დაბინძურებული ჰაერი ვენებში თრომბის გაჩენას უწყობს ხელს
.
ჭვარტლის მიკროსკოპული ნაწილაკების შემცველი ჰაერის ჩასუნთქვა ვენების თრომბოზის რისკს ზრდის.
ღრმა ვენების თრომბოზი ნიშნავს თრომბების ფორმირებას წვივისა და თეძოს ღრმა ვენებში. თრომბის მოწყვეტამ და სისხლის ნაკადით მისმა გადაადგილებამ შეიძლება გამოიწვიოს სიცოცხლისთვის საშიში ისეთი გართულება, როგორიცაა ფილტვის არტერიის თრომბოემბოლია.
კვლევის ავტორმა ანდრეა ბაკარელიმ და მისმა კოლეგებმა ერთმანეთს შეადარეს მონაცემები ღრმა ვენების თრომბოზით ავადო-ბაზე და ჰაერში ათობით მიკრომეტრზე მცირე ზომის ნაწილაკების შემცველობაზე გაკეთებული ანალიზის შედეგები. ამ ნაწი-ლაკების დასაშვები ზღვარი დადგენილია ევროპული კომისიის მიერ და შეადგენს კუბურ მეტრ ჰაერში 50 მიკროგრამს.
გაირკვა, რომ მიკროსკოპული ნაწილაკების კონცენტრაციის კუბურ მეტრ ჰაერზე 10 მიკროგრამით ზრდა (მინიმუმ ერთი წლის განმავლობაში) ღრმა ვენების თრომბოზის განვითარების რისკს 70%-მდე ზრდის.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სისხლის ნიმუშების გამოკვლევამ აჩვენა, რომ დაბინძურებული ჰაერის პირობებში მცხოვრებ ხალხში თრომბოზის განვითარების დრო მნიშვნელოვნად შემცირებულია.
აქამდეც იყო ცნობილი, რომ მანქანის გამონაბოლქვის შემცველი მიკროსკოპული ნაწილაკები ზრდიდა ინფარქტის განვითარების რისკს, მაგრამ ჰაერის დაბინძურებასა და ღრმა ვენების თრომბოზს შორის კავშირი პირველად გამოვლინდა.
