გულ-სისხლძარღვთა სისტემისთვის სასარგებლო დატვირთვა - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

გულ-სისხლძარღვთა სისტემისთვის სასარგებლო დატვირთვა

გულის იშემიური დაავადებისა და გულ-სისხლძარღვთა სხვა დაავადებების დროს სამკურნალო ფიზკულტურის მასტიმულირებელი მოქმედება უკავშირდება ორგანიზმის მნიშვნელოვანი სისტემების მუშაობის ინტენსივობის ზრდას. სამკურნალო ვარჯიშის დაწყებამდე უნდა გვახსოვდეს, რომ არასწორად გამოყენებულმა ფიზიკურმა დატვირთვამ შესაძლოა დაავადების პროვოცირება ან მისი გაღრმავება გამოიწვიოს, ამიტომ დატვირთვის ხარისხი უნდა განსაზღვროს ექიმმა კარდიოლოგმა ან სამკურნალო ფიზკულტურის სპეციალისტმა. თვითნებურად ამის გაკეთება არ შეიძლება.

1. საწყისი მდგომარეობა - დგახართ ფეხზე. ხელები თავისუფალად აქნიეთ, ერთი - წინ, მეორე - უკან. ისუნთქეთ თავისუფლად.

2. საწყისი მდგომარეობა - იგივე. ცალი ფეხით დაებჯინეთ დაბალ სკამს, მეორე ფეხი თავისუფლად აქნიეთ წინ და უკან. ისუნთქეთ თავისუფლად.

3. საწყისი მდგომარეობა - იგივე. ჩასუნთქვისას დიდი ნაბიჯი გადადგით წინ (სხეულის სიმძიმის ცენტრიც ამ ფეხზე გადაიტანეთ) და დაძაბული ხელები ასწიეთ მაღლა. ამოსუნთქვისას მიადგით მეორე ფეხი და ხელები დაუშვით, თან მოადუნეთ კისრის, ხელის, მხრის სარტყლისა და ფეხის კუნთები. შემდეგ მოძრაობა - მეორე ფეხით ნაბიჯი და ა.შ.

4. საწყისი მდგომარეობა - იგივე. ხელებით მიეყრდენით კედელს, ოდნავ წინ დაიხარეთ, მოეშვით და იარეთ ადგილზე, მაგრამ იატაკს მოაშორეთ მხოლოდ ქუსლები. ისუნთქეთ თავისუფლად.

5. საწყისი მდგომარეობა - იგივე. დაიხარეთ წინ, დაძაბეთ ხელები და გასწიეთ განზე, მოწყვეტით დაუშვით წინამხრები (ხელები იდაყვებში უნდა იყოს მოხრილი), ხოლო მხრის კუნთები დაძაბული დატოვეთ. შემდეგ დაუშვით ხელები და დახარეთ თავი. კუნთები მაქსიმალურად მოადუნეთ. ისუნთქეთ თავისუფლად.

6. საწყისი მდგომარეობა - იგივე. დაძაბეთ ხელები და გვერდიდან ასწიეთ მაღლა. თანამიმდევრობით მოადუნეთ ხელის კუნთები: ჯერ მტევნები, შემდეგ წინამხრები, მხრები; ხელები, თითქოს კეცავთ, ისე დაუშვით დაბლა.

7. საწყისი მდგომარეობა - ზიხართ მაღალზურგიან სავარძელში. ზურგით და კეფით უნდა ეყრდნობოდეთ სავარძლის საზურგეს (შეგიძლიათ, თავქვეშ სპეციალური რგოლის ფორმის ბალიში ამოიდოთ). ხელები იდაყვებში მოხარეთ და იდაყვები დაადეთ სახელურებს, ფეხები ოდნავ გაშალეთ, ფეხის წვერები გაშლილი უნდა იყოს. ჩასუნთვისას ასწიეთ მხრები მაქსიმალურად მაღლა და ეცადეთ მიაწვდინოთ თავს. ამოსუნთვის მომენტში კი მთლიანად მოადუნეთ მხრის სარტყლის კუნთები.

8. საწყისი მდგომარეობა - იგივე. ჩასუნთქვისას განზე გასწიეთ მარჯვენა ხელ-ფეხი, ამოსუნთქვისას დაუბრუნდით საწყის მდგომარეობას და მოეშვით. შემდეგ იგივე გააკეთეთ მარცხენა ხელ-ფეხით. ასე გაიმეორეთ რამდენჯერმე.

9. საწყისი მდგომარეობა - იგივე. ჩასუნთქვისას დაძაბული და იდაყვებში მოხრილი ხელები ასწიეთ მაღლა, ამოსუნთქვისას კი მოადუნეთ და დაუშვით.

10. საწყისი მდგომარეობა - იგივე. ჩასუნთქვისას ხელებით დაეყრდენით სავარძლის საჯდომ ნაწილს, წამოსწიეთ ფეხები და შეასრულეთ 3-4 წრიული მოძრაობა,  თითქოს ველოსიპედის პედლებს ატრიალებთ. ამოსუნთქვისას დაუბრუნდით საწყის მდგომარეობას, ხელებიც ჩამოუშვით და მოეშვით.