დევი დევიძე

.

• წითური ბავშვი რატომ მეყოლა?

"ექიმო, მე თეთრი ვარ, ჩემი ცოლი - შავგვრემანი და მწითური ბავშვი რატომ მეყოლა?" "ცოლთან სქესობრივი კავშირი რა სიხშირით გაქვთ?" "არ დამითვლია, სულ მივლინებაში მიწევს ყოფნა..." "თვეში ერთხელ?" "ზოგჯერ უფრო იშვიათად, ექიმო". "წელიწადში ერთხელ?" "დაახლოებით". "ჰოდა, ჟანგის ბრალია!.."

• რა გქვია, ქალო, შენ...

სექსოლოგის კაბინეტში მამაკაცი შედის ცოლთან ერთად.

- ექიმო, აი, ამან (მეუღლისკენ იშვერს ხელს)... რა გქვია, ქალო, შენ... სული ამომართვა, სათანადო ყურადღებას არ მაქცევო!..

• ის ჩემი ცოლი არ არის!

პაციენტმა ექიმს სექსუალური უძლურების შესახებ შესჩივლა. სექსოლოგმა დაარწმუნა, რომ თვითშთაგონება უშველიდა. მართლაც, რამდენიმე სეანსის შემდეგ პოტენციამ შესამჩნევად მოიმატა. პაციენტის ცოლმა გადაწყვიტა გაეგო, როგორ მუშაობდა ეს მეთოდი, ღამით სააბაზანოში გასულ ქმარს უკან გაჰყვა და რას ხედავს: კაცი სარკის წინ დგას და ხმადაბლა იმეორებს: "ის ჩემი ცოლი არ არის! ის ჩემო ცოლი არ არის! ის ჩემი ცოლი არ არის!.."

• ცოლთანაც ხომ უნდა დავწვე ოდესმე?

მამაკაცი ქრონიკულ დაღლილობას უჩივის. ექიმი: "რეგულარულ სქესობრივ ცხოვრებას ეწევით?" "დიახ, კვირაში ოთხჯერ: ორშაბათს, ოთხშაბათს და შაბათ-კვირას". "უფრო იშვიათად რომ სცადოთ? მაგალითად, კვირაობით დაისვენოთ...". "რას ამბობთ, კვირას არავითარ შემთხვევაში არ გამოვა, ცოლთანაც ხომ უნდა დავწვე ოდესმე?!"

• ცოლმა ეს საყურე ჩვენს საწოლში აღმოაჩინა

შეფმა შეამჩნია, რომ მისი ერთ-ერთი თანამშრომელი, სოლიდური მამაკაცი, საყურეს ატარებს. შეფი: "მოდამ გულგრილი არც ბებერი მგლები დატოვა?" "საყურეს გულისხმობთ, შეფ? ყურადღებას ნუ მიაქცევთ, ხანდახან რაღაც ასეთი უნდა ჩაიდინოს კაცმა". "დიდი ხანია, ასე ფიქრობთ?" "მას შემდეგ, რაც ცოლმა ეს საყურე ჩვენს საწოლში აღმოაჩინა".

• გემოვნება ცვალებადი ყოფილა

ერთი მოხუცი მამაკაცი ეუბნება მეორეს: "ისე, გემოვნება მართლაც ძალიან ცვალებადი ყოფილა. აი, მე, მაგალითად, ოცდაათი წლის წინ ძალიან მომწონდა თანატოლი ქალები, დღეს კი მათი დანახვისას გული მისკდება!"

• ძველი მეგობარია, შენ აღარ გეხსომება...

ხანში შესულ მამაკაცს დილით მოშარდვა გაუჭირდა და ამოიოხრა: "რას მერჩი, შე ოხერო?! რამდენი ხანია, აღარ შემიწუხებიხარ, მადლობის მაგიერია?!" "ვის ელაპარაკები, კაცო, მანდ?" - გამოსძახა ოთახიდან ცოლმა. "ძველი მეგობარია, შენ აღარ გეხსომება..."

• სიმელოტეს მე ვერაფერს მოვუხერხებ

- სამწუხაროდ, თქვენს სიმელოტეს მე ვერაფერს მოვუხერხებ, - ეუბნება დერმატოლოგი პაციენტს, - სჯობს, ქირურგს მიმართოთ. ის ისე მიჭრი-მოჭრის, რომ დარჩენილი ნაწილისათვის თმა აუცილებლად გეყოთ.

• გასაღები ჩვენმა შვილმა გადაყლაპა

პოლიკლინიკაში ზარია: "ექიმო, არ შეგიძლიათ, ახლავე მოხვიდეთ ჩვენთან?" "ასეთი რა მოხდა?" იცით, სახლში შესვლას ვერ ვახერხებთ..." "თუ ასეა, მისამართი შეგეშალათ, პოლიციაში უნდა დარეკოთ, გენაცვალე!" "არა, არა, ექიმო, ჩვენ სწორედ თქვენ გვჭირდებით. საქმე ის არის, რომ გასაღები ჩვენმა შვილმა გადაყლაპა".

• ოკულისტთან მოგიწევს მისვლა

"ძვირფასო, - ეუბნება ქალი ქმარს, - დღეს ტელევიზორში იმ საფეხბურთო მატჩს ვუყურე, რომელსაც შენ მსაჯობდი". "მერე როგორ მოგეწონა? - მოწონების რა გითხრა, ოკულისტთან კი სამშაბათს მოგიწევს მისვლა..."

• არ შეგიძლიათ, ჩემი მეუღლე პათანატომთანაც გაგზავნოთ

ექიმი: "თქვენი ცოლი აბსოლუტურად ჯანმრთელია. ამას ექოს შედეგები და ანალიზების პასუხებიც მოწმობს". პაციენტის ქმარი: "ექიმო, საბოლოოდ რომ დავმშვიდდე, არ შეგიძლიათ, ჩემი მეუღლე პათანატომთანაც გაგზავნოთ?"

• ხვალ თვითონვე გამოჯანმრთელდებოდით

ექიმი - პაციენტს: "ბეწვზე მოასწარით ჩემთან მოსვლა!" "რატომ, რამე სერიოზული მჭირს?" "არა, უბრალოდ, ხვალ თვითონვე გამოჯანმრთელდებოდით".