საინტერესო ფაქტები ნარკომანიის შესახებ
ნაკლებად ცნობილი ფაქტები ნარკოტიკებზე
- რამდენიმე ასეული წლის წინათ კანაფს აქტიურად იყენებდნენ მსუბუქ მრეწველობაში. იგი ბამბის შესანიშნავი შემცვლელია. ზოგიერთი მრეწველი მასზე მხოლოდ ოცნებობდა, რადგან სიძვირის გამო მასზე ხელი არ მიუწვდებოდა.
- 1631-დან 1800 წლამდე კანაფი ერთგვარ “მყარ ვალუტას” წარმოადგენდა. მისი მეშვეობით იდებოდა შეთანხმებები, იხდიდნენ გადასახადებს. მისი როგორც ტექსტილური ნახევარფაბრიკატის ყიდვა ყველგან შეიძლებოდა, თანაც არა აფრიკასა და ინდოეთში, არამედ ინგლისსა და ევროპის საკმაოდ განვითარებულ ქვეყნებშიც, სადაც კანაფზე ბარტერი მიღებული გახლდათ.
- ჯორჯ ვაშინგტონი კბილის ტკივილის დასაამებლად მარიხუანას ეწეოდა.
- განვითარებულ ქვეყნებში ნარკომანთა უმეტესობა, 87%, ოპიატების, ე.წ. “მძიმე” ნარკოტიკების მომხმარებელია.
- ჯანმრთელობის დაცვის მსოფლიო ორგანიზაციამ თამბაქო ნარკოტიკულ ნივთიერებად აღიარა.
- მიუხედავად იმისა, რომ ნიდერლანდებში მარიხუანა ლეგალიზებულია, ჰოლანდიაში მისი გამოყენების ერთ-ერთი ყველაზე დაბალი მაჩვენებელია. საკმაოდ დაბალია ამ ქვეყანაში ნარკოტიკულ ნივთიერებათა დოზის გადაჭარბებით გამოწვეული სიკვდილიანობაც.
- ყაყაჩოსთესლიანი ფუნთუშებისა და საკონდიტრო ნაწარმის აქტიური გამოყენება უსაფრთხო არ არის - შესაძლოა ნარკოტიკზე სისხლის ტესტის პასუხი დადებითი აღმოჩნდეს.
- ნარკომანი დედის მიერ გაჩენილ ახალშობილებს დაბადებისას აღენიშნებათ სხეულის მცირე წონა და ტვინის სხვადასხვა ტიპის დაზიანება.
- ნარკოდამოკიდებულთა 5% პოლინარკომანი - რამდენიმე ტიპის ნარკოტიკის მომხმარებელია.
- ნარკომანთა 5% ცხოვრებას ინვალიდობით ასრულებს.
- ნარკომანთა 42% ფსიქოაქტიური ნივთიერებების გამოყენების შედეგად იღუპება, დოზის გადაჭარბებით -13%, თვითმკვლელობით ამთავრებს ცხოვრებას 3%.
- საშუალო ასაკი პირებისა, რომლებიც დოზების გადაჭარბების შედეგად იღუპებიან, შეადგენს 25-30 წელს. უშუალოდ ეიფორიის დროს სიცოცხლეს ამთავრებს 7%.
დაუნდობელი კოკაინი
ჰეროინი ხველის საწინააღმდეგო საშუალებად შეიქმნა. მე-19 საუკუნის ბოლოს ტუბერკულოზსა და პნევმონიას მილიონობით ადამიანი ეწირებოდა, ამიტომ, როგორც კი ადამიანი ხველას დაიწყებდა, ინფექციის შიშით მაშინვე აძლევდნენ ჰეროინს, რომელიც თრგუნავდა ხველის რეფლექსს. სამწუხაროდ, ბევრმა მისი ბოროტად გამოყენება დაიწყო და 1898 წლიდან მასზე გარკვეული აკრძალვები დაწესდა.
- კოკაინმა სამჯერ მეტ ადამიანს მოუსწრაფა სიცოცხლე, ვიდრე ყველა სხვა ნარკოტიკმა ერთად.
- ამერიკული დოლარების უმეტესობაზე კოკაინის ნაკვალევია, ეს იმას როდი ნიშნავს, რომ ყველა ნარკოტიკის მიღებისთვის გამოიყენეს - ეს კუპიურების ერთმანეთთან კონტაქტით გავრცელდა.
- 1 კგ კოკაინის დასამზადებლად საჭიროა კოკის 1 ტონა ფოთოლი, რომლებიც შემდგომ მუშავდება გოგირდმჟავით, ბენზინით, ნიშადურით, აცეტონით, ეთერით და მარილმჟავათი.
- 1 გრამი კოკაინის თვითღირებულება რამდენიმე ცენტია, მისი გასაყიდი ფასი კი 100 დოლარამდე აღწევს.
- ალკოჰოლისა და კოკაინის ერთდროული მიღებისას წარმოიქმნება ტოქსინები, რომლებიც ასიდან 75 შემთხვევაში სიკვდილს იწვევს.
გასული საუკუნის 70-იან წლებში კოკაინი საქმიანი ადამიანებისა და ახალი მორალური წარმოდგენების ერთგვარ სიმბოლოდ იქცა. მას მოიხმარდნენ ჰოლივუდის ვარსკვლავები, ბიზნესმენები და სუპერსპორტსმენები. კოკაინს უვნებელ საშუალებად მიიჩნევდნენ, რომელიც ორგანიზმში ასტიმულირებდა ენერგიის წარმოქმნას და შრომის უნარს აძლიერებდა. მოგვიანებით მისი რეპუტაცია კოკაინის მომხმარებელთა შორის საკმაოდ გახშირებულმა სიკვდილის შემთხვევებმა სერიოზულად შელახა.
ყველაზე მავნე ნარკოტიკი
მსოფლიოში აღიარებული, ყველაზე გავრცელებული და მავნე ნარკოტიკი ალკოჰოლია. ჯანმრთელობისთვის მიყენებული ზიანის მიხედვით იგი მხოლოდ ჰეროინს, კრეკსა და მეტამფეტამინს ჩამოუვარდება, მავნეობით კი უსწრებს კოკაინს, თამბაქოს, მარიხუანას, ექსტაზის, ლსდ-ს და სხვა ნივთიერებებს. ჯამური მავნეობის მიხედვით იგი ნამდვილი რეკორდსმენია.
მომღერალი ნარკომანები
ედიტ პიაფი
1951 წელს უდიდესი ფრანგი მომღერალი ედიტ პიაფი მოხვდა ავტოკატასტროფაში, რის შედეგადაც მოიტეხა ხელი და ორი ნეკნი. ტკივილების გასაყუჩებლად იგი მორფინს იღებდა, რომელზეც დამოკიდებულება განუვითარდა. ავარიამდე ცოტა ხნით ადრე ავიაკატასტროფაში დაიღუპა მისი საყვარელი მამაკაცი. იმ დროისთვის ედიტი დეპრესიის დასათრგუნავად ბევრს სვამდა. მას თვითმკვლელობის მცდელობაც ჰქონდა, რისგანაც მეგობარმა იხსნა. დეპრესიის ჩვეულმა მკურნალობამ შედეგი არ გამოიღო, თუმცა მომღერალი მაინც განაგრძობდა სიმღერას.
მარია კალასი
ცნობილი ბერძენი საოპერო მომღერალი მარია კალასი საკმაოდ მსუქანი გახლდათ, თუმცა კარიერის პიკზე მან წონის კლება დაიწყო და ტანწერწეტა და მოხდენილ ქალად იქცა. ბევრი ამას ნარკოტიკული ნივთიერების შემცველი აბების, კერძოდ კუალოდის, გამოყენებას უკავშირებს.
მტრედი ყოველთვის მშვიდობის სიმბოლო როდია
დღეს საფოსტო მტრედებს თითქმის აღარავინ იყენებს, თუმცა ადამიანებმა ამ მშვენიერ ფრინველს სხვა “საქმე” გამოუძებნეს. მაშინ, როდესაც ინგლისსა და საფრანგეთის ცენტრებიდან დაშორებული რეგიონებიდან კლინიკებში მტრედებს სისხლის სინჯები მიაქვთ, ნარკოდამამზადებლები მათ ავღანეთიდან პაკისტანში ჰეროინის გადასაზიდავად იყენებენ.
ყველაზე მათრობელა თაფლი
1985 წელს პერუელმა მებაჟეებმა დააკავეს ეკვადორიდან შემომავალი თაფლის დიდი პარტია, რომელშიც კოკაინი აღმოაჩინეს. ნარკოტიკი თაფლში მექანიკურად არ ყოფილა შერეული - ამგვარი თაფლის მისაღებად ნარკოდამამზადებლები ფუტკრებს კოკის პლანტაციებში “ამუშავებდნენ”.
ჯარისკაცთა ულუფა
მეტამფეტამინის წარმოებული ნარკოტიკი პერვიტინი ფართოდ გამოიყენებოდა ჯარისკაცთა სტიმულაციისთვის. იგი სხვადასხვა დროს სხვადასხვა ქვეყნის მფრინავებისა და ტანკისტების სავალდებულო ულუფაში შედიოდა. მას იყენებდნენ სამოქალაქო პირებიც. იგი იყიდებოდა შოკოლადის კანფეტების სახით, რომლებსაც პერვიტინის შემცველი გულსართი ჰქონდა. მოგვიანებით გაირკვა პერვიტინის მოხმარების ნეგატიური შედეგები, რის გამოც მისი გამოყენება აიკრძალა, თუმცა პრეპარატის შემქმნელი მეცნიერები მოგვიანებით კორეასა და ვიეტნამში მიავლინეს აღნიშნული ექსპერიმენტების გასაგრძელებლად.