ვინ არის ნეუმივაკინი, რომლის ვიდეოებსაც ავრცელებენ ინტერნეტში - კიდევ ერთი განმარტება წყალბადის ზეჟანგის დალევასთან დაკავშირებით - მკურნალი.გე

რუბრიკები

ოჯახის მკურნალის ანონსი

ნოემბერი 2020

ვინ არის ნეუმივაკინი, რომლის ვიდეოებსაც ავრცელებენ ინტერნეტში - კიდევ ერთი განმარტება წყალბადის ზეჟანგის დალევასთან დაკავშირებით

მკურნალი.გე-ს რედაქცია საჭიროდ მიიჩნევს, კიდევ ერთი განმარტება გააკეთოს წყალბადის ზეჟანგთან დაკავშირებით. იმის გამო, რომ ჩვენმა წინა წერილმა, რომელშიც საიტის რედაქტორი გვამცნობდა მედიკოსთა მოსაზრებას იმ ისტერიაზე, რაც ქართულ ინტერნეტსივრცეში წყალბადის ზეჟანგის დალევის მოწოდებასთან დაკავშირებით ხდება.

დავლიოთ თუ არა წყალბადის ზეჟანგი - რას გვირჩევენ ამერიკელი ექიმები?


აღნიშნულ სტატიაზე კეთდება უამრავი კომენტარი და გამოხმაურება. ოპონენტები გვიგზავნიან ვიდეორგოლს, რომელშიც რუსი პროფესორი ნეუმივაკინი დამაჯერებლად საუბრობს წყალბადის ზეჟანგის დალევის აუცილებლობაზე და არგუმენტად მოჰყავს მხოლოდ მის მიერვე გამოცემული წიგნები, სადაც საკუთარ არაარგუმენტირებულ მოსაზრებებს წერს.

კიდევ ერთხელ განგიმარტავთ, რომ
იმისათვის, რომ ამა თუ იმ პრეპარატის მიღებაზე რეკომენდაცია გასცეს, ოფიციალურმა მედიცინამ უნდა ჩაატაროს სამეცნიერო კვლევა მისი გვერდითი ეფექტების და გვერდითი მოვლენების შესახებ. წყალბადის ზეჟანდი ასეთი შესწავლის შემდეგ მიჩნეულია მხოლოდ გარეგანი მოხმარების საშუალებად. მისი გამოყენება შეგიძლიათ ჭრილობების დასამუშავებლად, ასევე განზავებული სახით შეგიძლიათ პირში გამოვლება სტომატიტების და
პირის ღრუს სხვა პათოლოგიების დროს, შეგიძლიათ ასევე განზავებული სახით ცხვირში ჩაწვეთებაც ცხვირის ღრუს გამორეცხვის მიზნით, მაგრამ არავითარ სემთხვევაში არ არის რეკომენდებული მისი სმა, მით უმეტეს რეგულარულად - ამას მედიცინა ვერ გირჩევთ. მიზეზები კი შეგიძლიათ წაიკითხოთ ამ სტატიაში:

დავლიოთ თუ არა წყალბადის ზეჟანგი - რას გვირჩევენ ამერიკელი ექიმები?

ახლა კი, რადგან ოპნენტებისთვის ასეთი ავტორიტეტი გახდა პროფესორი ნეუმივაკინი, გვინდა ორიოდე სიტყვით გითხრათ მის შესახებაც. ეს ადამიანი გარდაცვლილია და გარკვეული მოსაზრებით მხოლოდ მოკლე განმარტებით შემოვიფარგლებით: იგი მართლაც იყო პროფესორი, კოსმოსური მედიცინის ერთ-ერთი ფუძემდებელი, მაგრამ მისი მოწოდებები არ გახლდათ მეცნიერულად დასაბუთებული და განმტკიცებული სამეცნიერო კვლევებით. ასეთი მოწოდებები შეუძლია გაავრცელოს ნებისმიერ ადამიანს. მეორე ადამიანს კი შეუძლია დაუჯეროს ან არ დაუჯეროს მას.

გადავწვიტეთ შემოგთავაზოთ ერთი ფრაგმენტი მისი ვრცელი გამოსვლიდან, სადაც პროფესორი ნეუმივაკინი ჯვრის ტარების საშიშროებაზე საუბრობს. მისი აზრით თურმე ჯვარი უარყოფითად მოქმედებს ჩვენს ენერგეტიკაზე და გულის ჩაკრაზე, თურმე ნუ იტყვით, განსაკუთრებით საშიში ყოფილა ქრისტეს გამოსახულება ჯვარზე, რადგან ის არღვევს ჩვენს ბიოენერგეტიკას!!!

დაახლოებით ასეთი მეცნიერული სიღრმის გახლავთ მისი რჩევები ყველა იმ საკითხზე, რომლებმაც საზოგადოება ლამის ფსიქოზამდე მიიყვანა.

ახლა კი თავად გადაწყვიტეთ, როგორ მოიქცეთ. იმედია, ჯვრის შესახებ მისი ინფორმაციაც სიმართლე არ გეგონებათ და სარწმუნოებაზე არ იტყვით უარს, რადგანაც ნეუმივაკინმა მოგვიწოდა.

შეგახსენებთ, რომ წლების განმავლობაში სხვადასხვა სატყუარები ხდებოდა მსგავსი ფსიქოზის მიზეზი - ხან შარდს სვამდა მთელი საქართველო, ხან აცდ-ს კიბოს პროფილაქტიკისათვის. მაგრამ მალევე იმსხვრეოდა მსგავსი მითები. ვიდრე ჩვენშიც მოხდება ისეთი გართულებები, რაზეც ამერიკელი ექიმები გვაფრთხილებენ, ჩვენც გაფრთხილებთ, მეგობრებო, გაითვალისწინებთ თუ არა, ეს თქვენი საქმეა.
ამ ავტორის სხვა სტატიები
გააკეთეთ კომენტარი
თარიღი : 12-10-2020
ზაალ
წყალბადის ზეჟანგი ცოტა დამაფიქრებელია ჩემთვის ან სანდო ავტორიტეტისგან უნდა შევისწავლო ჯობია და არა საყოველთაო ბიზნეს მედიცინას ვენდო. რაც შეეხება „ჯვარი“ ასე შემდეგ ჯობია ბიბლიაში ცაიხედოს ამ წერილის ავტორმა და მიხვდება რომ პროფესორი რარაც გონივრულზე მიგვითითებს თუმცა დარწმუნებული ვარ ბევრი ფანატიკოსი რელიგიოზნი არ დაუჯერებს და კვლავაც გააგრძელებს „ჯვრის“ როგორც კერპთაყვანისმცემლობის ტარებას. ეს მისი პირადი არჩევანია
თარიღი : 11-03-2020
ნინო
თანამედროვე მედიცინას არ აწყობს რა თქმა უნდა ესეთი ჭკვიანი ადამიანების რჩევები.
თარიღი : 11-01-2019
გაგა
ავერსმა დაგიკვეთათ ეს პანიკური სტატია?
თარიღი : 07-01-2019
ეკა
გთხოვთ დადოთ ვიდეო,უფრო მეტად დამაჯერებლობისთვის,სადაც ნეუმივაკინი უარყოფს ჯვარსა და იესო გრისტეს გამოსახულებას.მადლობა
თარიღი : 05-01-2019
თამარი
შესანიშნავი ადამიანი იყო! ჩემი ოჯახი აგერ უკვე 10 წელია მისი მეთოდებით ვიკაჟებთ ჯანმრთელობას და არ მახსოვს რომელიმე სეზონური დაავადება გაგვკარებოდეს!
მსგავსი სიახლეები
გინდათ, თქვენს სამზარეულოში ჭურჭელი ახალივით გამოიყურებოდეს?
25-01-2019
ქართულ ინტერნეტსივრცეში ბოლო დროს ისტერიულად ვრცელდება ინფორმაცია იმის შესახებ,
05-01-2019
საუზმის შემდეგ რეკომენდებულია პირის ღრუში წყალბადის ზეჟანგის ხსნარის გამოვლება. ეს უკანასკნელი იაფი, მაგრამ მეტად სასარგებლო
01-03-2018
დიეტოლოგია
ნიგოზი გულისთვის განსაკუთრებულად სასარგებლო პროდუქტადაა აღიარებული.
ღვიძლი ის ორგანოა, რომელიც მრავალ, მნიშვნელოვან ფუნქციას ასრულებს. ამიტომ მის დასაცავად ყველაფერი უნდა გავაკეთოთ.
კატეგორიის სხვა სტატიები
ჰარვარდის უნივერსიტეტის მეცნიერებმა კვლევების საფუძველზე დაადგინეს, რომ თხილეულის
თვითიზოლაციის პრაქტიკისა და დისტანციური მუშაობის წესზე გადასვლის შედეგად,
დასავლელმა ექსპერტებმა შეადგინეს რეკომენდაციების სია, რომელთა დაცვაც ხელს შეუწყობს ძილის ხარისხის გაუმჯობესებას.
აშშ-ს მკვლევართა ჯგუფმა დაადგინა, რომ ნიგოზის ხშირი მიღება მნიშვენლოვნად ამაღლებს სპერმის ხარისხს.
ექიმები გვირჩევენ გავიღვიძლოთ მხოლოდ დაბალ ხმაზე ჩართული მელოდიური მუსიკის თანხლებით.
ბევრი, საყვარელი მუსიკალური კომპოზიციის მოსმენისას, განიცდის დიდ სიამოვნებას,
შაქარი და ცხიმები წარმოადგენს ძირითად საწვავს, რომელიც კვებავს სხეულის თითოეულ უჯრედს.
როგორც ოქსფორდის უნივერსიტეტის კვლევამ აჩვენა, თაფლი, ტრადიციულ პრეპარატებზე
პირველი კლასი და სასკოლო ადაპტაცია - სასკოლო ადაპტაციის გასავლელად მშობლებს რჩევებს აძლევს
ადამიანის ხერხემალს ყოველდღიურად დიდი დატვირთვა ადგება, შესაბამისად,
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად