აქვს თუ არა დაბადების თარიღს გავლენა სხვადასხვა ავადმყოფობაზე - რა დაასკვნეს კოლუმბიის უნივერსიტეტის მკვლევარებმა
ადამიანის დაბადების თვესა და მომავალში ავადმყოფობის რისკს შორის კავშირის დადგენის საშუალებას იძლევა. მრავალრიცხოვანი მონაცემის დამუშავების შედეგად მეცნიერებმა 55 დაავადებასა და დაბადების თარიღს შორის სტატისტიკური კავშირის დამადასტურებელი “ვარსკვლავური” ალგორითმი გამოიყვანეს.
ამონაწერი “ვარსკვლავური” ალგორითმიდან
- გაზაფხულზე დაბადებულები გაცილებით ჯანმრთელნი არიან, ვიდრე ისინი, ვინც ქვეყნიერებას შემოდგომაზე მოევლინა;
- ყველაზე შესაშური ჯანმრთელობით მაისში დაბადებული ბავშვები გამოირჩევიან;
- ავადმყოფობის ყველაზე მაღალი რისკი ოქტომბერში დაბადებულებს აქვთ;
- იმუნური სისტემის დაავადებები ყველაზე მეტად ნოემბერში დაბადებულებს ემუქრებათ;
- ბრონქული ასთმა ყველაზე ხშირად ივლისსა და ოქტომბერში დაბადებულების პრობლემაა;
- მარტში დაბადებულთათვის გულ-სისხლძარღვთა დაავადებებია დამახასიათებელი.
გაიგეთ, რამდენად იშვიათია თქვენი დაბადების დღე (ნახეთ ცხრილი)
ყოველდღე მსოფლიოში 350 000-მდე ბავშვი იბადება,
თუმცა წელიწადის განმავლობაში თითოეულ დღეზე მათი დაბადების სტატისტიკური განაწილება თანაბარი სულაც არ არის. ცხრილში თითოეული უჯრა შეესაბამება წლის თითოეულ დღეს 1-ლი იანვრიდან 31 დეკემბრის ჩათვლით. რაც უფრო მუქია უჯრა, მით უფრო ბევრი ადამიანი იბადება წელიწადის ამ დღეს. თითოეულ უჯრაზე დაწერილი რიცხვი აღნიშნავს, მერამდენე ადგილზეა ეს დღე წელიწადის დღეებს შორის ბავშვების დაბადების სიხშირით, მაგალითად - ყველაზე მეტ ადამიანს დაბადების დღე 16 სექტემბერს აქვს, 9 სექტემბერი ამ მაჩვენებლით მეორე ადგილზეა და ა.შ. საკვირველი არაა, რომ ყველაზე იშვიათი დაბადების დღე 29 თებერვალია.
მოძებნეთ თქვენი დაბადების თარიღი და გაიგეთ, რამდენად ბევრ ადამიანთან იზიარებთ ამ თარიღს მსოფლიოში.
ცხრილის სანახავად გადადით ბულზე
მოსალოდნელ დაავადებათა ნუსხა თვეების მიხედვით:
- იანვარი - ჰიპერტონია, კარდიომიოპათია;
- თებერვალი - ფილტვებისა და ბრონქების დაავადებები;
- მარტი - გულის უკმარისობა, მიტრალური სარქვლის ნაკლოვანება, არითმია;
- აპრილი - სტენოკარდია;
- მაისი - ყველაზე იღბლიანი თვეა, ამ თვეში დაბადებულებს შეუძლიათ, მთელი სიცოცხლე შესაშური ჯანმრთელობით დატკბნენ;
- ივნისი - წინარეინფარქტული სინდრომი, ძლიერი სტენოკარდია;
- ივლისი - ასთმა;
- აგვისტო - ისეთივე ბედნიერი თვეა, როგორიც მაისი;
- სექტემბერი - საჭმლის მომნელებელი სისტემის დაავადებები;
- ოქტომბერი - ალერგია, სასუნთქი გზების ინფექციები;
- ნოემბერი - არითმია, ფილტვის პათოლოგიები;
- დეკემბერი - თრომბების წარმოქმნისა და სისხლჩაქცევებისადმი მიდრეკილება.
მეცნიერთა დასკვნა, რა თქმა უნდა, იმას არ ნიშნავს, რომ ადამიანს, რომელიც ამა თუ იმ თვეში დაიბადა, აუცილებლად რომელიმე კონკრეტული ავადმყოფობა დაემართება - ეს მონაცემები მხოლოდ დაავადების აღმოცენების მაღალ ალბათობაზე მიუთითებს. ბევრისთვის ეს ძალიან მნიშვნელოვანი ინფორმაციაა - გაფრთხილებული ხომ შეიარაღებულიცაა, ფხიზლობს, ყურადღებას აქცევს ჯანმრთელობას, იტარებს მოსალოდნელი პრობლემის თავიდან ასაცილებელ პროფილაქტიკურ ღონისძიებებს და არ დაუშვებს იმ კრიტიკული მომენტის დადგომას, როცა შორს წასული კლინიკური ფორმის გამო სამედიცინო დახმარება დაგვიანებული ან უშედეგო აღმოჩნდება.
ამ ტიპის კვლევები ამჟამად შვედეთში, დანიასა და ავსტრიაშიც მიმდინარეობს. სპეციალისტებს იმ ფაქტორების დადგენა სურთ, რომლებიც ადამიანის დაბადების თარიღსა და ავადმყოფობის განვითარებას შორის არსებულ კანონზომიერ კავშირს განსაზღვრავს.