიც თანდათან უნდა დაუბრუნდეს ცხოვრების ჩვეულ რიტმს. ფიზიკურ რეაბილიტაციას, წესისამებრ, ფსიქოლოგიური მოჰყვება და აი, კვლავ ფორმაში ხართ.

სამსახურში

დასვენებისას ადამიანი ივიწყებს ყოველდღიურ პრობლემებს და მუდმივი დაძაბულობისგან თავისუფლდება. ეს აუცილებელია, მაგრამ რეალობისგან მთლიანად მოწყვეტა არ არის სასარგებლო. გამოცდილებამ აჩვენა, რომ ერთკვირიანი შვებულება გაცილებით შედეგიანია, ვიდრე ორკვირიანი და უფრო ხანგრძლივი, სამკვირიანი დავენების შემდეგ კი ინტელექტის კოეფიციენტი თურმე საგრძნობლად ქვეითდება. გაითვალისწინეთ ეს და გული ნუ დაგწყდებათ, თუ სამსახურში ორ კვირაზე მეტხანს დასვენების საშუალებას არ მოგცემენ. ისიც დადგენილია, რომ საკუთარი სურვილით სამსახურიდან წასვლის თაობაზე განცხადებათა 80 პროცენტი სწორედ შვებულების შემდგომ პერიოდში იწერება. ამიტომ ნუ დაემორჩილებით სტრესს, რომელიც სამსახურში დაბრუნების შემდეგ დაგეუფლებათ - ის მალე ჩაივლის. სტრესთან ბრძოლა, როგორც ვარჯიში, მოთელვით დაიწყეთ. პირველ დღეს მშვიდად გადაათვალიერეთ მაგიდაზე დაგროვილი ქაღალდები, მოინახულეთ ელექტრონული ფოსტა, უპასუხეთ წერილებს, დაურეკეთ პარტნიორებს.

  • უმალვე ნუ შეეჭიდებით მასშტაბურ პროექტებს.
  • თავი არიდეთ კონფლიქტურ სიტუაციებს.

გაითვალისწინეთ ჩვენი რჩევები და სტრესის გარეშე დაუბრუნდით უწინდელ რეჟიმს.
გააკეთეთ კომენტარი
კომენტარი არ გაკეთებულა
დიეტოლოგია
ედინბურგის უნივერსიტეტის მკვლევარების განცხადებით, კანის სიჯანსაღისა და ახალგაზრდობის შენარჩუნების
გადაცემაში "თქვენი კლინიკა" მოისმენთ 7 აკრძალვას, რომელთა
მოცხარმა ონკოლოგების ყურადღება მიიპყრო. კვლევამ აჩვენა, რომ ამ კენკრას შეუძლია კიბოს უჯრედებთან ბრძოლა.
კატეგორიის სხვა სტატიები
სუნთქვის მწვავე უკმარისობა არის მდგომარეობა, როდესაც ფილტვის ალვეოლებში დარღვეულია აირთა ცვლა,
მწვავე ტკივილი არის რეაქცია ქსოვილის დაზიანებაზე. ქსოვილის დაზიანების შემთხვევაში,
რამდენიმე თვის წინ რედაქციაში ძალზე სათნო და ლამაზი ქალბატონი გვესტურმა, სამი შვილის დედა,
(ტრემორი – სერიოზულ პრობლემათა სიმპტომი)
პირში ლითონისებრი გემო საკმაოდ ხშირი ჩივილია.
ტკივილი მუხლის სახსარში შეიძლება სხვადასხვა მიზეზით იყოს განპირობებული:
ექსეტერის უნივერსიტეტში შეადგინეს უკანასკნელი 10 წლის მანძილზე დედამიწის ატმოსფერული დაბინძურების რუქა.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად