ტუბერკულოზთან ბრძოლის ასპარეზმა ქუჩაში გადაინაცვლა
მოძრავ ფლუოგრაფთან რიგები დგას, რადგან უფასო გამოკვლევაზე უარის თქმა არავის სურს, ხოლო სპეციალური მენიუ: წიწიბურა მოშუშული ხორცით, კარაქიანი პური და ჩაი - უსახლკაროებისთვის პირდაპირ მისწრებაა. ისინი უფასო ფლუოროგრაფიას ნაცნობ-მეგობრებს შორის უკვე რეკლამასაც კი უწევენ. მედიკოსებმა შვებით ამოისუნთქეს, რადგან ერთ ავადმყოფს, თუ მას ტუბერკულოზის ღია ფორმა აქვს, ერთი თვის განმავლობაში შეუძლია 10-15 კაცი დააავადოს. ყველაზე საშიშ პაციენტებს უფასო მკურნალობას სთავაზობენ.