როგორ შევარჩიოთ საუკეთესო ხელის კრემი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორ შევარჩიოთ საუკეთესო ხელის კრემი

ითქვას ხელებზეც - მათაც სჭირდებათ მუდმივი და ფაქიზი მოვლა. ძნელად იპოვით ქალს, ჩანთაში ან ტუმბაზე ხელის კრემის ქილა არ ედოს. როგორი უნდა იყოს ხელის კრემი, როგორ შევარჩიოთ საუკეთესო?უპირველესად, გავარკვიოთ, რისგან შედგება ის, რადგან კრემის შემადგენლობა, დანიშნულების კვალობაზე, სხვადასხვანაირია. ყოველგვარი ხელის კრემის მთავარი კომპონენტია წყალი - მისი შემცველობა 60-70%-ს უტოლდება. კრემის შემდგენლობაში ყოველთვის შედის ლანოლინი და გლიცერინიც. ეს ინგრედიენტები კვებავს და ატენიანებს კანს. დანარჩენი კომპონენტების შემცველობა კი იმაზეა დამოკიდებული, სახელდობრ რა დანიშნულებით ვაპირებთ ხელის კრემის გამოყენებას.

მაშველი გუნდის პირველ ნომრად ვიტამინებია აღიარებული. ხელის კანი ინტენსიურად განიცდის ტემპერატურის, ტენიანობისა და სხვა გარეგანი ფაქტორების ზემოქმედებას, ამიტომ მისთვის აუცილებელია А და Е ვიტამინები. ისინი არბილებენ, ათანაბრებენ კანს და შესამჩნევად ანელებენ დაბერების პროცესს.

მეორე ადგილს მცენარეული ექსტრაქტები და ზეთები იკავებს. თუ დამატენიანებელი ან დამარბილებელი კრემი გჭირდებათ, ეს კომპონენტები მასში აუცილებლად უნდა იყოს.

მესამეა მზის სხივებისგან დამცავი ფილტრი. ყველამ იცის, რომ მზის სხივები არცთუ სასარგებლოა, ხოლო ულტრაიისფერი - ერთმნიშვნელოვნად მავნებელი, ამიტომ კანი მათგან რაც შეიძლება უკეთ უნდა დავიცვათ.

სიის მეოთხე ნომერია ელასტინი და კოლაგენი. ეს ნივთიერებები ასაკის საწინააღმდეგო ყველა კრემის შემადგენლობაში შედის.

ახლა ხელის კრემის სახეობებს გადავავლოთ თვალი:

  • დამატენიანებელი კრემი. თუ ის ჯერ კიდევ არ შედის თქვენს კოსმეტიკურ ნაკრებში, რაც შეიძლება სწრაფად შეიძინეთ. დატენიანება აუცილებელია, რათა კანმა სირბილე და სინაზე შეინარჩუნოს.
  • მკვებავი კრემი. ის უფრო მკვრივი და სქელია. მის შემადგენლობაში უმთავრესად ორგანული მჟავები და ვიტამინები შედის.
  • სოკოს საწინააღმდეგო კრემი. ეს სამედიცინო, სამკურნალო საშუალებაა და აფთიაქებში იყიდება. ამ კრემის დანიშნულებაა სოკოვან ინფექციასთან ბრძოლა, მისი პროფილაქტიკა და მკურნალობა.
  • დამცავი კრემი. იყენებენ მაშინ, როდესაც მავნე ფაქტორებისგან კანის დამცავი საშუალება, მაგალითად, ხელთათმანები, არ აქვთ. კრემი კანზე თხელ აპკს წარმოქმნის და ამგვარად იცავს.
  • დამარბილებელი კრემი. ის შეიძლება სამედიცინო საშუალებათა ჯგუფს მივაკუთვნოთ, თუმცა ჩვეულებრივ მაღაზიებშიც იყიდება. მისი გამოყენება სასურველია, როცა ხელებზე კანი შრება და სკდება.
  • ასაკის საწინააღმდეგო კრემი. თუ ქალი 30 წელს უახლოვდება, ურიგო არ იქნება, დაიწყოს ისეთი ხელის კრემის გამოყენება, რომლის შემადგენლობაშიც შედის კანის სინორჩისა და ელასტიკურობის შემანარჩუნებელი ნივთიერებები.
  • ხელის ზეთები. ეს არის ნივთიერებათა ცალკე ჯგუფი, რომელიც მხოლოდ ნატურალურ საშუალებებს შეიცავს.

ვიმედოვნებთ, ეს ინფორმაცია დაგეხმარებათ ხელების მოსავლელი საუკეთესო საშუალების შერჩევაში, რომლის მეშვეობითაც სილამაზეს გაიხანგრძლივებთ.