გემრიელი იოდი - მკურნალი.გე

რუბრიკები

ოჯახის მკურნალის ანონსი

ივლისი 2019

კითხვა-პასუხი

გემრიელი იოდი

გემრიელი იოდი

შესაძლებელია თუ არა კვების მეშვეობით იოდის ნაკლებობის აღმოფხვრა? რომელი ხილი შეიცავს ყველაზე მეტ იოდს? როგორ შეიძლება იოდიზებული მარილის გამოყენება საკვებში?


დღეს ექიმები ხშირად საუბრობენ იოდის ნაკლებობაზე ბავშვებისა თუ მოზრდილების ყოველდღიურ რაციონში. იოდიანი მარილი თავისუფლად იყიდება, მაგრამ მას არასწორად ვიყენებთ და ამიტომ ისიც სათანადოდ ვეღარ ასრულებს თავის ფუნქციას. როგორ გამოვიყენოთ იოდიზებული მარილი? თუ მას თერმული დამუშავებისას, ხარშვისას ჩავურთავთ კერძში, იოდი დაიკარგება, ორგანიზმამდე ვეღარ მიაღწევს.

მარილი მზა კერძს უნდა მოვაყაროთ ცეცხლიდან გადმოდგმის შემდეგ, უმჯობესია, თეფშზე. მაგრამ თუ ორგანიზმს იოდი აკლია, დეფიციტს მხოლოდ იოდიანი

მარილით ვერ აღმოვფხვრით. საჭიროა იოდის პრეპარატების მიღება. რით არის საშიში იოდის ნაკლებობა? იოდის ნაკლებობა იწვევს ფარისებრი ჯირკვლის დაავადებებს, ინტელექტისა და გონებრივი განვითარების შეფერხებას, ახალშობილებში ძვლოვანი სისტემის სისუსტეს. ვინაიდან ყველა ბავშვი (და არათუ ბავშვი, მოზრდილიც კი) არ სწყალობს ზღვის კომბოსტოს, მოდი, გავუმასპინძლდეთ ჩვენს შვილებს იმით, რაზეც
ნამდვილად არ იტყვიან უარს - ხილით. იოდის შემცველობის მიხედვით ჩემპიონებად ითვლებიან ხურმა (ასევე - კარალიოკი) და ფეიხოა. განსაკუთრებით სასარგებლოა ზღვისპირა რეგიონებში მოყვანილი ეს ხილი.


ხურმა - ღმერთების საკვები
ევროპელებმა ხურმა სულ რაღაც 100 წლის წინ გაიცნეს. იაპონიიდან შემოტანილი მისი 12 ნერგი კავკასიაში 1896 წელს დარგეს. სამშობლოში ხურმა დიდი სიყვარულით სარგებლობს. მისი ლათინური სახელწოდება "ღმერთების საკვებს" ნიშნავს.  2-3 ცალი ხურმით მშიერი ადამიანის დანაყრება შეიძლება. საკვები ნივთიერებების შემცველობით ხურმა ტოლს არ უდებს ლეღვსა და ყურძენს. ის იმდენად ტკბილია, რომ გაჭრილს ზედაპირზე შაქრის ნადები უჩნდება. ამ თვისების წყალობით მას დიდი სარგებლობა მოაქვს გულის მანკით დაავადებულთათვის. მის ნაყოფში შემავალ შაქარს ორგანიზმი გულის კუნთის საკვებად იყენებს. გარდა ამისა, ხურმა უხვად შეიცავს კალიუმს, მაგნიუმს, აქვს შარდმდენი თვისება, ვიტამინებისა და მიკროელემენტების შემცველობით ბევრ სხვა ხილს სჯობია, ზომიერად შეიცავს კალციუმს, ფოსფორს, რკინას და სხვა აუცილებელ ელემენტებს. მეცნიერებს მიაჩნიათ, რომ ხურმაში გაცილებით მეტი ანტიოქსიდანტია, ვიდრე ციტრუსებში, ხოლო ბეტა-კაროტინი (A ვიტამინის წინამორბედი) - უფრო მეტი, ვიდრე სტაფილოში. დაბოლოს, ხურმა ძალიან მდიდარია იოდით. იოდის დეფიციტის თავიდან ასაცილებლად რეკომენდებულია, ბავშვებმაც და მოზრდილებმაც ყოველდღე მიირთვან 1-2 ცალი ხურმა. ხალხში გაბნეული რეცეპტების მიხედვით, გაციებისა და ხველისას სასარგებლოა ყელში ხურმის ან კარალიოკის წვენის გამოვლება - ერთი მწიფე ნაყოფის გამონაწურს უნდა დავუმატოთ სამი სადილის კოვზი თბილი წყალი. ხურმის ჩირის მოსამზადებლად საჭიროა ყინვადაუკრავი ნაყოფი. გათალეთ, ყუნწის ადგილას ძაფი გაუყარეთ, გამონასკვეთ და თბილ ადგილას ჩამოკიდეთ. 5-7 კვირის შემდეგ ჩირი მზად იქნება. გამომშრალი ნაყოფი სიმწკლარტეს კარგავს.


ფეიხოა - შემოდგომის ხილი
ფეიხოას გემო მაყვლის, ანანასისა და მოცხარის ერთგვარი ნარევია. დიდი რაოდენობით შეიცავს ვიტამინებს, უწინარესად - ასკორბინის მჟავას (ჩ ვიტამინს), ასევე - ორგანულ მჟავებს, პექტინს და სხვა. მის შემადგენლობაში შედის კატეხინები და ლეიკოანტოციანებიც - ძლიერი ანტიოქსიდანტები, რომლებიც ხელს უწყობს ონკოლოგიური დაავადებების პრევენციას. P ვიტამინისა და ბიოლოგიურად აქტიური ნივთიერებების შემცველობის წყალობით ფეიხოა ხელს უშლის გულ-სისხლძარღვთა დაავადებების განვითარებას, ვაშლის მჟავას შემცველობის წყალობით აუმჯობესებს საჭმლის მონელებას და აცხრობს წყურვილს, ხოლო პექტინებს ორგანიზმიდან გამოაქვს მავნე ნივთიერებები და ამაგრებს სისხლძარღვის კედლებს. გარდა ამისა, ამ რაციონში ფეიხოას ჩართვა სასარგებლოა პიელონეფრიტის დროს. თუმცა მისი მთავარი ღირსებაა იოდის ბიოლოგიურად ხელმისაწვდომი ნაერთების მაღალი შემცველობა: 100 გრამი 3 მგ იოდს შეიცავს. ეს ელემენტი ასეთი რაოდენობით არც ერთ სხვა მცენარეულ თუ ცხოველურ პროდუქტში არ არის, ამიტომ ფარისებრი ჯირკვლის ფუნქციის დარღვევის პროფილაქტიკისთვის ფეიხოა აუცილებლად უნდა შევიტანოთ რაციონში. გირჩევთ, საზამთროდ მოიმარაგოთ ფეიხოას კომპოტი ან ცოცხლად შეინახოთ იგი.


ცოცხალი ფეიხოა ზამთრისთვის
მწიფე ფეიხოა გარეცხეთ, თავი და ბოლო მოაჭერით, გაატარეთ ხორცსაკეპ მანქანაში, დაუმატეთ შაქარი თანაფარდობით 1:1-ზე, გადაიღეთ მინის ჭურჭელში და შეინახეთ მაცივარში ან სარდაფში.


კომპოტი
ფეიხოა გარეცხეთ, 3-5 წუთით ჩაყარეთ მდუღარე წყალში, შემდეგ ცივი წყალი გადაავლეთ და ქილებში გაანაწილეთ. დაასხით წინასწარ მომზადებული სიროფი (400 გ შაქარი 1ლ წყალზე) და გაასტერილეთ. ლიტრიან ქილაზე საკმარისია 350 გრამი ფეიხოა.


გემრიელი ჩაროზი


ფეიხოასა და ატმის მარმელადი
საჭიროა:

  • 250 გ ფეიხოა და ამდენივე კურკაგამოცლილი ყვითელი ატამი;
  • 500 გ შაქარი;
  • 1/2 პაკეტი ჟელატინი.

ატამი თხლად დაჭერით სიგრძეზე, მოაყარეთ 250 გ შაქარი და ჟელატინი, დატოვეთ მთელი ღამით. დილით შედგით ნელ ცეცხლზე, განუწყვეტლივ ურიეთ ხის კოვზით, გზადაგზა დაუმატეთ გათლილი, თხლად დაჭრილი ფეიხოა და დარჩენილი შაქარი. ხარშეთ 2 წუთი.


ხურმის მუსი
საჭიროა:

  • 2 ცალი კარგად დამწიფებული ხურმა ან კარ­ალიოკი;
  • 2,5 ჭიქა წყალი;
  • 2 სადილის კოვზი შაქარი;
  • 1 სადილის კოვზი ჟელატინი;
  • 1 სადილის კოვზი ლიმონის წვენი.

ჟელატინი 30-40 წუთით დაალბეთ 1 ჭიქა წყალში. მწიფე ნაყოფი გათალეთ, გახეხეთ. მომინანქრებულ ჭურჭელში ჩაასხით 1 ჭიქა წყალი, ჩაყარეთ შაქარი და გახეხილი ნაყოფი, შედგით ნელ ცეცხლზე, ურიეთ და მიიყვანეთ ადუღებამდე. ჟელატინი შეათბეთ, შეურიეთ ფაფას და დაუმატეთ ლიმონის წვენი. სუფრასთან მიტანამდე გადაიღეთ მინის ჭიქებში. 30-40 წუთით შედგით მაცივარში.


ხურმის სუფლე
საჭიროა:

  • 200 გ მწიფე ხურმა ან კარალიოკი;
  • 10 კვერცხის ცილა;
  • 125 გ შაქარი;
  • 1 სადილის კოვზი ნაღების კარაქი;
  • ერთი მწიკვი ლიმონმჟავა;
  • 2 სადილის კოვზი შაქრის პუდრი.

გათლილი ხურმა დაჭერით, გამოაცალეთ კურკა, დაფარეთ წყლით, დაამატეთ ლიმონმჟავა, შაქარი, ათქვიფეთ მიქსერით, შედგით ნელ ცეცხლზე და განუწყვეტელი რევით შესქელებამდე ხარშეთ. როცა გაცივდება, დაუმატეთ ათქვეფილი ცილა და გადაიღეთ მასა ცხიმწასმულ ფორმაში, აცხვეთ ღუმელში 100-150 გრადუსზე 15-20 წუთის განმავლობაში. გაგრილებულ სუფლეს ზემოდან მოაყარეთ შაქრის პუდრი. გაამდიდრეთ თქვენი პატარას მენიუ ჩვენ მიერ შემოთავაზებული რეცეპტებით მომზადებული დესერტით.

 

გააკეთეთ კომენტარი
კომენტარი არ გაკეთებულა
რეკომენდებული პროდუქტები
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მხედველობის ჯანმრთელობისთვის -60 აბი
ფასი: 39.9
საშარდე სისტემის ჯანმრთელობისთვის-60 აბი
ფასი: 42.9
მხედველობის ხელშეწყობისთვის-60აბი
ფასი: 44.9
დიეტოლოგია
დიეტური კვება აუმჯობესებს ნაწლავის პერისტალტიკას და უზრუნველყოფს მის დროულ დაცლას;
წონის კორექციის მსურველებს დიეტოლოგები რამდენიმე რჩევას აძლევენ - არ შეიძლება ისეთი აბებისა თუ
მკვლევარებმა შეადარეს ეფექტი, რომელსაც დაბალი და მაღალი ენერგეტიკული სიმკვრივის პროდუქტები მადასა
კატეგორიის სხვა სტატიები
მეცნიერთა საეთაშორისო ჯგუფმა დაამტკიცა, რომ დედის რძე მთელი ცხოვრება იცავს ადამიანს
სტატისტიკის თანახმად, ყოველ მეხუთე ბავშვს ჭარბი წონა აქვს და ყოველ მეოცეს სიმსუქნე აღენიშნება. ამის მიზეზი
მედიცინის დოქტორმა, პედიატრმა თამარ ობგაიძემ პაციენტთა მშობლების დასახმარებლად - სამედიცინო საკითხებში მათი უკეთ გათვითცნობიერების მიზნით,
გარეთ ცივა, ზოგი აცემინებს, ზოგი ახველებს. დროა, ვიფიქროთ საკვებით იმუნიტეტის გაძლიერებაზე.
საახალწლო სუფრა სავსეა სურსათ-სანოვაგით და ტკბილეულით, ლიმონათითა და ხილით. ასეთ დროს
რა პრინციპებით უნდა ვიხელმძღვანელოთ რაციონის შედგენისას, როცა პატარას გულის კუნთის დაზიანება აქვს?-
ზაფხული, სხვა ღირსებებთან ერთად, ხილის, ბოსტნეულისა და ბაღჩეულის მრავალფეროვნებითაც გამოირჩევა.
ჩვენს განწყობას ჩვენივე ტვინის ქიმია განსაზღვრავს. მისმა მცირე ძვრამაც კი შეიძლება დეპრესია გამოიწვიოს.
ბებიაჩემი გამუდმებით ჩამჩიჩინებს, რომ კანი კოსმეტიკით არ უნდა გადავტვირთო, რომ კონსერვანტები ზამთარშიც ეყოფა, ახლა კი დასვენება და ცოცხალი ვიტამინები სჭირდება. მართლა ასეა თუ არა?


ბაღი ნამდვილად ყველა სახლს დაამშვენებს. ბაღიან ეზოში დასვენება, განტვირთვა ძალიან სასიამოვნო და სასარგებლოა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად