როგორი ტანსაცმელი გვიხდება - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორი ტანსაცმელი გვიხდება

.

თუ ფიგურის ვიზუალური კორექციის მარტივი წესები იცით, შეგიძლიათ, თქვენთვის ხელსაყრელი კუთხით შეცვალოთ საკუთარი პროპორციები.

  • როგორ "დავაგრძელოთ" ფეხები

  1. ატარეთ მაღალწელიანი შარვლები, ქვედაკაბები და კაბები, აგრეთვე - ნაკეციანი შარვალი.
  2. ატარეთ ვიწრო ან ოდნავ კლოში, გვერდებზე ჩაჭრილი ქვედაკაბები.
  3. განიერი ქამრები და მაღალი ქუსლები თქვენი კოზირია.
  4. ერიდეთ მოცულობით ფაქტურებს, მსხვილ ნახატებსა და აპლიკაციებს.
  5. ნაოჭდაყრილი მოკლე ქვედაკაბები და აკეცილი შარვლის ტოტები ფეხებს ვიზუალურად ამოკლებს.
  6. მოკლე ზედა ტანსაცმელი ფეხებს გაცილებით გრძელსა და მოხდენილს აჩენს, ხოლო მოგრძო, თეძოებზე ჩამოშვებული - მოკლეს.

  • თუ განიერი მხრები გაქვთ

  1. შესაკრავები - ღილები და ელვა - უნდა ქმნიდეს მკაცრ ვერტიკალურ ხაზს. ვერტიკალურობის პრინციპი შენარჩუნებული უნდა იყოს ნახატებსა და ქსოვილის ორნამენტებშიც. ატარეთ ჟაკეტები და სვიტერები ღრმა და ვიწრო ამონაჭერით.
  2. ზედა ტანსაცმელს უმჯობესია ჰქონდეს ღრმად ჩაკერებული ან ნახევარრეგლანის სტილის სახელოები.
  3. უპირატესობა მიანიჭეთ მქრქალ და ხავერდოვან ქსოვილებს (თხელ ვისკოზას, გლუვ შალს, მიკროველვეტს), მუქ ტონებსა და წვრილ ნახატებს.
  4. თბილ დღეებში ჩაიცვით ფართობრეტელებიანი და ზურგზე ღრმად ამოჭრილი ტოპები.

  • თუ ვიწრო მხრები გაქვთ

  1. ატარეთ მოკლე და ფართოგადანაკეციანი პიჯაკები.
  2. ჩაიცვით ტოპები ჰორიზონტალური (მაგალითად ნავისებური) ამონაჭერით.
  3. სახელოები სასურველია იყოს ნაოჭიანი, ფარნისებრი, რეგლანი.
  4. მოგიხდებათ ნათელი ფერის, მსხვილნახატიანი, მბრწყინავი, მოცულობითი ფაქტურის მქონე (მსხვილი ველვეტი, ბუკლე, მსხვილად ნაქსოვი ტრიკოტაჟი) ქსოვილები.

  • თუ განიერი თეძოები გაქვთ

  1. ატარეთ მუხლამდე ან მუხლს ქვემოთ დაშვებული, ოთხ ან ექვსნაჭრიანი კაბები და ქვედაკაბები.
  2. მოგიხდებათ შეჭრილი ან გვერდებზე ვერტიკალურ ნაკერებდაყოლებული ქვედაკაბები და კაბები, თეძოებზე მომდგარი, ბოლოსკენ კი ოდნავ განიერი (შლაქსის ტიპის) შარვლები.
  3. ზედა ტანსაცმელი, რომელიც თეძომდე გწვდებათ, ხაზს გაუსვამს ჭარბ წონას და ფიგურას დაამძიმებს. შეიძინეთ ქურთუკები და ჟაკეტები, რომლებიც თეძოს ხაზიდან ორი ხელის დადებით ზემოთ ან ქვემოთ სრულდება.
  4. არჩევანი შეაჩერეთ მუქ ტონებზე, ოღონდ არა შავზე: იგი ხაზს უსვამს სხეულის ფორმებს.

  • თუ ვიწრო თეძოები გაქვთ

  1. ატარეთ კოკეტიანი, ნაკეცებიანი, არშიიანი ქვედაკაბები.
  2. დაკერებულჯიბეებიანი ან დამოკლებული შარვლები.
  3. მოგიხდებათ კლოშისებრი პიჯაკი თეძოს შუა ხაზამდე.
  4. მოცულობას ვიზუალურად ზრდის ნათელი ფერები, მოზრდილი ნახატები, მოცულობითი (ბუკლე, ველვეტი, ხავერდი), გლუვი, მბრწყინავი ფაქტურა.