ქირურგებმა ბრმა ნაწლავი საშოდან ამოკვეთეს
ქირურგებმა აპენდიქსის ამოსაკვეთად ტრანსლუმინალური ენდოქირურგიული ჩარევის - ადამიანის სხეულის ბუნებრივ ხვრელებში (პირში, საშოში, სწორ ნაწლავში) მოქნილი ინსტრუმენტების შეყვანის - ერთ-ერთი ნაირსახეობა გამოიყენეს.
დაზიანებულ ორგანომდე მიღწევა საშოს კედლის გავლით მოხდა, ხოლო ორმილიმეტრიანი კამერის ჩასადგმელად პაციენტს მუცლის ღრუში, ჭიპის სიახლოვეს, მეტად მცირე ზომის განაკვეთი გაუკეთდა. სპეციალისტების აზრით, აპენდიქსის ამოკვეთის ახალ მეთოდს ტრადიციულთან შედარებით უამრავი უპირატესობა აქვს. მათ შორის -
არაჩვეულებრივი კოსმეტიკური ეფექტი და ოპერაციის შემდგომი თიაქრის განვითარების მცირე ალბათობა. აღსანიშნავია ისიც, რომ ახალნაოპერაციევ პაციენტს მხოლოდ უმნიშვნელო ტკივილი აწუხებს, რეაბილიტაციის პერიოდი კი ჩვეულებრივზე გაცილებით ხანმოკლეა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სან-დიეგოს სამედიცინო ცენტრის ქირურგებს ტრანსლუმინალური ენდოსკოპიური ჩარევა წინათაც ჩაუტარებიათ. 2007 წლის სექტემბერში მათ საშოს გავლით წარმატებით ამოკვეთეს ნაღვლის ბუშტი, ხოლო მიმდინარე წლის მარტში ანთებადი აპენდიქსის პირიდან ამოკვეთის ოპერაცია ჩაატარეს.
