ასპირინი მკერდის კიბოს პროფილაქტიკისთვის
-
ასპირინი და სხვა ანთების საწინააღმდეგო არასტეროიდული საშუალებები 20%-ით აქვეითებს კიბოს განვითარების რისკს.
"ჩვენ მივედით დასკვნამდე, რომ ანთების საწინააღმდეგო არასტეროიდულ საშუალებებს შესწევს ძუძუს კიბოს პროფილაქტიკის უნარი, ხოლო დაავადებისას ტრადიციული მკურნალობის ეფექტურ დამატებით საშუალებას წარმოადგენს", - განაცხადა კვლევის ხელმძღვანელმა პროფესორმა იან ფენტიმანმა.
ამ აღმოჩენის მიუხედავად, მეცნიერები მიიჩნევენ, რომ სარძევე ჯკირკვლის კიბოს პროფილაქტიკის საშუალებად ასპირინის აღიარება ნაადრევია. საჭიროა დამატებითი კვლევა, ოპტიმალური პრეპარატის გამოვლენა, მისი დოზისა და მოხმარების ხანგრძლივობის განსაზღვრა. გარდა ამისა, აუცილებელია, გათვალისწინებულ იქნეს პრეპარატის მავნე გავლენა კუჭზე და ის მხოლოდ სათანადო გამოკვლევების შემდეგ დაინიშნოს.
ტრადიციისამებრ, ასპირინი სიცხის დამწევ, ტკივილგამაყუჩებელ და გულ-სისხლძარღვთა დაავადებების გართულებათა საპროფილაქტიკო საშუალებად გამოიყენება, თუმცა ზოგიერთმა კვლევამ აჩვენა, რომ პრეპარატი, ასევე, საგრძნობლად აქვეითებს მსხვილი ნაწლავის კიბოს განვითარების რისკს.