რამდენი ჩანთა უნდა ჰქონდეს ქალს

12.06.2015

როგორი ჩანთა უნდა ჰქონდეს ყველა ქალს?დიდი სამეურნეო ჩანთა და მინიატურული კლატჩი, მხიარული საზაფხულო საკვოიაჟი და მკაცრი, საქმიანი პორტფელი. თუმცა უჩვეულო ფერისა და დიზაინის ჩანთებიც პოულობენ თავიანთ მყიდველებს. ტყავი და ქსოვილი, ჩალა და ბისერი, ნახატი და ნაქარგი - დიზაინერები ყველაფერს იყენებენ, რათა თავიანთ ქმნილებებს ორიგინალურობა და სილამაზე შესძინონ.

რა კრიტერიუმებით შევარჩიოთ ჩანთა?

უპირველესად, ის თავის დანიშნულებას უნდა შეესაბამებოდეს, ჩანთის დანიშნულება კი აუცილებელი ნივთების გადატანაა. თუმცა, წმინდა უტილიტარულთან ერთად, ჩანთას ესთეტიკური ფუნქციაც აქვს. ის ქალის გარდერობის ყველაზე მნიშვნელოვანი დანამატიცაა. ჩანთის შერჩევისას ბევრი რამ უნდა გავითვალისწინოთ: ფორმა, ფერი, მასალა, დიზაინი. უწინარესად კი ის თქვენს სტილს უნდა ეხამებოდეს. სამსახურში, ქალაქგარეთ, მოგზაურობისას, თეატრში, რესტორანში - ყველგან სხვადასხვანაირი ჩანთაა საჭირო. დიდი, მხიარული, ჭრელი ჩანთა არ მოუხდება საღამოს კაბას. ასევე უადგილო იქნება საქმიან შეხვედრაზე ბისერით გაწყობილი კლატჩით მისვლა. ყოველდღიურად სატარებლად შეარჩიეთ კლასიკური, ტევადი და მოხერხებული ჩანთა. ფერი, სასურველია, ნეიტრალური იყოს: ზამთრისა და შემოდგომისთვის - შავი ან რუხი, ხოლო გაზაფხულისა და ზაფხულისთვის - თეთრი ან ჩალისფერი. საღამოს კაბისთვის ჩანთის შეძენისას არ დაგავიწყდეთ მარტივი წესი: რაც უფრო რთული და მრავალფეროვანი დეტალებითაა გაწყობილი კაბა, მით უფრო სადა უნდა იყოს აქსესუარი, ამ შემთხვევაში - ჩანთა. თუ კაბა სადაა, ჩანთა შეიძლება იყოს თვალში საცემი, სამშვენისებით მორთული.

რამდენი ჩანთა უნდა გვქონდეს?

სულ ცოტა, სამი:

საშუალო ზომის კლასიკური ჩანთა სამუშაოსთვის;
კლატჩი - წვეულებებისთვის;
საკვოიაჟი - სამგზავროდ.

სასურველია გვქონდეს მოხერხებული ზურგჩანთაც პიკნიკისა და ლაშქრობისთვის. საზაფხულო გარდერობისთვის აუცილებელია ქსოვილის, ჩალის, ტყავის ან ნატის ღია ფერის ჩანთა. ყოველი შემთხვევისთვის შეიძინეთ დიდი ბორბლებიანი სამგზავრო ჩანთა-ჩემოდანიც. ის შედარებით იშვიათად დაგჭირდებათ, მაგრამ მის გარეშე შორ მანძილზე გამგზავრება წარმოუდგენელია. ურიგო არ იქნება, გქონდეთ სპეციალური ჩანთაც საყიდლებისთვის. ის უნდა იყოს დიდი, ტევადი და მოხერხებული და ჰქონდეს საიმედო სახელურები.

შეკითხვა ექიმს

<p>-გამარჯობა ვიძინებდი და უცნაური რაღაცა დამემართა თითქოს 1 2 წამი სხეული გამეთიშა და შემდეგ ჩაირთო ყველაფერი გაშავდა მაგდროს რო ვიძინებდი მართლა გაითიშა თუ უბრალოდ სხვა რაღაცაა არ ვიცი ყველაფერი სასწაული მე მემართება არ გამიკვირდებოდა რო გათიშულიყო და ადამიანს რო ეძინება რო წაკიმარდევა და რო შეხტება მერე ეგრე ვიყავი მაგდროს და ყბის მხარეს დაბლითა მხარეს დარტყმა უცებ და შემდეგ მოვედი აზრზე და რა შეიძლება იყოს რაც ავხსენი წამის მეასედებში მოხდა ეს ჰიპნაგოგიური ჰალუცინაცია? ვარ 15 წლის</p>

არსებობს თუ არა უნივერსალური ჩანთა?

ყველგან და ყოველთვის გამოსადეგი ჩანთა არ არსებობს, მაგრამ შეიძლება ვიყიდოთ ისეთი, რომელიც მოუხდება გარდერობის ყველა საბაზისო ელემენტს. ეს კი მოხერხდება მხოლოდ იმ შემთხვევაში, თუ ჩანთა ნეიტრალური ფერისა და კლასიკური ფორმისა იქნება. შესაძლოა, ასეთი ჩანთა მოსაწყენი მოგეჩვენოთ, მაგრამ ის არც უნდა იყოს გარდერობის ყველაზე მკვეთრი ელემენტი; პირიქით, უნდა ეწერებოდეს საერთო სტილში, ხაზს უსვამდეს სამოსის ღირსებას და ესადაგებოდეს სხვა აქსესუარებს.