ახალი პრეპარატი მგრძნობელობას სწრაფად აღადგენს
.
კლინიკური კვლევის შედეგების თანახმად, ამ წამლის დახმარებით ენის, ტუჩებისა და ღრძილების მგრძნობელობა, ნაცვლად ორი საათისა, 75-85 წუთში აღდგება.
პრეპარატ OraVerse-ს აწარმოებს სან-დიეგოში რეგისტრირებული პატარა კომპანია Novalar Pharmaceuticals. ერთი ინექციის ღირებულება დაახლოებით 12,5 დოლარია და თუ აშშ-ში სტომატოლოგების პაციენტთა რაოდენობას გავითვალისწინებთ, უნდა ვიფიქროთ, რომ მედიკამენტი მწარმოებლებს წელიწადში ასეულობით მილიონი დოლარის მოგებას მისცემს.
OraVerse ჰიპერტონიული კრიზის საწინააღმდეგო ცნობილი პრეპარატის ფენტოლამინ მეთანსულფონატის მოდიფიკაციას წარმო-ადგენს. მისი მოქმედების პრინციპი მარტივია: წამალი ხელს უწყობს სისხლძარღვების გაფართოებას და აძლიერებს ქსოვილებში სისხლის მიმოქცევას, რაც ინექციის უბნიდან ტკივილგამაყუჩებლის სწრაფ გამოდევნას იწვევს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
პრეპარატის გამოყენება რეკომენდებული არ გახლავთ ისეთი პროცედურების შემდეგ, როგორიც არის არხების გაწმენდა ან ფესვიანი კბილის ამოღება.
მწარმოებლების აზრით, OraVerse ყველაზე მეტად ბავშვთა კბილის ექიმებს გამოადგებათ. საქმე ის არის, რომ შესაძლოა, პატარა პაციენტებმა მგრძნობელობადაკარგული ენა, ტუჩები და ლოყები ძლიერად დაიკბინონ. თუმცა წამალი ჯერჯერობით მხოლოდ ზრდასრული და 6 წელს გადაცილებული პაციენტებისთვის არის ნებადართული.
