ჟურნალის რედაქცია

მისგან მიღებულ ნივთიერებას, ჰიდროქსიაპატიტს, უკვე დიდი ხანია იყენებენ მასალად ძვლოვანი ქსოვილის გადანერგვისთვის, მაგრამ შეზღუდვით, ვინაიდან იგი სრულყოფილად არ გაიწოვება, მისი ფოროვანი სტრუქტურის გამო მოსალოდნელია განმეორებითი მოტეხილობა და ბაქტერიების გამრავლება.

სუონსის უნივერსიტეტის მეცნიერებმა მარჯნისგან მიღებული ჰიდროქსიაპატიტი ძვლოვანი ქსოვილისადმი თავსებადი გახადეს. კერძოდ, ჩინეთის სამხრეთ სანაპიროს ზღვის მარჯანში აღმოჩენილი კალციუმის კარბონატი მათ ნაწილობრივ გადაიტანეს კარბონატით ჩანაცვლებულ ჰიდროქსიაპატიტში, მერე კი გამოყვეს მარჯნის კარბონატი ჰიდროქსიაპატიტ-კალციუმი.

ამ მასალის გადანერგვის შემდეგ გაუმჯობესდა 16 პაციენტის მდგომარეობა, რაც ოთხი თვის განმავლობაში მიმდინარე დაკვირვებამ დაადასტურა. ორი წლის შემდეგ მასალა მთლიანად გაიწოვება და დაზიანებულ ქსოვილს ეფექტურად და უსაფრთხოდ აღდგენის საშუალებას მისცემს.

მეცნიერთა აზრით, მარჯნის იმპლანტატები მოტეხილობების წარმატებულ მკურნალობას უზრუნველყოფს.

• გულის უკმარისობის საწინააღმდეგო ვაქცინა

ამერიკელმა მეცნიერებმა შეიმუშავეს და ცხოველებზე გამოსცადეს გულის უკმარისობის მკურნალობის ახალი მეთოდი SUMO-1. კეთილთვისებიანი ვირუსების მეშვეობით მათ საცდელ ცხოველებს გულში შეუყვანეს გენი SERCA2, რომელიც ამ ორგანოს უფრო ღონივრად და რიტმულად მუშაობის სტიმულს აძლევს და, ამასთან, მის ზრდასაც იწვევს. ამ დროს აღდგება გულის ქსოვილები, უმჯობესდება სისხლის მიწოდება.

აღმოჩნდა, რომ გულის აღსადგენად საკმარისია ერთი ინექცია. ამჟამად იგეგმება მეთოდის ადამიანებზე გამოცდა.

• ანთებითი ცილა ქალების სიმსუქნის მიზეზია

კიდევ ერთი გამოკვლევა კაროლინის უნივერსიტეტში ჩატარდა. მისი შედეგების საფუძველზე მეცნიერებმა ივარაუდეს, რომ ანთებასთან დაკავშირებული ცილა AIF-1 შესაძლოა ქალებში სიმსუქნის ერთ-ერთი მიზეზი იყოს.

კვლევის მიზანი ცხიმოვანი ქსოვილის უჯრედთა მიერ ამ ცილის გამოყოფის უნარის დადგენა იყო. სპეციალისტებმა შეისწავლეს მსუქანი და ნორმალური წონის ქალების ცხიმოვანი ქსოვილის ნიმუშები და ინსულინისადმი მგრძნობელობაც გაითვალისწინეს. გენეტიკურმა ტესტირებამ ცხიმოვან ქსოვილში აღნიშნული ცილა გამოავლინა. ჭარბწონიან ქალებს მისი კონცენტრაცია საგრძნობლად მაღალი აღმოაჩნდათ.

AIF-1, ჩვეულებრივ, ტრავმის პასუხად აქტიურდება სისხლის თეთრი უჯრედების მეშვეობით. იგი იწვევს ანთებას, რასაც შეხორცებითი პროცესი მოჰყვება.

გაირკვა ისიც, რომ AIF-1 დაკავშირებული იყო ინსულინრეზისტენტობასთან, რომელიც შაქრიანი დიაბეტის მეორე ტიპის განვითარების მანიშნებელია. ამჟამად მეცნიერებს განზრახული აქვთ გაარკვიონ, ეს ცილა მხოლოდ სიმსუქნის მარკერია თუ უშუალოდ მოქმედებს ცხიმოვან უჯრედებზე. ამის შემდეგ საჭირო გახდება მიღებული დასკვნების შემოწმება მამაკაცებზეც.

სიმსუქნე და მასთან გამკლავების საშუალებები

ჭარბი წონა დღეს კაცობრიობის ერთ-ერთი უმნიშვნელოვანესი პრობლემაა. ცხოვრების წესისა და რიტმის გამო პრობლემა სულ უფრო ღრმავდება.