ფრჩხილების კვნეტა ონიქოფაგია
ონიქოფაგია, ჩვეულებრივ, ნერვული ან ნერვულ-ფსიქოპათიური ტიპის ბავშვებსა და ზრდასრულ ადამიანებს ახასიათებთ. ნერვული აღგზნებადობისთვის დამახასიათებელი სხვა სიმპტომები ამ დროს იშვიათად იჩენს თავს და ფრჩხილების კვნეტას როგორც ნევროზის გამოვლინებას ყურადღებას არავინ აქცევს.
ონიქოფაგიის დროს ფრჩხილების კვნეტის სურვილი იმდენად დაუოკებელია, რომ ზრდასრული ადამიანებიც კი, ყოველგვარი თვითკონტროლისა და თავშეკავების გარეშე, ნერვული დაძაბულობის მომენტში, უცხო ხალხის გარემოცვაში, გამალებით იკვნეტენ ფრჩხილების თავისუფალ კიდეებს. უფრო მეტიც - ზოგიერთი მათგანი თავისდა უნებურად, დაუკვირვებლად, მოკვნეტილ მასას ყლაპავს კიდეც.
ბერძნულად “ფაგია” ჭამას, შთანთქმას ნიშნავს, ხოლო onychos (ონიქოს) - ფრჩხილს. ამიტომაც ეწოდა აღნიშნულ სიმპტომს ონიქოფაგია.
ფრჩხილის კვნეტის შედეგები:
- დეფორმირდება, ზიანდება ფრჩხილები;
- დიდია პირის ღრუს ლორწოვანი გარსის ინფიცირების საშიშროება;
- ღრმად მოკვნეტილი ფრჩხილის დისტალური კიდე მუდმივი ტრავმირების გამო ანთებას განიცდის, ზოგჯერ სისხლმდენიც ხდება;
- ფრჩხილბუდის მოსაზღვრე კანი კი ნერწყვით მუდმივი მაცერაციის გამო რბილდება, სკდება და თავისთავად იქცევა სხვადასხვა ინფექციის კარიბჭედ.
- დაზიანებული და დამახინჯებული ფრჩხილის ფირფიტები დისტროფიულ ცვლილებებს განიცდის, რის შედეგადაც ვითარდება ონიქია - ფრჩხილის ეგზემური ცვლილება, დეფორმაცია.
ნეიროგენული ონიქიის ლიკვიდაცია, ჩვეულებრივ, ძალიან ძნელია, რადგან გართულებულია ძირითადი დაავადების - ცენტრალური ნერვული სისტემის ამა თუ იმ დარღვევის - აღმოფხვრა, ავადმყოფის ფსიქიკის კორექცია.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ჰიპნოზისა და ტრანკვილიზატორების ფონზე მკურნალობა ზოგჯერ წარმატებით სრულდება. ონიქოფაგიის დროს განსაკუთრებული ყურადღება უნდა მიექცეს კანის ჰიგიენას, მისი დაავადებების პროფილაქტიკას.
საინტერესო ფაქტები
ონიქოფაგიის მკურნალობის ისტორია მეტად საინტერესოა. უცხოეთის ზოგიერთ ქვეყანაში პაციენტებს ურჩევდნენ მაგარი ძაფისგან ნაქსოვი, ბადისებრი ხელთათმანების ტარებას მუდმივად ან იმ პერიოდში, როცა მარტო რჩებოდნენ.
საფრანგეთსა და აშშ-ში პლასტმასისა თუ სხვა მასალისგან დამზადებული ხელოვნური ფრჩხილების გამოყენება სწორედ ამ სიმპტომის აღმოფხვრის მიზნით დაიწყეს. ხშირად ფრჩხილებს მწარე ნაყენითაც ამუშავებენ.
ცალკეული მეთოდების გამოყენების ფონზე მკურნალობა ათიდან მხოლოდ 5 შემთხვევაშია წარმატებული.
ფრჩხილები და მათი მოვლა
ფრჩხილები – რქოვანი ფირფიტაა, რომელიც ფარავს თითების დისტალური ფალანგების ბოლოებს. ფრჩხილში განასხვავებენ სხეულს და ძირს.
სხეული ფრჩხილის ხილული ნაწილია, აქვს ვარდისფერი შეფერილობა სისხლძარღვების გამო. გვერდებიდან და ბოლოში შემოფარგლულია ფრჩხილის მორგვებით. ფრჩხილს ძირზე აქვს თეთრი შეფერილობა, რასაც ფრჩხილის ნუნა ეწოდება, რადგან აქ სისხლძარღვები არ ჩანს. ფირფიტის თავისუფალი ბოლო იზრდება. ყველაზე უკანა ნაწილი არის ფრჩხილის ძირი, რომელიც ფრჩხილის მორგვში ღრმად შედის.
ფრჩხილის პროქსიმული ნაწილის ეპიდერმულ უჯრედებს, რომლებიც განლაგებულია ფრჩხილის ძირის ქვეშ, ეწოდება ფრჩხილის მატრიცა, მის ხარჯზე იზრდება ფრჩხილი. ფრჩხილი შედგება მკვრივი რქოვანი მასისაგან, რომლის 89% კერატინია, 10% წყალი და 1% ცხიმი. ზედაპირი პრიალაა, შიდა ნაწილი მჭიდროდ ეკვრის ფრჩხილის საწოლს. ფრჩხილის ზრდის ტემპი შეადგენს 0,5-1მმ-ს კვირაში. მისი მთლიანი ცვლა ხდება 170-230 დღეში, ხელებზე უფრო სწრაფად იზრდება, ვიდრე ტერფებზე.
ფრჩხილები რომ ჯანმრთელი იყოს, მათ კარგი მოვლა სჭირდება, რაც გულისხმობს როგორც ჰიგიენის დაცვას, ისე ესტეთიკურ მხარეზე ზრუნვას.
ამ საკითხებზე სასაუბროდ მივმართეთ მანიკიურისა და პედიკიურის გამოცდილ სპეციალისტს, შაგანე ჩამანიანს.
– როგორ მოვუაროთ ფრჩხილებს?
გაგრძელებას გაეცანით ბმულზე
https://mkurnali.ge/kosmetologia/13737-frchkhilebi-da-mathi-movla.html
