თავის მოვლა მამაკაცებსაც სჭირდებათ
თმის ზრდის სისწრაფეზეა დამოკიდებული. მამაკაცები, ჩვეულებრივ, ყოველდღე იპარსავენ წვერს, ხოლო ზოგიერთი, განსაკუთრებით - შავგვრემნები, დღეში ორჯერაც კი. ყმაწვილებს სახეზე თხელი თმა აქვთ და ნელაც ეზრდებათ, ამიტომ მათ უფრო იშვიათად სჭირდებათ პარსვა.
ზოგჯერ პარსვა იწვევს კანის გაღიზიანებას, სიწითლეს, აქერცვლას, მტკივნეულობას. ხშირად ეს საპარსის ბრალია. ასე რომ არ მოხდეს:
- საპარსი ბასრი უნდა იყოს;
- გაპარსვის წინ წვერისა და ულვაშის მიდამო ქაფით უნდა გაისაპნოს. საპნის შემადგენლობაში არსებული ტუტე არბილებს თმის მკვებავ რქოვანა ნივთიერებას და აცლის მას ცხიმს, კანს კი გლუვს და სრიალას ხდის. მაღალ ტემპერატურაზე ეს პროცესი ჩქარდება, ამიტომ პირის გასაპარსად გამოიყენეთ თბილი წყალი;
- თუ პარსვის დროს საპონს ხმარობთ, უმჯობესია, ის მაღალი ხარისხისა იყოს, რომ კარგად აქაფდეს. საპარს კრემს უხვი, მდგრადი, სქელი ქაფი აქვს, რომელიც კანზე კარგად და თანაბრად ნაწილდება. საპონი ან კრემი სახეზე 2-3 წუთი უნდა გაიჩეროთ, შემდეგ ჩამოიბანოთ, დამარბილებელი მოქმედების გასაძლიერებლად 3-4 წუთით სახეზე გაიკეთოთ თბილი კომპრესი, ხელახლა გაისაპნოთ და პარსვას შეუდგეთ;
- საპარსის პირი უნდა დაიკავოთ კანის მიმართ მინიმალური კუთხით, სხვაგვარად შესაძლოა კანი გაიჭრათ და ვერც სუფთად გაიპარსოთ, რადგან თმა კი არ მოიჭრება, არამედ მოტყდება;
- თუ თხელი, მეჩხერი თმა გაქვთ, საკმარისია საპარსის ერთხელ გადატარება თმის ზრდის მიმართულებით. განმეორებით გაპარსვისას ის თმის ზრდის საპირისპიროდ უნდა მიმართოთ;
- გაპარსვის შემდეგ სახე ჩამოიბანეთ თბილი წყლით და გადაივლეთ ცივი წყალი.
- თუ გაპარსვის შემდეგ სიწითლემ, ქავილმა, კანის დაჭიმულობის უსიამოვნო შეგრძნებამ იჩინა თავი (რაც არცთუ იშვიათად აწუხებთ მგრძნობიარე, მშრალი კანის პატრონებს), გაიკეთეთ გვირილის საფენები.
- კარგი იქნება, თუ გაპარსვამდე 20-30 წუთით ადრე სახეზე წაისვამთ დამარბილებელ კრემს და დაიდებთ თბილი წყლის ან ზეთის კომპრესს, თუმცა სახეზე გაფართოებული სისხლძარღვების, ჰიპერტონიული დაავადების მეორე-მესამე ხარისხის დროს თბილი საფენები უკუნაჩვენებია.
- თუ პარსვისას გაკაწრულ კანში მიკრობი მოხვდა, შესაძლოა ჩირქოვანი პროცესი განვითარდეს, ამიტომ გაჭრილ ადგილებზე, ჯობს, მაშინვე წაისვათ ბრილიანტის მწვანე ან იოდი.
ელექტროსაპარსი პარსვის პროცესს ამარტივებს და უსაფრთხოს ხდის. მას ის უპირატესობაც აქვს, რომ არ აზიანებს კანს და არც გასაპვნას მოითხოვს.
გაპარსვის შემდეგ, დეზინფექციისთვის და კანის გაღიზიანების შესამცირებლად, რეკომენდებულია პარსვის შემდეგ სახმარი გელის ან უალკოჰოლო ტუალეტის წყლის წასმა.
საპარსი მოწყობილობა გამოყენების შემდეგ კარგად უნდა გარეცხოთ, გააშროთ, ელექტროსაპარსი გაწმინდოთ სპეციალური ჯაგრისით.
თმის შეჭრა რეკომენდებულია 3-4 კვირაში ერთხელ. თმის დავარცხნა სასურველია ჯაგრისით - ეს აუმჯობესებს კანის სისხლის მიმოქცევას და ხელს უწყობს თმის ზრდას.
აუცილებელია ხელების მოვლაც. მოუვლელი ფრჩხილები ულამაზო და არაჰიგიენურია. საჭიროა მათი დროდადრო მოჭრა, კიდეების მოქლიბვა, საპნითა და ჯაგრისით დაბანა და ფრჩხილის საწმენდით გასუფთავება.
