საგაზაფხულო განტვირთვა
გირჩევთ, თქვენც ასე მოიქცეთ - სტაბილურ წონასთან ერთად ჯანმრთელობასაც შეინარჩუნებთ. ზღვის პროდუქტები კი მართლაც ძალიან სასარგებლოა.
საგაზაფხულო დიეტის საფუძვლად შეგიძლიათ ზღვის კომბოსტო (ლამინარია) გამოიყენოთ. ის მდიდარია ვიტამინებით, მიკროელემენტებითა და ამინომჟავებით. ამასთანავე, აბსოლუტური რეკორდსმენია იოდის შემცველობის მხრივ, რომელიც ასე საჭიროა ფარისებრი ჯირკვლის ჯანსაღი ფუნქციობისთვის. წარმოიდგინეთ, მხოლოდ მაგნიუმიც კი, რომელიც ქრონიკული დაღლილობის სინდრომს ხსნის, ლამინარიაში 11-ჯერ მეტია, ვიდრე ჩვეულებრივ კომბოსტოში. ზღვის კომბოსტო ამცირებს შიმშილის შეგრძნებას, ნაზად წმენდს ორგანიზმს, გამოაქვს წიდა და ტოქსიკური ნივთიერებები.
ბადეს ბარაქა მოჰყვება
ზღვის დიეტას თვეში ერთი კვირა დაუთმეთ, ხოლო კვებასა და კვებას შორის სვით უგაზო მინერალური წყალი და მწვანე ჩაი. დღე-ღამეში რეკომენდებულია 250 გ ზღვის კომბოსტოს მიღება. ჰოლივუდის ვარსკვლავები მელანი გრიფიტი და უმა თურმანი ხორცს ზღვის პროდუქტებს ამჯობინებენ და აღიარებენ, რომ სწორედ ამაშია მათი სილამაზის, მოხდენილი აღნაგობისა და ახალგაზრდობის საიდუმლო.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ზღვის ნობათს ორგანიზმი ადვილად ითვისებს და მისგან მაქსიმალურ სარგებლობას იღებს. ზღვის პროდუქტები მდიდარია უჯერი ცხიმებით. ფოსფორთან, იოდთან, სპილენძთან, თუთიასა და კალიუმთან ერთად ზღვის თევზი შეიცავს ცხიმოვან მჟავებს, რომლებიც გულის მუშაობას აუმჯობესებს. მათი წყალობით თავს არაჩვეულებრივად იგრძნობთ, ენერგიითა და ხალისით აივსებით.
ვარსკვლავური ხიზილალათერაპია
გამოკვლევები ადასტურებს, რომ თევზის ქონი დეპრესიისგან იცავს. ბუნებრივი ანტიოქსიდანტები, მიდიები, მდიდარია ომეგა-3 მჟავებით, ხოლო კრევეტებში მცირე რაოდენობით არის ცხიმი, სამაგიეროდ ბევრია ცილა. ჰოლივუდის ვარსკვლავი ანჯელინა ჯოლი დიდი ხანია მიმართავს ხიზილალათერაპიას, რომელიც მის კანს სილამაზესა და ახალგაზრდობას უნარჩუნებს.
ზღვის პროდუქტები თქვენს თმას ბუნებრივ სილამაზესა და ბზინვარებას დაუბრუნებენ, ძალასა და ელასტიკურობას შემატებენ, ხელს შეუწყობენ ზრდას. იმოქმედეთ არა მხოლოდ შიგნიდან, არამედ გარედანაც - შეარჩიეთ შამპუნი და კოსმეტიკა, რომლებიც ღრმა ზღვის წყალს, თევზის ქონს, ხიზილალასა და წყალმცენარეების ექსტრაქტებს შეიცავს. ხშირად მიიღეთ ზღვის მარილის აბაზანებიც. ყოველივე ეს კვებასთან ერთად გასაოცარ ეფექტს იძლევა.
ზამთარში თავს უფლებას ვაძლევდი, საყვარელ ცომეულსა და ტკბილეულზე უარი არ მეთქვა, ამიტომ წონა მოვიმატე, ახლა კი მინდა, ფორმა დავიბრუნო. ამბობენ, რომ ძალიან სასარგებლოა ზღვის პროდუქტების დიეტა. რას მირჩევთ?
ორი რეცეპტი
სალათი "მოატყუე შიმშილი"
ზღვის კომბოსტო (150გ) + მოხარშული (კუბებად დაჭრილი) სტაფილო + მწვანე ბარდა (დაკონსერვებული) + ქორფა კიტრი (კუბებად დაჭრილი) + ზეითუნის ზეთი
სალათი "თავის ტეხა არ დაგჭირდებათ"
მოხარშული ქათმის მკერდი + ზღვის კომბოსტო (100გ) + კამა + ზეითუნის ზეთი
გარნირი აუცილებლად ზღვის კობოსტო უნდა იყოს, ხოლო ქათმის მკერდი შეგიძლიათ შეცვალოთ მოხარშული თევზით, ხბოს ხორცით ან მოხარშული კვერცხით.
ზეითუნის ზეთს კონკურენტი არ ჰყავს. ის კეთილისმყოფელ გავლენას ახდენს მთელ ორგანიზმზე: აუმჯობესებს ნივთიერებათა ცვლას, ამაღლებს იმუნიტეტს, ამტანობას. თუ ყოველ დილა-საღამოს დალევთ 1 სუფრის კოვზ ზეითუნის ზეთს, ახალგაზრდობას გაიხანგრძლივებთ. ზეთისხილი აქვეითებს ორგანიზმში "ცუდი" ქოლესტერინის დონეს და ანელებს დაბერებას, ამიტომ მიირთვით იმდენი, რამდენსაც მოისურვებთ. თუ ამ დიეტას დაიცავთ, არ წააგებთ. ის მოგიხსნით ყველა პრობლემას, რომელსაც კი ორგანიზმი გაზაფხულზე ეჯახება, განიტვირთებით და საგაზაფხულო განწყობაც დაგეუფლებათ.
