სუნამო
არსებობს ყალბი პარფიუმის წარმოების სამი ვარიანტი: ასლი, ვერსია და ვარიაცია.
- ასლი ყველაზე ადვილი ამოსაცნობია: იმიტირებულია შეფუთვა, ფლაკონის ფორმა და ლოგოტიპი.
ნუ დაიჯერებთ, თუ გეუბნებიან, რომ სუნამო ჩამოსხმულია ლიცენზიით - პარფიუმერიული კომპანიები არ გასცემენ ნებართვას იმაზე, რასაც თავად აწარმოებენ.
- ვერსიისშემთხვევაში კოლოფის ქვედა კიდესთან წვრილი შრიფტით კეთდება წარწერა “ვერსიონ”, თუმცა ეს წარწერა შეიძლება არც იყოს. ვერსიის შეფუთვა განსხვავდება ორიგინალისგან.
- ვარიაციისმწარმოებლები ცდილობენ ორიგინალის შეფუთვისა და ფლაკონის ზუსტ იმიტირებას.
ყალბი სუნამოს ამოცნობა შესაძლებელია სახელწოდებით: ხშირად მას აკლია ერთი ასო ან იგი შეცვლილია მსგავსი ხმოვანების სხვა ასო-ბგერით. იურიდიული თვალსაზრისით ამგვარი სუნამოები ლეგალურია, რამდენადაც სხვა დასახელება აქვს.
არჩევანში რომ არ შეცდეთ, გირჩევთ, სახელწოდება ყურადღებით წაიკითხოთ და შეადაროთ ორიგინალს. ყურადღება მიაქციეთ შეფუთვას - ორიგინალური სუნამოს ცელოფანი, როგორც წესი, მჭიდროდ ეკვირს კოლოფს. კიდეები დაწებებულია ქარხნული წესით, ისე, რომ წებოს კვალი არ რჩება.
ბრენდულ შეფუთვაზე ლოგოტიპი დაკრული კი არ არის, არამედ დაბეჭდილია მუყაოზე.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
თუ კოლოფზე შეამჩნიეთ წარწერა „პარიზი-ლონდონი-ნიუ-იორკი“, მოერიდეთ, ყალბია. ყურადღება მიაქციეთ წარწერას “პარფუმ”/”პარფუმე”. ნამდვილ ფრანგულ სუნამოზე სიტყვის ბოლოს “е” ასო არ უნდა იყოს.
შეანჯღრიეთ კოლოფი. ორიგინალური სუნამოს ფლაკონი მყარად ზის სადგარზე და არ ხმაურობს. ნამდვილი სუნამო რთული დიზაინის ძვირფას ფლაკონშია მოთავსებული. ეს არა მარტო მარკეტინგული სვლაა კლიენტების მოზიდვის მიზნით, არამედ საქონლის სინამდვილის გარანტიაც, რადგან ამგვარი შედევრების ასლის დამზადება რთულია.
შუშა უნდა იყოს სუფთა, გამჭვირვალე, ერთგვაროვანი. ორიგინალური პარფიუმის პულვერიზატორის ქვეშ ლითონის ჩარჩო მჭიდროდ არის დაფიქსირებული. ფლაკონის ძირზე გრავირებულია ნომერი.
როგორ ვიპკუროთ სუნამო
სასურველია, ისარგებლოთ ერთი პარფიუმერიული სერიით, სუნამოთი დაწყებული, საპნით დამთავრებული, ან ჰიგიენისა და სხეულის მოვლისთვის გამოიყენოთ ნეიტრალური ანუ პრაქტიკულად უსუნო საშუალებები, რათა არომატები ერთმანეთში არ აირიოს.
სუნამო უნდა ვიპკუროთ:
- მაჯისა და იდაყვის შიგნითა მხარეს;
- ყურებს უკან;
- დეკოლტეზე;
- მუხლქვეშ;
- თმაზე.
შეიძლება, ტანსაცმელზეც დავისხათ, ოღონდ წინასწარ უნდა დავრწმუნდეთ, რომ ქსოვილზე ლაქა არ დარჩება. მაგალითად, ბეწვი რამდენიმე თვე ინარჩუნებს სუნს. ოდენობა დამოკიდებულია კონკრეტულ შემთხვევასა და გარემოცვაზე. მცირე ზომის სათავსში არ გირჩევთ სუნამოს უხვად დაპკურებას, ასევე - მძაფრი სურნელის გამოყენებას, ღია სივრცეში - პირიქით.
დილით შედარებით ნაკლები უნდა დავისხათ, ვიდრე საღამოს. ეცადეთ, არ დაისხათ სუნამო ჭამის წინ. ოფლი აძლიერებს სუნს, ამიტომ ნუ გადააჭარბებთ, თუ იცით, რომ სიცხეში მოხვდებით. იმავე მიზეზით ვარჯიშის წინაც შეიკავეთ თავი სუნამოს დასხმისგან.
გაითვალისწინეთ ისიც, რომ ჩვენ ვეღარ ვამჩნევთ სურნელს, რომელიც მუდმივად ჩვენ ირგვლივაა, ამიტომ დროდადრო უნდა შეცვალოთ პარფიუმი და გარკვეული ხნის შემდეგ დაუბრუნდეთ ძველს.
სუნამოს შენახვის წესები
სუნამოს შესანახად ყველაზე შეუფერებელი ადგილია სააბაზანო, სადაც ტემპერატურა ცვალებადია. კარგი იქნება, თუ სუნამოს თავისივე კოლოფით მაცივარში შეინახავთ. სითბომ და სინათლემ ის შეიძლება რამდენიმე დღეში გააფუჭოს. სუნამოს გაფუჭების ნიშნებია:
- სიბლანტე;
- ფერისა და სუნის ცვლილება.
რომ არ გაგიფუჭდეთ, სუნამო შეიძინეთ მცირე ზომის ფლაკონით, რომელიც სწრაფად დაიცლება. აეროზოლის ფორმით სუნამო უფრო მეტხანს ინახება, ვიდრე ფლაკონში.
ნაკლებად კონცენტრირებული ტუალეტის წყალი უფრო მეტხანს ინახება, ვიდრე სუნამო.
გახსნილი სუნამო უფრო სწრაფად ფუჭდება, ამიტომ ნუ შეინახავთ მას განსაკუთრებული შემთხვევისათვის, იპკურეთ ყოველდღე საკუთარი სიამოვნებისთვის.
