ვარსკვლავთა მენიუ - მკურნალი.გე

ისინი ხშირად მიმართავენ ძვირად ღირებულ პლასტიკურ ქირურგებს, პრაქტიკულად გამუდმებით იცავენ ინდივიდუალურ დიეტას, რომელიც მათთვის სპეციალსიტებმა შექმნეს. და კიდევ ერთი: დიეტას ყოველთვის ზაფხულობით იწყებენ, ვინაიდან ეს დრო გასახდომად იდეალურია.

• ჯულია რობერტსი

ჯულია რობერტსს ეს დიეტა დიეტოლოგმა პერიკონემ შეურჩია. ჯულია უსაზღვროდ კმაყოფილია წონითაც და სახის კანის არაჩვეულებრივი ელასტიკურობითაც.

დიეტის მთავარი კომპონენტია ორაგული, რომელსაც მსახიობი მიირთმევს საუზმეზეც, სადილზეც და ვახშამზეც. პროფესორი პერიკონე თვლის, რომ ორაგული ნაოჭების პირველი მტერია. თუ ამავე დროს რაციონიდან ამოიღებთ შაქარსა და ცხიმს, წონასაც საგრძნობლად დაიკლებთ.

დილით, გაღვიძებისთანავე:

350 მლ მინერალური წყალი

საუზმეზე:

100 გ ორაგული, ნახევარი თეფში წყალზე მომზადებული შვრიის ფაფა, 1 ცალი მწვანე ვაშლი და 350 გ მინერალური წყალი

ლანჩი:

250 გ დაკონსერვებული ორაგული, რამდენიმე ფურცელი ზეითუნის ზეთმოსხმული მწვანე სალათა, 350 გ მინერალური წყალი

სადილი:

50 გ ქათმის თეთრი ხორცი, 4 ცალი თხილი, ნახევარი ახალი მწვანე ვაშლი, 350 მილიგრამი მინერალური წყალი

ვახშამი:

მეორდება ლანჩი

• სოფი ლორენი

კინოვარსკვლავი სოფი ლორენი უკვე რამდენიმე წელია, ერთი და იმავე დიეტით სარგებლობს და მუდამ ფორმაშია.

მსახიობი ნებისმიერ ტრაპეზს იწყებს ნახევარი გრეიპფრუტით, მისი საუზმე კი, განურჩევლად მენიუსი, ყოველთვის 800 კალორიას შეიცავს. სწორედ ნახევარი გრეიპფრუტი წვავს 800 კალორიას.

• მიხაილ შუფუტინსკი

მიხაილ შუფუტინსკისთვის წონა ყოველთვის პრობლემა იყო. რომელი დიეტა არ სცადა, მაგრამ ამაოდ. ბოლოს მეგობრებმა ურჩიეს ცნობილი დიეტოლოგის ნ. ვოლოვის ინდივიდუალური დიეტა, რომელიც ე. წ. ცალკეული კვების პრინციპებს ეფუძნება. დღეს შუფუტინსკის დიეტა ასეთია:

პირველი, მეორე და მესამე დღე:

უცხიმო თევზი (შემწვარი ან მოხარშული), ზეთისხილი და ნიორი;

მეოთხე, მეხუთე და მეექვსე დღე:

ქათმის თეთრი ხორცი, კეფირი და მაწონი (ოდენობას მნიშვნელობა არ აქვს);

მეშვიდე, მერვე და მეცხრე დღე:

გრილზე შემწვარი ორაგული, ღორის ჩალაღაჯი, თავისივე წვენში ჩაშუშული და ნივრით შეზავებული ბარბეკიუ;

ხილი - ნებისმიერ დროს.

ამ დიეტის წყალობით მომღერალი დაკლებულ წონას უცვლელად ინარჩუნებს.

• ლაიმა ვაიკულე

ლაიმა ვაიკულესთვის წონის დაკლება არავითარ პრობლემას არ წარმოადგენს - თავისი უნიკალური დიეტით ის ნებისმიერ დროს ახერხებს სასურველი წონის მიღწევას. გთავაზობთ ამ დიეტას, რომლის შესრულება საშუალებას მოგცემთ, 9 დღეში 9 კილოგრამი დაიკლოთ.

პირველი, მეორე და მესამე დღე:

მოხარშული ქათმის ფილე ნებისმიერი ოდენობით;

მეოთხე, მეხუთე და მეექვსე დღე:

უცხიმო და უმარილო ბრინჯი;

მეშვიდე, მერვე და მეცხრე დღე:

მხოლოდ ახალი მწვანე ვაშლი.

• ბრიტნი სპირსი

დიეტას, რომელსაც ბრიტნი სპირსი იცავს, კინოვარსკვლავები კარგად იცნობენ, რადგან მათ, როლის შესაბამისად, ხშირად მოკლე ხანში სჭირდებათ წონის დაკლება. დიეტა ასეთია:

მთელი დღის განმავლობაში

5 ფინჯანი რძიანი ყავა უშაქროდ და 80 გრამი შავი შოკოლადი.

დღეში 1-2 კილოგრამის დაკლება გარანტირებულია.

• ჯენიფერ ლოპესი

ჯენიფერ ლოპესს წონის დასაკლებად მხოლოდ ერთი კვირა სჭირდება და არც მიღწეულის შენარჩუნება უჭირს, რადგან შაქარსა და მარილს სიახლოვესაც არ ეკარება. დიეტა ასეთია:

პირველი დღე:

გრილზე შემწვარი წიწილა (3 ულუფად გაყავით და მიირთვით საუზმედ, სადილად და ვახშმად).

მეორე დღე:

300 გრამი ასევე გრილზე შემწვარი ხბოს ხორცი (3 ულუფად გაყოფილი მთელი დღის განმავლობაში);

მესამე დღე:

3-5 ფინჯანი უშაქრო შავი ყავა.