როდის არის საჭირო თავისა და კისრის სისხლძარღვების დუპლექს სკანირება - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როდის არის საჭირო თავისა და კისრის სისხლძარღვების დუპლექს სკანირება

მეთოდი შესანიშნავ შესაძლებლობას იძლევა ვიზუალურად წარმოვიდგინოთ სისხლძარღვების კედლების მდგომარეობა და მათში სისხლის მოძრაობის სიჩქარე.

თავისა და კისრის სისხლძარღვების ულტრაბგერითი სკანირება არის ერთ-ერთი ყველაზე მნიშვნელოვანი დიაგნოსტიკური მეთოდი, რომელიც გამოიყენება სხვადასხვა პათოლოგიის შესახებ ღირებული ინფორმაციის მისაღებად.

* როდის არის საჭირო თავისა და კისრის სისხლძარღვების დუპლექს სკანირება?

ეს ინსტრუმენტული დიაგნოსტიკური მეთოდი, ჩვეულებრივ, ინიშნება, თუ პაციენტს აქვს შემდეგი ჩივილები:

  • ხშირი მუდმივი თავის ტკივილი;
  • ხშირი თავბრუსხვევა ან გულისცემა;
  • ძილის რეჟიმის პრობლემები;
  • ტაქიკარდია ან არითმია;
  • მაღალი წნევა;
  • ყურებში შუილი;
  • ცხვირიდან სისხლდენა;
  • თვალის წინ ლაქებისა და წრეების გამოჩ­ენა;
  • სმენისა და მხედველობის დაქვეითება;
  • კისრის არეში უცნობი ეტიოლოგიის ტკივილი;
  • სიარულის დარღვევა დაზიანების არარსებობისას;
  • მეხსიერების უეცარი დაქვეითება და ყურადღების შესუსტება.

გარდა ამისა, დუპლექს სკანირება ტარდება, თუ პაციენტს აქვს შემდეგი ანამნეზი:

  • ინსულტი ან სხვა მწვავე ან ქრონიკული ცერებროვასკულური შეტევა (მაგალითი: გარდამავალი იშემიური შეტევა (TIA);
  • ჰიპერტენზია;
  • შაქრიანი დიაბეტი;
  • გულის იშემიური დაავადება (ინფარქტი, სტაბილური სტენოკარდია და სხვ.);
  • დადასტურებული თავის ტვინის სისხლძარღვების ათეროსკლეროზი;
  • სისხლში საერთო ქოლესტერინის და LDL მომატებული მაჩვენებელი;
  • გულის სხვადასხვა მანკი;
  • ხერხემლის კისრის ნაწილის ოსტეოქონდროზი;
  • ქალა-ტვინის ტრავმა.

კვლევა შეიძლება დაინიშნოს ასევე:

  • თავის ტვინის ოპერაციისთვის მზადებისას;
  • სიმსივნეზე ეჭვის დროს;
  • პაციენტის გამოჯანმრთელების დინამიკის შესაფასებლად;
  • პროფილაქტიკური მიზნით.

კვლევის ეს მეთოდი ფართოდ გამოიყენება სხვადასხვა სფეროში, რადგან თავის ტვინის სისხლის მიმოქცევის დარღვევების მკურნალობა მოითხოვს არა მხოლოდ კარდიოლოგებისა და ნევროლოგების, არამედ სხვა დარგის სპეციალისტების დახმარებას.

* რა შეიძლება აჩვენოს თავისა და კისრის სისხლ­ძარღვების დუპლექს სკანირებამ?

პროცედურა ტარდება ტვინისა და კისრის სისხლძარღვების კედლების ვიზუალიზაციისთვის. პროცედურის გამოყენებით შეგიძლიათ შეისწავლოთ არა მხოლოდ ზედაპირული და მაგისტრალური, არამედ ღრმა არტერიები და ვენები, შეაფასოთ სანათურის გამტარიანობა და სისხლძარღვების კედლების სისქე.

თავისა და კისრის სისხლძარღვების ულტრაბგერითმა სკანირებამ შეიძლება გამოავლინოს:

  • სისხლძარღვის სანათურის შევიწროება;
  • სისხლძარღვის სანათურში თრომბის ან ათეროსკლეროზული ფოლაქის არსებობა;
  • სისხლძარღვის კედლის გასქელება ან აშრევება;
  • თავის ტვინის სისხლძარღვების ანევრიზმის არსებობა (გაფართოება);
  • პათოლოგიური დაკლაკნილობა.

კვლევის დროს ნორმა გულისხმობს სისხლძარღვებს ფართო სანათურით და ანატომიურად სწორი კედლის სისქით. მონიტორზე არ უნდა იყოს პათოლოგიური წარმონაქმნები, აშრევება ან გაფართოება.