ნორბეკოვის სისტემის რაობა
ყოველ ჩვენგანს სმენია ისტორიები ადამიანის განუსაზღვრელ შესაძლებლობათა შესახებ. გაგვიგონია, რომ ადამიანი შიშისგან სამმეტრიან კედელზე გადამხტარა, რომ მიწისძვრის შემდეგ ნანგრევებში მავანმა 21 დღე გაძლო საჭმლისა და წყლის გარეშე, რომ არაერთმა ადამიანმა მოახერხა უკურნებელი სენის დაძლევა... და საერთოდ, ჯანმრთელობას თავიც რომ დავანებოთ და უბრალოდ წარმატებულ ადამიანთა ცხოვრებას შევავლოთ თვალი, უამრავ მაგალითს ვიპოვით, რომელიც ამსხვრევს სტერეოტიპს, რომ წარმატებისთვის აუცილებელია ან ფული, ან პირადი ნაცნობობა. ჯულია რობერტსი ერთ დროს ნაყინის გამყიდველი გოგონა იყო, ჟერარ დეპარდიე ჯიბის ქურდობით ირჩენდა თავს, ყველაზე ძვირად ღირებული მოდელი ტატიანა ვოდიანოვა ქუჩებში ბანანებით ვაჭრობდა... იმასაც გეტყვით, რომ მსოფლიოს ყველაზე მდიდარ ადამიანთა უდიდეს უმრავლესობას არანაირი ბიზნესგანათლება არ მიუღია. ნორბეკოვის სისტემა, რომელიც უკვე რამდენიმე ათეული წელია არსებობს და ადამიანებს თავიანთი განუსაზღვრელი შესაძლებლობების აღმოჩენა-გამოყენებაში ეხმარება, სწორედ რომ ადამიანის ჰარმონიული განვითარების სრულ სპექტრს მოიცავს და მას თამამად შეიძლება დაერქვას "გზა არაფრიდან ყველაფრამდე". ამ სენსაციური სასწავლო-გამაჯანსაღებელი სისტემის შექმნას საინტერესო პრეისტორია უძღვის წინ: იყო და არა იყო რა, იყო ერთი უზბეკი ბიჭი, რომელიც საბჭოთა ჯარში გაიწვიეს. მოგეხსენებათ, ჯარი, ისევე როგორც ჯუნგლი, თავისი კანონებით ცხოვრობს და... ეს უზბეკი ბიჭიც იმ კანონების მსხვერპლი გახდა. მას გამუდმებით სცემდნენ "კეთილმოსურნე" ჯარისკაცები და საბოლოოდ საქმე იქამდე მივიდა, რომ უკვე ჰემოდიალიზზე მყოფი და სრული იმპოტენტი, იგი მხოლოდ ჯარიდან კი არა, სავადმყოფოდანაც გამოისტუმრეს, როგორც უიმედო პაციენტი. ამბობენ, მედალს ორი მხარე აქვსო. ამ შემთხვევაშიც ასე მოხდა: ის უზბეკი ბიჭუნა დღეს აკადემიკოსი მირზაქარიმ ნორბეკოვია, მის მიერ შექმნილი სისტემა კი 1998 წელს თავისუფალ ექსპერტთა ასოციაციამ ყველაზე ეფექტურად აღიარა მსგავს გამაჯანსაღებელ სისტემებს შორის. ნორბეკოვმა არა მარტო თავად დაიბრუნა ჯანმრთელობა, არამედ 10 000 000-ზე მეტ ადამიანს აუხილა თვალი, როგორც პირდაპირი, ასევე გადატანითი მნიშვნელობით - ამ კურსების მეშვეობით მხედველობის აღდგენა ყველაზე მარტივია და საერთოდ, ჯანმრთელობის აღდგენა ნორბეკოვის სისტემის პირველი, ყველაზე მარტივი საფეხურია. "აქ არავინ არავის კურნავს, - აცხადებენ ნორბეკოვის გამაჯანსაღებელ ცენტრში, - ადამიანი თავად კურნავს თავის თავს, ჩვენ მხოლოდ ვასწავლით, როგორ იყოს ჯანმრთელი". არ გეგონოთ, ყველაფერი ამით მთავრდებოდეს; პირიქით, ბევრი რამ მხოლოდ ახლა იწყება. ნორბეკოვისეული ფილოსოფიით, ადამიანი, პირველ რიგში, ჯანმრთელი უნდა იყოს, მაგრამ თუ მას ჯანმრთელობის გარდა არაფერი გააჩნია, - არც სამსახური, არც ბიზნესი, არც ფული და არც მიზნები, - მისი ჯანმრთელობა უამრავი სტრესის ფონზე ადრე თუ გვიან აუცილებლად დაიწყებს გაუარესებას. მაგრამ ამაზე ოდნავ მოგვიანებით ვისაუბროთ; ჯერ კიდევ უამრავი რამ გვაქვს ასათვისებელი და სასწავლი. რას ვგულისხმობ? მოგახსენებთ:
- ხერხემლის გაჯანსაღება (ოსტეოქონდროზი, კიფოზი, სკოლიოზი, დისკოზი, ნევრალგია, მიოზიტი);
- იმუნიტეტის გაძლიერება;
- მხედველობის სრული აღდგენა;
- ჰორმონული დარღვევების აღმოფხვრა;
- კუჭ-ნაწლავის პრობლემების მოწესრიგება;
- გულ-სისხლძარღვთა სისტემის გაჯანსაღება;
- ნივთიერებათა ცვლის მოწესრიგება;
- წონის კორექცია;
- საყრდენ-მამოძრავებელი აპარატის მწყობრში მოყვანა;
- შიშებისა და დეპრესიული მდგომარეობის დაძლევა.
დიახ, დიახ, ყველა ამ ავად სახსენებელ დიაგნოზს შეიძლება მარტივად ეშველოს. ჯანმრთელობის აღდგენა ყველაზე მარტივია!!! ამ განცხადების სისწორეს ნორბეკოვის სისტემით გამოჯანმრთელებულთა 10-მილიონიანი არმია ამტკიცებს და თქვენ თავისუფლად შეგიძლიათ, იყოთ ათი მილიონ მეერთე.
ხათუნა მუზაშვილი
ჩვენი მისამართია ნუცუბიძის 62/ა
ტელ: 32 38 38; 47 62 30
ვებგვერდი: www.xatunamuzashvili.ge
ელფოსტა: www.norbekov.com
მომდევნო ნომერში: რა არის ჯანმრთელობა და როგორ მოვიპოვოთ იგი სამუდამოდ.