News
ჯანდაცვის საპარლამენტო კომიტეტის თავმჯდომარემ დიმიტრი ხუნდაძემ საპატრიარქოს წმინდა იოაკიმესა და ანას სახელობის სამშობიაროში სტუმრობისას განაცხადა, რომ მიმდინარე წლის 1 ივლისიდან საქართველოში მშობიარობა უფასო იქნება. ხარჯებს ერთიანი სადაზღვევო ფონდი დაფარავს, რომელიც უახლოეს პერიოდში შეიქმნება. გარდა ამისა, გაიზრდება სოციალურად დაუცველი ოჯახებისთვის განსაზღვრული შემწეობებიც.
ხუნდაძის პირველი მოადგილის, გუგული მაღრაძის მონაცემებით, ერთიანი სახელმწიფო სადაზღვევო ფონდი თებერვლიდან ამოქმედდება. ჯანდაცვისა და სოციალური უზრუნველყოფის სფერო 2013 წლის ბიუჯეტიდან დაახლოებით 2,5 მლრდ ლარით ფინანსდება. მაღრაძის მონაცემებით, აქედან ჯანმრთელობის დაზღვევისთვის 600 მილიონი დაიხარჯება.
კვერცხი კარგი ქოლესტერინის მატებას იწვევს
კვერცხის მიღება ქოლესტერინის მატების რის-კფაქტორადაა მიჩნეული, თუმცა ბოლოდროინდელმა კვლევებმა აჩვენა, რომ რაციონში კვერცხის შეტანა ხელს უწყობს წონის დაკლებას და დადებითად მოქმედებს ლიპოპროტეინულ ბალანსზე.
მკვლევრები საშუალო ასაკის მეტაბოლური სინდრომის მქონე პირებს 12 კვირის განმავლობაში ყოველდღე აძლევდნენ სამ კვერცხს ან ეკვივალენტური ოდენობის კვერცხის შემცველ სხვა პროდუქტს. მიუხედავად იმისა, რომ კვლევის მონაწილე პირთა ორგანიზმში ხვდებოდა ორჯერ მეტი ქოლესტერინი, ვიდრე კვლევის დაწყებამდე, მისი მაჩვენებელი არ გაზრდილა. პირიქით, მოიმატა „კარგი“ ქოლესტერინის დონემ.
ცოტა ხნის წინ ოფიციალურად მიიჩნეოდა, რომ კვერცხში 215 მილიგრამი ქოლესტერინია, მაგრამ აღმოჩნდა, რომ ეს მაჩვენებელი 185 მილიგრამის ტოლი ყოფილა. გარდა ამისა, კვერცხში D ვიტამინი სავარაუდოზე 64%-ით მეტი აღმოჩნდა. დადგენილ იქნა ბეტა-კაროტინის, ქოლინის, ლუთეინის და ზეაქსანის (ანტიოქსიდანტი, კუნთოვანი დეგენერაციისა და ასაკობრივი სიბრმავის საწინააღმდეგო მოქმედებით) შემცველობაც.
საინტერესოა, რომ კვერცხი დიდი ხნით თრგუნავს შიმშილს, შედეგად ადამიანი ნაკლებს ჭამს და წონას იკლებს.