თაფლის 5 სარგებელი ჯანმრთელობისთვის
ის შედგება ორი მარტივი შაქრისგან, რომელსაც გლუკოზა და ფრუქტოზა ეწოდება, ზოგიერთ მინერალთან ერთად.
თაფლი არსებითად ბუნებრივი თხევადი შაქარია.
ერთი სუფრის კოვზი თაფლი შეიცავს:
- 61 კალორიას;
- 17 გრამ ნახშირწყალს;
- მცირე რაოდენობით შეიცავს ბოჭკოს და ცილას.
თუმცა, ჩვეულებრივი შაქრისგან განსხვავებით, მას აქვს გარკვეული სპეციფიკური და უნიკალური ჯანმრთელობის სარგებელი.
მდიდარია ანტიოქსიდანტებით
თაფლი შეიცავს როგორც ფლავონოიდებს, ასევე პოლიფენოლებს, ნაერთებს, რომლებიც გვხვდება ბუნებრივ, მცენარეულ საკვებში. ამ ნაერთებს აქვთ ანთების საწინააღმდეგო თვისებები და ისინი მოქმედებენ როგორც ძლიერი ანტიოქსიდანტები ორგანიზმში.
აქვს ანთების საწინააღმდეგო თვისებები
როგორც ფლავონოიდები, ასევე პოლიფენოლები დადასტურებულია, რომ არის ანთების საწინააღმდეგო, რაც ნიშნავს, რომ მათ შეუძლიათ ხელი შეუწყონ ორგანიზმში ანთების შემცირებას.
ამცირებს ხველას და ყელის ტკივილს
თაფლი ამსუბუქებს გაღიზიანებას და ამცირებს ანთებას.
გაითვალისწინეთ, რომ თაფლი არ უნდა იყოს ხველის ან ყელის ტკივილის ერთადერთი სამკურნალო საშუალება და მისი გამოყენება არ არის რეკომენდებული 1 წლამდე ბავშვებში.
ეხმარება ჭრილობების და დამწვრობის მკურნალობას
თაფლის ზოგიერთი სახეობა გამოიყენება ადგილობრივად. ჭრილობებისა სამკურნალოდ.
კვლევებმა აჩვენა, რომ მანუკას თაფლი შეიცავს ანტიოქსიდანტებს, აქვს ანტიბაქტერიული და სოკოს საწინააღმდეგო თვისებები.
შეუძლია შეამციროს აკნეს გამონაყარი
თაფლს აქვს ანთების საწინააღმდეგო და ანტიბაქტერიული თვისებები.
თაფლში არის ფერმენტი კატალაზა, რომელიც ანთების შემსუბუქებას უწყობს ხელს. აკნეს დროს შესაძლებელია მცირე რაოდენობით მისი ადგილობრივად გამოყენება.
თაფლის სხვა შესაძლო სარგებელი
მიმდინარეობს კვლევა იმის შესახებ, თუ როგორ შეიძლება თაფლი დაეხმაროს.
- გულ-სისხლძარღვთა სისტემის ჯანმრთელობას;
- გასტროენტერიტის სიმპტომების შემსუბუქებას;
- მეხსიერების დარღვევების შემცირებას
უსაფრთხოა თუ არა კრისტალიზებული თაფლის ჭამა?
უმჯობესია თაფლი შეინახოთ გრილ, მზისგან დაცულ ადგილას. მაგრამ მაშინაც კი, თუ სწორად არის შენახული, თაფლი ხანდახან შეიძლება დაკრისტალდეს, რაც შეუძლებელს ხდის თაფლის კონტეინერიდან ამოღებას. თაფლი, რომელშიც გლუკოზის მაღალი რაოდენობაა ფრუქტოზასთან შედარებით მეტად ადრე კრისტალიზდება, მაგრამ კრისტალიზებული თაფლი მაინც უსაფრთხოა საჭმელად.