ტრაქეოტომია სამზარეულოს დანით
18.02.2009
55 წლის ამერიკელმა სტივ უაილდერმა, რომელსაც სასუნთქი გზების დახშობის გამო გაგუდვა ემუქრებოდა, დამოუკიდებლად გაიკეთა ტრაქეოტომია და სიკვდილს გადაურჩა.
მან სამზარეულოს დანით გადაიჭრა ტრაქეის წინა კედელი და ჰაერს ფილტვებისკენ გზა გაუხსნა.
ოთხი წლის წინ სტივ უაილდერს ყელის კიბოს დიაგნოზი დაუსვეს. ავთვისებიანი სიმსივნის რადიაციული თერაპიის შედეგად წარმოიშვა მრავალი ნაწიბური და სასუნთქი გზების სანათური დავიწროვდა. მას შემდეგ უაილდერს ხშირად აქვს ალერგიული რეაქციით გამოწვეული მწვავე სუნთქვითი უკმარისობის შეტევები.
- ამ ცოტა ხნის წინ ამერიკელი ჰაერის უკმარისობამ გააღვიძა, მიხვდა, რომ იხრჩობოდა და მეუღლეს სასწრაფო დახმარების გამოძახება სთხოვა, მაგრამ იგრძნო, რომ ექიმის მოსვლამდე ვერ გაძლებდა, აიღო სამზარეულოს დანა და დამოუკიდებლად გადაიჭრა ტრაქეა. დასახმარებლად მისულმა მედიკოსებმა გაოცებულებმა აღნიშნეს, რომ პაციენტი სწორად მოქმედებდა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
უაილდერის თქმით, ბოლო 4 წლის განმავლობაში მას ოთხი ტრაქეოტომია გაუკეთდა, ერთხელ კი ასეთსავე სიტუაციაში მან ეს მანიპულაცია თვითონვე ჩაიტარა.
