მარიამ ფოლადაშვილი

შაქრიანი სასმელების წყლით ჩანაცვლებამ ასევე შეიძლება შეამციროს კალორიების და შაქრის მიღება. მაგრამ არ არსებობს საკმარისი მტკიცებულება იმისა, რომ თავად წყალი დაგეხმარებათ წონის დაკლებაში. ზოგიერთი კვლევა ვარაუდობს, რომ მეტი წყლის დალევა დაკავშირებულია წონის დაკლებასთან, მაგრამ მტკიცებულებები არასაკმარისია პირდაპირი მიზეზ-შედეგობრივი კავშირის დასადასტურებლად.

წვავს თუ არა სასმელი წყალი კალორიებს?

წყლის მოხმარება დაკავშირებულია სიმპატიკური აქტივობის გაზრდასთან. სხეულის სიმპათიკური სისტემა ააქტიურებს გულისცემას და მეტაბოლიზმს. ამიტომ, სასმელმა წყალმა შეიძლება გაზარდოს მეტაბოლური მაჩვენებელი და ის თუ რამდენ კალორიას დაწვავთ.

მკვლევარებმა დაადგინეს, რომ ადამიანები, რომლებიც სვამდნენ 200-250 მილილიტრ თბილ წყალს ყოველი ჭამის შემდეგ, იკლებდნენ წონაში და აღენიშნებოდათ დაბალი სხეულის მასის ინდექსი, BMI.

ამცირებს თუ არა ჭამის წინ წყლის დალევა მადას და კალორიების მიღებას?

• როდესაც სვამთ წყალს სხვა სასმელების ნაცვლად, რომელიც შეიძლება შეიცავდეს მეტ კალორიას და შაქარს, ამით ბუნებრივად ამცირებთ კალორიების მოხმარებას.

კვლევამ აჩვენა, რომ ჭამის წინ წყლის დალევა დაგეხმარებათ შიმშილის გრძნობის შემცირებაში და ნაკლებ ჭამაში, მაგრამ მხოლოდ საშუალო წონისა და სხეულის მასის ინდექსის მქონე ადამიანებში. არ არის დადასტურებული რამდენად ეხება ეს ადამიანებს, რომლებსაც აქვთ ჭარბი წონა ან სიმსუქნე.

წყლის დალევა მაღალკალორიული სასმელების ნაცვლად შეიძლება დაგეხმაროთ ნაკლები კალორიების მოხმარებაში. წყლის დალევამ შეიძლება აიძულოს ორგანიზმი დაშალოს ცხიმები სისხლში შაქრის ან ინსულინის ამაღლების გარეშე, რაც ასევე ხელს უწყობს წონის დაკლებას. თუმცა, ამ თემაზე მეტი კვლევაა საჭირო.

ამცირებს თუ არა მეტი წყლის დალევა წონის მომატების შანსს?

• კვლევის მიხედვით, ვინც შეცვალა შაქრიანი ტკბილი სასმელის მიღება 1 ჭიქა წყლით, შემცირდა წონის მომატება.

საკმარისი წყლის მიღებასთან ერთად წონის კლებისთვის საჭიროა დაბალანსებული კვება.