მარიამ ფოლადაშვილი

ენერგიის დონისა და გუნება-განწყობის გაუმჯობესებისათვის საუზმეზე რეკომენდებული საკვებია:

მარცვლეულის პური

• მთლიანი მარცვლეულის პური არის B ჯგუფის ვიტამინების კარგი წყარო, რომლებიც მნიშვნელოვანია ტვინის ჯანმრთელობისთვის და ორგანიზმს ნახშირწყლების მეტაბოლიზმში ეხმარება, რაც გვაძლევს ენერგიას. ასევე ნაჩვენებია, რომ B ჯგუფის ვიტამინის დანამატები ეხმარება ადამიანებს სტრესის გამკლავებაში და ზოგადად განწყობის ამაღლებაში.

ავოკადო

• ავოკადო შეიცავს ფოლატს, ხოლო ფოლიუმის დეფიციტი დაკავშირებულია დეპრესიასთან, ის ასევე მდიდარია ანტიოქსიდანტებით, რომლებიც ხელს უწყობენ დეპრესიისაგან დაცვას.

პომიდორი

• პომიდორი მდიდარია ანტიოქსიდანტი ლიკოპენით და ასევე ასოცირდება დეპრესიის პოტენციურად დაბალ რისკთან.

ჟოლო და მოცვი

• ჟოლო მდიდარია ბოჭკოებით. ბოჭკო ნელა შეიწოვება ორგანიზმში, რაც იწვევს სისხლში შაქრის დონის სტაბილურობას. სისხლში შაქრის მკვეთრი აწევა და ვარდნა დაკავშირებულია უარყოფით განწყობასთან. გლუკოზის დონის სტაბილიზაცია დაგეხმარებათ უკეთესი განწყობის შენარჩუნებაში. ამავდროულად, მოცვში შემავალი ფლავონოიდები აუმჯობესებენ ემოციურ მდგომარეობას.

იოგურტი

• პრობიოტიკული საკვები, როგორიცაა იოგურტი, ხელს უწყობს განწყობის ამაღლებას ნაწლავის მიკრობიომის შემადგენლობის გაუმჯობესებით.

შვრიის ფაფა

• შვრია მდიდარია ხსნადი ბოჭკოებით, რაც იმას ნიშნავს, რომ ის, კენკრის მსგავსად, გეხმარებათ სისხლში შაქრის რეგულირებაში და განწყობის გაუმჯობესებაში.

ასევე შეიცავს განწყობის გამაძლიერებელ მინერალს სელენს. შვრიას ასევე აქვს სპეციალური ბოჭკო, ბეტა-გლუკანი, რომელიც მონაწილეობს ქოლესტერინის შემცირებაში.

ჩია

• ჩიას თესლი მდიდარია ომეგა -3 ცხიმოვანი მჟავებით, რომლებიც ხელს უწყობენ ტვინის ჯანმრთელობას და განწყობის რეგულირებას. ის ასევე მაგნიუმის კარგი წყაროა, რაც ხელს უწყობს ძილს. მაგნიუმის ნაკლებობა კი დაკავშირებულია დეპრესიასთან.