შეუძლია თუ არა ფიზიკურ ვარჯიშს მჯდომარე ცხოვრების წესის კომპენსირება
ამის შესახებ The Conversation-ს ბრუნელის უნივერსიტეტის (დიდი ბრიტანეთი) სპორტული მედიცინისა და ჯანმრთელობის დეპარტამენტის უფროსმა ლექტორმა დენიელ ბეილიმ განუცხადა. ბეილის თქმით, ბოლო ათწლეულების ტექნოლოგიურმა მიღწევებმა ადამიანების გადაადგილების აუცილებლობა აღმოფხვრა. ცხოვრების წესის ასეთმა ფართომასშტაბიანმა ცვლილებამ უარყოფითად იმოქმედა მთელ მსოფლიოში ადამიანების ჯანმრთელობაზე, ვინაიდან ადამიანის სხეული შექმნილია მოძრაობისთვის.
- ცნობილია, რომ უმოძრაო ცხოვრების წესი ზრდის გულის დაავადებების, კიბოს, სიმსუქნის, დიაბეტის და ჯანმრთელობის სხვა პრობლემების რისკს. ამას მოწმობს კალიფორნიის უნივერსიტეტის მეცნიერთა კვლევის შედეგები, რომელშიც 5856 ქალი მონაწილეობდა. შვიდი დღის განმავლობაში, 63-დან 99 წლამდე ასაკის მოხალისეები ატარებდნენ სპეციალურ აპარატებს, რათა თვალყური ედევნებინათ მათი ფიზიკური აქტივობისთვის.
მონაცემების შემდგომმა ანალიზმა აჩვენა, რომ მონაწილეებში, რომლებიც იჯდნენ დღეში 11 საათზე მეტ ხანს, 57%-ით უფრო მაღალი იყო სიკვდილის რისკი, ვიდრე მათთან, ვინც იჯდა დღეში ცხრა საათზე ნაკლები დრო.
თუმცა, ვარჯიშმა შეიძლება ვერ შეცვალოს ჯდომით გამოწვეული ზიანი.
ბეილიმ თქვა, რომ ბედფორდშირის უნივერსიტეტის სპეციალისტების მიერ ჩატარებულმა კიდევ ერთმა კვლევამ აჩვენა, რომ მაღალი ფიზიკური აქტივობა არ ამცირებს ტიპი 2 დიაბეტის, გულის დაავადებების და ინსულტის რისკს, რაც იზრდება ზედმეტი ჯდომისას. ბეილიმ განმარტა, რომ „ძალიან ბევრი“ ნიშნავს ყოველდღე 11 საათის ან მეტი საათის განმავლობაში ჯდომას.