შაკიკის სამკურნალო ხალხური საშუალებები - მკითხველის რეცეპტი
"შაკიკი - ასეთი დიაგნოზი დამისვეს ექიმებმა. ვიცოდი, რომ ეს დაავადება საშიში არ იყო, მაგრამ სიცოცხლეს კი მიმწარებდა. თავის ტკივილისგან ზოგჯერ ხმამაღლა ვტიროდი. გამაყუჩებელი მცირედ შვებას თუ მგვრიდა. არ დამიტოვებია ექიმი თუ ექიმბაში, მაგრამ... რა უცნაურიც არ უნდა მოგეჩვენოთ, ბარამბოსა და ძიძოს (Melilotus) ნაყენმა მიშველა. ეს რეცეპტი მეზობელმა მასწავლა. ბარამბო და ძიძო აფთიაქში ვიყიდე და ნაყენი მოვამზადე", - გვწერს მკითხველი.
• 5 ს/კ ბარამბოს ვასხამთ არაყს, ვაჩერებთ 3 დღეს, ვფილტრავთ. 20 წვეთს 1/ჭიქა წყალში ვაზავებთ და ვიღებთ დღეში 3-ჯერ, ჭამის წინ.
• ნახევარლიტრიან ბოთლში მესამედზე ვყრით ძიძოს ბალახს და ვავსებთ არყით, ვტოვებთ სიბნელეში 2 კვირით, შემდეგ ვფილტრავთ. ვიყენებთ საფეთქლების დასაზელად შეტევითი ტკივილის დროს. ვმკურნალობთ გამოჯანმრთელებამდე.