თვალის კიბოს უჩვეულო სიმპტომები
- თვალების სიწითლე,
- ინფექციური და ანთებითი დაავადებები,
- ფართო გუგები,
- თრომბის წარმოქმნა თვალის წინა ნაწილში,
- ბადურის აშრევება,
- თვალის გადაღლა,
- ასევე მხედველობის პროგრესირებადი გაუარესება.
თვალის კიბოს სიმპტომები შეიძლება განსხვავდებოდეს კიბოს ტიპის მიხედვით. მაგალითად, თუ კიბოსგან გამოწვეული დაზიანება ლოკალიზებულია ფერად გარსზე, მაშინ ერთ-ერთი დამახასიათებელი სიმპტომი შეიძლება იყოს ფერადი გარსის ფერის შეცვლა, მის ზედაპირზე ლაქებისა და კვანძების გამოჩენა. თუ სიმსივნე მდებარეობს ქუთუთოს მიდამოში, ჩნდება კვანძი, რომელიც შეიძლება სისხლმდენი იყოს. ქუთუთოების მელანომა ხასიათდება ისეთი სიმპტომებით, როგორიცაა გაორებული მხედველობა და ფერად გარსზე მუქი ლაქების გაჩენა.
თუმცა, უმეტეს შემთხვევაში თვალის კიბო დიდი ხნის განმავლობაში უსიმპტომოდ მიმდინარეობს და აშკარა ნიშნებს მხოლოდ დაავადების გვიან სტადიაზე ავლენს, რაც ართულებს მის დროულ გამოვლენას.
თვალის კიბოს გამომწვევი მიზეზები დაკავშირებულია არახელსაყრელ გარემო პირობებთან, რადიოაქტიურ გამოსხივებასთან, გენეტიკურ ფაქტორებთან, ულტრაიისფერი სხივების უარყოფით ზემოქმედებასთან, აივ ინფექციასთან, საკვებში არსებულ კანცეროგენულ ნივთიერებებთან და უხარისხო კოსმეტიკასთან. სიმსივნემ შეიძლება გამოიწვიოს მხედველობის შეუქცევადი დაკარგვა.
დიაგნოსტიკა მოიცავს:
- ულტრაბგერას,
- კომპიუტერულ ტომოგრაფიას
- თვალისა და თავის ტვინის მაგნიტურ-რეზონანსულ ტომოგრაფიას
და სხვა მეთოდებს.
თვალბუდის სიმსივნეები
თვალის უკან მდებარე ქსოვილებში იშვიათად ვითარდება სიმსივნეები, როგორც კეთილთვისებიანი, ასევე ავთვისებიანი. სიმსივნეები ან თავად სტრუქტურებიდან შეიძლება წარმოიქმნას, ან სხეულის სხვა, ნებისმიერი ნაწილიდან გავრცელდეს (მეტასტაზირდეს) მათში ავთვისებიანობის შემთხვევაში.
სიმსივნური მასა თვალს შეიძლება უკნიდან მიაწვეს და წინ წამოსწიოს (რასაც პროპტოზი ან ეგზოფთალმი ეწოდება). შესაძლოა ასევე ვლინდებოდეს ტკივილი, მხედველობის გაორება ან დაქვეითება. წარმონაქმნის გამოსახულების მისაღებად და სხვა პათოლოგიების გამოსარიცხად კომპიუტერული ტომოგრაფია (კტ) ან მაგნიტურ-რეზონანსული ტომოგრაფია (მრტ) ტარდება. სიმსივნის ტიპის დასადგენად ქსოვილის ნიმუშს იღებენ და მიკროსკოპით შეისწავლიან (ბიოფსია), რადგან სწორედ ამ კვლევის შედეგებზეა დამოკიდებული მკურნალობა. ინიშნება ოპერაცია, სხივური თერაპია, ქიმიოთერაპია ან ამ მეთოდების კომბინაცია.
თვალშიდა სიმსივნეების დიაგნოსტიკისა და მკურნალობის საშუალებების შესახებ წაიკითხეთ ინტერვიუ